ព័ត៌មានជាតិ
បំពាក់ភ្លើង LED ផ្លូវយន្តហោះពង្រីកថ្មី ៣.៣០០ ម៉ែត្រ នៅព្រលានខេត្តព្រះសីហនុ
ក្រុមបច្ចេកទេសនៃក្រុមហ៊ុនអាកាសយានដ្ឋាន Cambodia Airports បានបញ្ចប់ការប្តូរអំពូលនៅតាមផ្លូវរត់យន្តហោះរបស់អាកាសយានដ្ឋានអន្តរជាតិខេត្តព្រះសីហនុទៅជាប្រភេទ LED វិញ។
ក្រុមហ៊ុន Cambodia Airports ដែលទទួលសិទ្ធិគ្រប់គ្រងព្រលានទាំង ៣ របស់កម្ពុជាបានឲ្យដឹងថា ការបំពាក់ភ្លើងអំពូល LED នៅព្រលានខេត្តព្រះសីហនុដែលទើបពង្រីកផ្លូវរត់ចម្ងាយ ៣.៣០០ ម៉ែត្រ (រួមទាំងការពង្រីកបន្ថែម ៨០០ ម៉ែត្រថ្មី) គឺជាផែនការប្រកបដោយមហិច្ឆតា ដើម្បីបង្កើនការតភ្ជាប់ការហោះហើរ និងសម្រួលការចុះចតយន្តហោះគ្រប់ប្រភេទ រួមទាំងយន្តហោះខ្នាតធំ។
ព្រលានយន្តហោះខេត្តព្រះសីហនុ មានការរីកលូតលាស់លឿនជាងគេទាំងអ្នកដំណើរនិងចរាចរណ៍ហោះហើរ ក្នុងចំណោមអាកាសយានដ្ឋានអន្តរជាតិ ទាំង ៣ នៅកម្ពុជា ខណៈដែលផ្លូវរត់របស់យន្តហោះទើបត្រូវបានពង្រីកពីទំហំ ២៥០០ ម៉ែត្រ ដល់ ៣៣០០ ម៉ែត្រ។
បើតាមក្រុមហ៊ុនអាកាសយានដ្ឋាន Cambodia Airports នឹងបំលែងប្រភពពន្លឺទៅជា LED នៅអាកាសយានដ្ឋានអន្តរជាតិទាំង ៣ ដែលខ្លួនគ្រប់គ្រង ជាជំហានដ៏សំខាន់ក្នុងការកាត់បន្ថយការប្រើប្រាស់អគ្គិសនីនិងការកាត់បន្ថយការបញ្ចេញកាបូន។
ខេត្តព្រះសីហនុបានក្លាយជាគោលដៅរបស់អ្នកវិនិយោគ និងភ្ញៀវទេសចរ តាមរយៈការមានកំពង់ផែទឹកជ្រៅនិងតំបន់ឆ្នេរដ៏មានសក្តានុពល។ ក្នុងរយៈពេល ៦ខែ អ្នកដំណើរតាមផ្លូវអាកាសតាមរយៈព្រលានយន្តហោះខេត្តព្រះសីហនុ មានជាង ៧សែននាក់ ហើយវារីកលូតលាស់លឿនជាងគេបំផុត ក្នុងចំណោមអាកាសយានដ្ឋានអន្តរជាតិ ទាំង ៣ នៅកម្ពុជា៕
-
កីឡា១ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៣ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៦ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៧ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៧ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
ព័ត៌មានអន្ដរជាតិ១ សប្តាហ៍ agoតម្លៃប្រេងអន្តរជាតិស្ទុះងើបឡើងវិញ ក្រោយអាមេរិកបើកការវាយប្រហារថ្មីប្រឆាំងអ៊ីរ៉ង់