សេដ្ឋកិច្ច

តាំងពីផ្ទុះជម្លោះជាមួយ អ៊ុយក្រែន, រុស្ស៊ី នាំប្រេងឆៅទៅ ឥណ្ឌា និង ចិន ទ្វេដង

បានផុស

៤ years មុន

នៅ

ថ្ងៃអង្គារ ១៣ ធ្នូ ២០២២

ដោយ

ការនាំចេញប្រេងឆៅរបស់រុស្ស៊ីទៅកាន់ប្រទេសឥណ្ឌាបានកើនឡើង ១៤ ដង និងកើនឡើងទ្វេដងទៅកាន់ប្រទេសចិន រាប់ចាប់តាំងពីការចាប់ផ្តើមនៃជម្លោះអ៊ុយក្រែនមក ។ នេះយោងតាមទិន្នន័យពីទីភ្នាក់ងារ Anadolu ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារបញ្ហាសង្គ្រាមរុស្ស៊ី-អ៊ុយក្រែន សហភាពអឺរ៉ុប (EU) បាននាំគ្នាដាក់ទណ្ឌកម្ម ក៏ដូចជាបញ្ឈប់ការទិញប្រេងឆៅពីរុស្ស៊ី ហើយ EU និង G7 ថែមទាំងបានយល់ព្រមដាក់តម្លៃ ៦០ ដុល្លារក្នុងមួយបារ៉ែលនៃប្រេងឆៅរុស្ស៊ីទៀតផង ខណៈច្បាប់នៃទណ្ឌកម្មនេះ នឹងចូលជាធរមាននៅថ្ងៃ ៥ កុម្ភៈ ឆ្នាំ ២០២៣ ខាងមុខ ។

ជាមួយការដាក់ទណ្ឌកម្មនេះ ធ្វើឲ្យរុស្ស៊ីបង្វែរដានទៅស្វែងរកការទិញពីអតិថិជននៅកន្លែងថ្មី ដោយផ្តល់ជូននូវតម្លៃទាបសម្រាប់ការលក់ប្រេងរបស់ខ្លួន ។

ទន្ទឹមនឹងនោះ ឥណ្ឌាបានក្លាយជាប្រទេសមួយក្នុងចំណោមអ្នកទទួលផលចំណេញពីប្រេងឆៅក្នុងតម្លៃទាបរបស់រុស្ស៊ី ។ ការនាំចូលប្រេងឆៅរបស់ឥណ្ឌាពីរុស្ស៊ីបានឈានដល់បរិមាណខ្ពស់បំផុត ជាមធ្យមគឺ ៣៥,០០០ បារ៉ែលក្នុងមួយថ្ងៃក្នុងឆ្នាំ ២០២១ ។ បើទោះបីជា ស្ទើរតែគ្មានការនាំចូលពីរុស្ស៊ីក្នុងខែមករា និងកុម្ភៈ ឆ្នាំ ២០២២ ក៏ដោយ ការនាំចូលប្រេងឆៅរបស់ឥណ្ឌាពីរុស្ស៊ីមានចំនួន ៦៨,០០០ បារ៉ែលក្នុងមួយថ្ងៃជាមធ្យមផងដែរក្នុងខែមីនា ឆ្នាំ ២០២២ ។

ក្នុងអំឡុងសង្គ្រាម ការនាំចេញប្រេងឆៅតាមសមុទ្ររបស់ឥណ្ឌាពីប្រទេសរុស្ស៊ីបានកើនឡើងជាលំដាប់ ដោយឈានដល់ ៩៥៩,០០០ បារ៉ែលក្នុងមួយថ្ងៃត្រឹមខែវិច្ឆិកា ឆ្នាំ ២០២២ ដែលជាការកើនឡើងចំនួន ១៤ ដង ។

គួរបញ្ជាក់ថា អំឡុងពេលរុស្ស៊ីទទួលទណ្ឌកម្មពី EU និង G7, មានតែ ឥណ្ឌា និងចិន ប៉ុណ្ណោះជាប្រទេសដែលទទួលបាន ផលចំណេញច្រើនពីរុស្ស៊ីសម្រាប់ការនាំចូលប្រេងក្នុងតម្លៃទាប ៕

ប្រែសម្រួលដោយ ៖ រតនៈ

ប្រភព ៖ Anadolu

ចុចអាន ៖ រុស្ស៊ី ប្រាប់មូលហេតុថ្មីចំពោះសង្គ្រាមលុកលុយលើ អ៊ុយក្រែន