សេដ្ឋកិច្ច
ឆ្នាំនេះ កម្ពុជាមានគម្រោងសំណង់ជាង ៣ពាន់គម្រោង ក្នុងទុនវិនិយោគជាង ២ពាន់លានដុល្លារ
ក្នុងឆ្នាំ ២០២២នេះ ប្រទេសកម្ពុជា មានគម្រោងសំណង់នៅទូទាំងប្រទេសចំនួន ៣,៨២៧គម្រោង ដែលមានផ្ទៃក្រឡាសំណង់សរុបជាង ៦លាន ៥សែនម៉ែត្រការ៉េ ក្នុងតម្លៃទុនវិនិយោគប្រមាណជាង ២,៦៣៤លានដុល្លារអាមេរិក។ នេះបើយោងតាមរបាយការណ៍លទ្ធផលការងាររបស់ក្រសួងរៀបចំដែនដី នគរូបនីយកម្ម និងសំណង់ សម្រាប់ឆ្នាំ ២០២២នេះ។
របាយការណ៍ បានបង្ហាញថា ទិន្នន័យគម្រោងសំណង់ក្នុងឆ្នាំ ២០២២នេះ បើធៀបនឹងរយៈពេលដូចគ្នាក្នុងឆ្នាំ ២០២១ ថយចុះចំនួន ៩៨គម្រោង ដែលមានចំនួន ៣,៩២៥គម្រោង និងមានផ្ទៃក្រឡាសំណង់ចំនួន ១២លាន ៦សែនម៉ែត្រការ៉េ ក្នុងតម្លៃទុនវិនិយោគប្រមាណជាង ៥,២១០លានដុល្លារអាមេរិក ដែលមានការថយចុះ ៤៩.៤២%។
ជាមួយគ្នានេះ របាយការណ៍ក្រសួងរៀបចំដែនដី បានឲ្យដឹងដែរថា គម្រោងអគារខ្ពស់ៗ គិតចាប់ពី ៥ជាន់ឡើងមានចំនួន ១២៨គម្រោង ស្មើនឹង ១៤២អគារ (នៅភ្នំពេញចំនួន ៨៦គម្រោង ស្មើនឹង ៩៣អគារ ខេត្តព្រះសីហនុចំនួន ១៤គម្រោង ស្មើនឹង ១៦អគារ និងខេត្តបន្ទាយមានជ័យចំនួន ១៣គម្រោង ស្មើនឹង ១៥អគារ)។ ក្នុងនោះ អគារពី ៥ជាន់ទៅ ៩ជាន់ មានចំនួន ៩៩អគារ ពី ១០ជាន់ទៅ ១៩ជាន់ មានចំនួន ២៤អគារ ពី ២០ទៅ ២៩ជាន់ មានចំនួន ១៣អគារ និងពី ៣០ជាន់ទៅ ៣៩ជាន់ មានចំនួន ៦អគារ។
សម្រាប់សំណង់លំនៅឋានមានចំនួន ៤,៣២១គម្រោង ដែលមានតម្លៃទុនវិនិយោគប្រមាណជាង ១,៤១២លានដុល្លារអាមេរិក។ ក្នុងនោះ សំណង់ជាលក្ខណៈបុរីមានចំនួន ៣៥គម្រោង ស្មើនឹង ៩,៩១២ខ្នង មានតម្លៃវិនិយោគប្រមាណ ៨២០លានដុល្លារ ប្រភេទផ្ទះល្វែងមានចំនួន ៦,៦០៩ល្វែង ក្នុងតម្លៃវិនិយោគប្រមាណ ៥៥៤លានដុល្លារ និងអគារស្នាក់នៅរួមមានចំនួន ៥១គម្រោង ដែលមានតម្លៃទុនវិនិយោគប្រមាណ ២២២លានដុល្លារ។
ដោយឡែកសំណង់សណ្ឋាគារមានចំនួន ២០គម្រោង មានតម្លៃទុនវិនិយោគប្រមាណ ៧១លានដុល្លារ សំណង់អគារពាណិជ្ជកម្មមានចំនួន ១៨៥គម្រោង មានតម្លៃទុនវិនិយោគប្រមាណ ៤៣៦លានដុល្លារ សំណង់អគាររោងចក្រមានចំនួន ១១៧គម្រោង មានតម្លៃទុនវិនិយោគប្រមាណ ៥៣៣លានដុល្លារ និងសំណង់អគារពហុមុខងារមានចំនួន ៧គម្រោង ដែលមានតម្លៃទុនវិនិយោគប្រមាណ ១៤៩លានដុល្លារ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ