សេដ្ឋកិច្ច

កម្ពុជា បើកទ្វារស្វាគមន៍ រាល់ការវិនិយោគពីសហរដ្ឋអាមេរិក

បានផុស

២ ម៉ោង មុន

នៅ

ថ្ងៃព្រហស្បតិ៍ ២៣ កក្កដា ២០២៦

ដោយ

លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានកត់សម្គាល់ពីការបើកទ្វារស្វាគមន៍ការលានុវត្តវិនិយោគ ពីសហរដ្ឋអាមេរិក ដែលជាការវិនិយោគមានតម្លៃបន្ថែមខ្ពស់ ក្នុងវិស័យដែលមានសក្ដានុពល ដូចជាវិស័យកសិ-ឧស្សាហកម្ម ថាមពលស្អាត ឌីជីថល ឡូជីស្ទីក សុខាភិបាល និងបច្ចេកវិទ្យា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧបនាយករដ្ឋមន្ត្រី បានលើកឡើងក្នុងពេលជួបពិភាក្សាការងារជាមួយលោក ឯកអគ្គរដ្ឋទូត Brian D. McFeeters ប្រធាន និងជានាយកប្រតិបត្តិនៃក្រុមប្រឹក្សាធុរកិច្ចសហរដ្ឋអាមេរិក-អាស៊ាន។

លោកឧបនាយករដ្ឋមន្ត្រី បានវាយតម្លៃខ្ពស់ចំពោះកិច្ចសហប្រតិបត្តិការរវាងកម្ពុជា និងសហរដ្ឋអាមេរិក ក្នុងការបន្តពង្រឹងទំនាក់ទំនងពាណិជ្ជកម្ម និងការបន្តវិនិយោគរបស់ក្រុមហ៊ុនពហុ ជាតិអាម៉េរិកជាច្រើននៅកម្ពុជា។ នៅក្នុងឆ្នាំ ២០២៥ ទំហំពាណិជ្ជកម្មសរុបរវាងកម្ពុជា-សហរដ្ឋអាមេរិក សម្រេចបានប្រមាណ ១៣ ប៊ីលានដុល្លារ ខណៈទុនវិនិយោគពីសហរដ្ឋអាម៉េរិកបាន កើនដល់ប្រមាណ ១ ប៊ីលានដុល្លារ ដែលឆ្លុះបញ្ចាំពីភាពរឹងមាំនៃចំណងមិត្តភាពសេដ្ឋកិច្ច ពាណិជ្ជកម្ម រួមចំណែកក្នុងកិច្ចគ្រប់គ្រងស្ថិរភាពម៉ាក្រូសេដ្ឋកិច្ច និងការរក្សាបាននូវចីរភាពហិរញ្ញវត្ថុសាធារណៈរបស់កម្ពុជា សម្រាប់រយៈពេលមធ្យមទៅវែង។

ឯកអគ្គរដ្ឋទូត ក៏បានកោតសរសើរ និងវាយតម្លៃខ្ពស់ចំពោះកិច្ចខិតខំរបស់រាជរដ្ឋាភិបាលកម្ពុជា ក្នុងការបន្តដោះស្រាយរាល់បញ្ហាប្រឈមពាក់ព័ន្ធនានាកន្លងមក ដោយធ្វើការកត់សម្គាល់អំពីការរីកចម្រើនខ្លាំងគួរឱ្យកត់សម្គាល់ នៃបរិយាកាសវិនិយោគ និងធុរកិច្ច នៅកម្ពុជាក្នុងរយៈពេល ២ ឆ្នាំ នៃការបំពេញការងាររបស់លោក៕