សេដ្ឋកិច្ច
ឆ្នាំ ២០២២ CDC អនុម័តគម្រោងវិនិយោគ ១៦២ មានទុនជិត ៤ ពាន់លានដុល្លារ
ក្រុមប្រឹក្សាអភិវឌ្ឍន៍កម្ពុជា ហៅកាត់ថា (CDC) ឲ្យដឹងថា ចាប់ពីខែមករា រហូតដល់ខែធ្នូ ឆ្នាំ ២០២២ CDC បានអនុម័តគម្រោងវិនិយោគចំនួន ១៦២ គម្រោង មានទុនជាង ៣៩២៧ ដុល្លារអាមេរិក ដោយបង្កើតឱកាសការងារជូនប្រជាពលរដ្ឋជាង ១៤១១៩៩ កន្លែង។
យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា បានឲ្យដឹងថា ក្នុងចំណោមគម្រោងវិនិយោគ ១៦២ ក្នុងនោះនៅខែមករា បានអនុម័តច្រើនជាងគេ រហូតដល់ទៅចំនួន ២៤ គម្រោង មានទុនវិនិយោគជាង ២២៧៧ លានដុល្លារ និងផ្ដល់ការងារចំនួន ១៩៩០៥ កន្លែង។ ខែកុម្ភៈ មាន ១២ គម្រោង មានទុនវិនិយោគ ៨៨,៦៤៥ លានដុល្លារ ផ្ដល់ការងារចំនួន ១១៥៥៣ កន្លែង។ ខែមីនា មាន ៤ គម្រោង មានទុនវិនិយោគ ១៣,៦ លានដុល្លារ ផ្ដល់ការងារចំនួន ២៩៣០ កន្លែង។ ខែមេសា មាន ១២ គម្រោង មានទុនវិនិយោគ ៧១,៧ លានដុល្លារ ផ្ដល់ការងារចំនួន ៨២៧៤ កន្លែង។ ខែឧសភា មាន ២០ គម្រោង មានទុនវិនិយោគ ១៩៨,១ លានដុល្លារ ផ្ដល់ការងារចំនួន ១២៣៩៥ កន្លែង។ ខែមិថុនា មាន ១៥ គម្រោង មានទុនវិនិយោគ ១២៣ លានដុល្លារ ផ្ដល់ការងារចំនួន ១១៥៧០ នាក់។ ខែកក្កដា មាន ៨ គម្រោង មានទុនវិនិយោគ ១១៧,៨ លានដុល្លារ ផ្ដល់ការងារចំនួន ៧៩១៧ នាក់។ ខែសីហា មាន ១៧ គម្រោង មានទុនវិនិយោគ ២០៣,១ លានដុល្លារ ផ្ដល់ការងារចំនួន ១១១៩៧ នាក់។ ខែកញ្ញា មាន ២១ គម្រោង មានទុនវិនិយោគ ១៣០ លានដុល្លារ ផ្ដល់ការងារចំនួន ៣៤៨៣៤ កន្លែង។ ខែតុលា មាន ១១ គម្រោង មានទុនវិនិយោគ ៦០.៤៨ លានដុល្លារ បង្កើតការងារចំនួន ១២៥៧០ កន្លែង ខែវិច្ឆិកា មាន ១៣ គម្រោង មានទុនវិនិយោគ ៤៤៦.៨ លានដុល្លារ បង្កើតការងារចំនួន ១០៥៧៣ កន្លែង និងខែធ្នូ មាន ១០ គម្រោង មានទុនវិនិយោគ ៤៨,៧ លានដុល្លារ បង្កើតការងារចំនួន ៧៨៧៩ កន្លែង។
បើតាម CDC ក្នុងចំណោមក្រុមហ៊ុនចំនួន ១៦២ គម្រោង ក្នុងនោះមានគម្រោងបោះទុនវិនិយោគធំៗចំនួន ៦ រួមមាន ៖ អាជីវកម្មសណ្ឋាគារថ្នាក់ផ្កាយ ៥ ចំនួន ៥២៨ បន្ទប់ នៅភ្នំពេញ មានទុនវិនិយោគចំនួន ១២៩ លានដុល្លារអាមេរិក។ គម្រោងបង្កើតរោងចក្រផលិតសំបកកង់យានយន្តគ្រប់ប្រភេទនៅតំបន់សេដ្ឋកិច្ចពិសេសក្រុងព្រះសីហនុ មានទុនវិនិយោគប្រមាណ ២៩៧ លានដុល្លារអាមេរិក។
គម្រោងវិនិយោគអភិវឌ្ឍន៍វារីអគ្គិសនីស្ទឹងតាតៃលើ អានុភាព ១៥០ MW ដែលមានទីតាំងវិនិយោគស្ថិតនៅស្រុកថ្មបាំង និងស្រុកកោះកុង ខេត្តកោះកុង មានទុនវិនិយោគប្រមាណ ៣៨៩ លានដុល្លារអាមេរិក។ គម្រោងវិនិយោគអភិវឌ្ឍន៍មណ្ឌល ព័ស្តុភារកម្ម និងកំពង់ផែពហុបំណង ដែលមានទីតាំងវិនិយោគស្ថិតនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត មានទុនវិនិយោគចំនួន ១.៣០០ លានដុល្លារអាមេរិក។
គម្រោងបង្កើតសណ្ឋាគារលំដាប់ផ្កាយ ៥ ចំនួនពីរទីតាំង និងមជ្ឈមណ្ឌលពាណិជ្ជកម្ម និងមណ្ឌលកម្សាន្តក្នុងក្រុងព្រះសីហនុ ដែលមាន ១៥៣៩ បន្ទប់ មានតម្លៃវិនិយោគចំនួន ៣៣២,៤ លានដុល្លារ បង្កើតការងារបានចំនួន ២៤១០ កន្លែង៕
អត្ថបទ ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៣ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ