សេដ្ឋកិច្ច
ស្វាយកែវរមៀតនៅស្ទឹងត្រែងធ្លាក់តម្លៃពាក់កណ្ដាល ដោយសារតែប្រទេសបញ្ជាទិញជួបវិបត្តិកូវីដ
កសិករដាំដំណាំស្វាយកែវរមៀត បានត្អូញត្អែរពីការធ្លាក់ថ្លៃ មកដល់ថ្ងៃទី ១៧ ខែមីនានេះ មានតម្លៃ ៤០០ ទៅ ៦០០ រៀលតែប៉ុណ្ណោះ ក្នុងមួយគីឡូ ដែលធ្វើឱ្យកសិករត្រូវបាត់បង់ប្រាក់ចំណូលប្រចាំឆ្នាំ។
កសិករដាំស្វាយនៅភូមិរាជានុកូល ក្រុងស្ទឹងត្រែង លោក សេង ថៃ ប្រាប់ថា ៖ កសិករបានចំណាយដើមទុនយ៉ាងច្រើនទៅលើការថែទាំ ដូចជាដាក់ជី បាញ់ថ្នាំ លុះដល់ពេលបានផលហើយក៏ធ្លាក់ថ្លៃ ដោយអ្នកបញ្ជាទិញឲ្យតម្លៃត្រឹមតែមួយគីឡូ ៤០០ ទៅ ៦០០ រៀលតែប៉ុណ្ណោះ ធ្វើឲ្យកសិករបាត់បង់ផ្នែកសេដ្ឋកិច្ចក្នុងគ្រួសារ។
លោកបន្តថា ៖ “កសិករយើងបានចំណាយពេលវេលាជាច្រើនឆ្នាំ រហូតមកដល់ពេលនេះ មានបច្ចេកទេសគ្រប់គ្រាន់ ក្នុងការដាំដំណាំឧស្សាហកម្ម ដូចជាស្វាយកែវរមៀតនេះជាដើម អាចថែទាំធ្វើឱ្យវាផ្លែក្នុងមួយឆ្នាំបាន២លើក គ្រាន់តែពុំទាន់មានទីផ្សារច្បាស់លាស់ ព្រោះកាលពីខែតុលា និងវិច្ឆិកាឆ្នាំ ២០២១ ស្វាយមានតម្លៃ ១ ២០០ រៀល ទៅ ១ ៥០០ រៀលក្នុងមួយគីឡូក្រាម ខណៈដែលមកដល់ខែកុម្ភៈ និងមីនា ដើមឆ្នាំ ២០២២ នេះ មានតម្លៃតែ ៤០០ រៀល ទៅ ៦០០រៀល ហើយពិបាករកអ្នកបញ្ជាទិញថែមទៀត”។
អ្នកស្រី លាង ស្រីពៅ អ្នកប្រមូលទិញផលសំណាំផ្នែកឧស្សាហកម្មប្រចាំនៅខេតស្ទឹងត្រែងបានទទួលស្គាល់ថា ៖ ផលស្វាយកែវរមៀតនេះ មានទីផ្សារធំនៅប្រទេសវៀតណាម ហើយនៅឆ្នាំ២០២២នេះអ្នកបញ្ជាទិញមានចំនួនតិច ដោយសារតែប្រទេសមួយនេះ ជួបវិបត្តិជំងឺកូវីដ១៩ខ្លាំង។
អ្នកស្រីបញ្ជាក់ថា៖ ចំណែកនៅប្រទេសឡាវ វិញឈ្មួញទិញទៅតាមតម្រូវការតិចតួច ហើយការនាំចេញទៅប្រទេសថៃ មានចម្ងាយផ្លូវឆ្ងាយ មិនអាចនាំចេញទៅបាន ព្រោះត្រូវចំណាយច្រើនពេកហើយអ្នកបញ្ជាទិញជ្រើសរើសយកតែស្វាយមានគុណភាព សោភ័ណភាពល្អស្អាតតែប៉ុណ្ណោះ។
លោក ទុំ នីរ៉ូ ប្រធានមន្ទីរកសិកម្មខេត្តបានចាត់ទុកថា៖ នេះជាផ្នែកមួយ តម្រូវឱ្យកសិករយើងត្រូវសិក្សាយកចំណេះជំនាញការថែទាំពីគ្នាទៅវិញទៅមក ដើម្បីធ្វើឱ្យផលដំណាំនីមួយៗទទួលបានបរិមាណនិងគុណភាពតម្រូវទៅលើទីផ្សារ។
លោកកត់សំគាល់ថា ៖ ឆ្លងកាត់តាមការពិនិត្យពីមន្ត្រីជំនាញកសិកម្ម ឃើញថាបច្ចុប្បន្នប្រជាកសិករយើងមានបទពិសោធន៍ និងយល់ដឹងបានច្រើនក្នុងការដាំដុះដាំដំណាំស្វាយកែវល្មៀតនេះ អញ្ចឹងហើយក៏សូមសំណូមពរ ឱ្យបងប្អូនដែលមានចំណេះដឹង ខាងផ្នែកប្រើប្រាស់ជីប្រើប្រាស់ដី ការថែរក្សាគ្រាប់ ឬការថែរក្សាដើមនេះ សូមលោកបនការចែករំលែក បទពិសោធន៍មកដល់បងប្អូនប្រជាពលរដ្ឋទូទៅ មកដល់ប្រជាពលរដ្ឋក្នុងខេត្តក៏ដូចជាតំបន់ផ្សេងទៀត។
ខេត្តស្ទឹងត្រែង កសិករអនុវត្តដាំដំណាំផ្នែកឧស្សហកម្មស្វាយកែវរមៀត បានលើផ្ទៃដី ៤ ៣១៨ហិកតា កំពុងទទួលផល១ ៩៥៥ហិកតា ក្នុងមួយហិកតាទទួលបានផលចំនូនប្រមាណ១០តោន៕
អត្ថបទ៖ ងិនលីម
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១១ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន