ថៃបើកឱកាសឱ្យម្ចាស់អាជីវកម្មគ្រឿងអលង្ការកម្ពុជា ចូលរួមពិព័រណ៍បង្កើនទំនាក់ទំនង​ជាមួយដៃគូអន្តរជាតិ​

នាយកដ្ឋានជំរុញពាណិជ្ជកម្មអន្តរជាតិនៃក្រសួងពាណិជ្ជកម្មប្រទេសថៃឡង់ដ៍ នឹងរៀបចំ ពិព័រណ៍គ្រឿងអលង្ការ និងត្បូងថ្មមានតម្លៃបាងកក លើកទី ៦៨ ឆ្នាំ២០២៣ (The 68th Bangkok Gems & Jewelry Fair 2023) ដែលនឹងប្រព្រឹត្តទៅចាប់ពីថ្ងៃទី៦-១០ ខែកញ្ញា ឆ្នាំ២០២៣ នៅទីក្រុងបាងកក ប្រទេសថៃឡង់ដ៍។ ពិព័រណ៍ពាណិជ្ជកម្ម នេះផ្តោតសំខាន់លើឧស្សាហកម្មគ្រឿងអលង្ការ ​ត្បូងមានតម្លៃ និងសម្ភារៈតុបតែងរាងកាយ​។

​ក្រសួងពាណិជ្ជកម្មនៃព្រះរាជាណាចក្រថៃឡង់ដ៍ បានផ្តល់ស្តង់មួយចំនួនជូន ក្រសួងពាណិជ្ជកម្មកម្ពុជា ដើម្បីផ្តល់ជូនក្រុមហ៊ុន សហគ្រាសកម្ពុជា នាំយកផលិតផលទៅចូលរួមដាក់តាំងបង្ហាញ ដើម្បីស្វែងរកដៃ​គូពាណិជ្ជកម្មជាអន្តរជាតិ។​

ក្រសួងពាណិជ្ជកម្មកម្ពុជា បានបញ្ជាក់ដល់ម្ចាស់ក្រុមហ៊ុន សហគ្រាស និងពាណិជ្ជករដែលកំពុងធ្វើធុរកិច្ចលើ​វិស័យគ្រឿងអលង្ការ និងត្បូងថ្មមានតម្លៃនៅកម្ពុជា ដែលមានចំណាប់អារម្មណ៍ចង់ចូលរួមព្រឹត្តិការណ៍ខាងលើ អាចទាក់ទងមកនាយកដ្ឋានកិច្ចការពិព័រណ៍ អគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្មតាមរយៈ​អាសយដ្ឋាន ដីឡូត៍លេខ១៩-៦១ មហាវិថីសហព័ន្ធរុស្ស៊ី ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ យ៉ាងយូរបំផុតត្រឹមថ្ងៃទី៤ ខែមេសា ឆ្នាំ២០២៣៕