Connect with us

សេដ្ឋកិច្ច

កម្ពុជា នៅសល់វ៉ាក់សាំងក្នុងស្តុកជាង ៩លានដូស ខណៈបានប្រើប្រាស់អស់ជាង ៤២លានដូស

បានផុស

នៅ

កម្ពុជា ទទួលបានវ៉ាក់សាំងសរុបជាង ៥២លានដូស និងបានប្រើប្រាស់អស់ជាង ៤២លានដូស ហើយបច្ចុប្បន្ននៅសល់ក្នុងស្តុកចំនួនជាង ៩លានដូស។ នេះបើតាមប្រសាសន៍សម្តេចតេជោ ហ៊ុន សែន នាយករដ្ឋមន្រ្តី នៅក្នុងពិធីជួបសំណេះសំណាលជាមួយក្រុមគ្រូពេទ្យសម្តេចតេជោ ប្រឆាំងកូវីដ-១៩ នៅព្រឹកថ្ងៃទី ១៧ ខែ ឧសភា ឆ្នាំ ២០២២ នៅសាលពិព័រណ៍ជ្រោយចង្វា រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ បញ្ជាឱ្យក្រសួងសុខាភិបាល យកវ៉ាក់សាំងដែលនៅក្នុងស្តុកទាំងជាង ៩លានដូស ទៅចាក់ជូនពលរដ្ឋ ដែលមិនទាន់ទទួលបានវ៉ាក់សាំង។ ទន្ទឹមនឹងនេះ សម្តេចតេជោ បានគូសបញ្ជាក់ថា វ៉ាក់សាំងប្រឆាំងកូវីដ នឹងមកដល់បន្ថែមទៀត ចំនួនជាង ២០លានដូស ក្នុងនោះ របស់ប្រទេសចិនមានចំនួន ១៥លានដូស និងពីអាមេរិកចំនួន ៧លាន៥សែនដូស ដោយវ៉ាក់សាំងអាមេរិក បានដឹកមកដល់កម្ពុជា ២លានដូសហើយ នៅសល់ជាង ៥លានដូសទៀត។

សម្តេច បានរំលឹកថា «ប្រទេសនេះក្រ តែមិនបណ្តោយឱ្យពលរដ្ឋរបស់យើងខ្វះថ្នាំដែលអាចរកទិញបានទេ​…ខ្ញុំបានប្រាប់ វង្សី វិស្សុត ថាឱ្យតែចិនឆ្លើយតបថាលក់ គឺទិញភ្លាម បញ្ជូនលុយទៅឱ្យភ្លាមទាំងលុយថ្លៃវ៉ាក់សាំង ទាំងលុយដឹកជញ្ជូន… ២៨លាន ៥សែនដុល្លារ ដែលយើងទិញខ្លួនឯង ហើយពេលនោះ មិនប្រាកដថា មានលុយហើយទិញបានទេ»។

បើតាមក្រសួងសុខាភិបាល គិតមកដល់ពេលនេះ កម្ពុជា បានចាក់វ៉ាក់សាំងជូនពលរដ្ឋប្រមាណជិត ១០០ភាគរយហើយនៃពលរដ្ឋសរុបទូទាំងប្រទេស។ ក្នុងនោះ ពលរដ្ឋបានចាក់វ៉ាក់សាំងដូសទី៣ ដែលជាកាតព្វកិច្ចតម្រូវ ដោយកម្ពុជានៅសល់មនុស្សប្រមាណ៦លាននាក់ទៀត ដែលមិនទាន់ចាក់ដូសទី៣ ខណៈពលរដ្ឋជាង១លាននាក់ បានចាក់ដូសទី៤រួចហើយ។ នេះបើតាមប្រសាសន៍របស់សម្តេចតេជោ កាលពីចុងខែ មេសា កន្លងទៅ។ សម្តេចតេជោ ក៏បានអំពាវនាវដល់ប្រជាពលរដ្ឋទាំងអស់ ទៅចាក់វ៉ាក់សាំងឱ្យបានគ្រប់ៗគ្នា បើទោះពេលនេះ កូវីដ-១៩ ពុំមាននៅកម្ពុជាក្តី។

សូមបញ្ជាក់ថា គិតមកដល់ថ្ងៃនេះ កម្ពុជា ពុំមានអ្នកឆ្លងជំងឺកូវីដ-១៩ ចំនួន ១០ថ្ងៃហើយ ដោយសារការប្រឹងប្រែងរបស់រដ្ឋាភិបាល និងមានការចូលរួមសហការពីពលរដ្ឋ ក្នុងការសម្រុកចាក់វ៉ាក់សាំងនាពេលកន្លងមក៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម