ព័ត៌មានជាតិ

ទោះមានកូវីដ-១៩ ទ្រព្យសកម្មរបស់គ្រឹះស្ថានធនាគារ និងហិរញ្ញវត្ថុនៅកម្ពុជា មានការកើនឡើងជិត៦០ប៊ីលានដុល្លារ

បានផុស

៥ years មុន

នៅ

ថ្ងៃសុក្រ ២២ មករា ២០២១

ដោយ

ទោះបីជាកម្ពុជាទទួលរងនូវវិបត្តិជំងឺកូវីដ១៩ក៏ដោយ ក៏នៅឆ្នាំ២០២០កន្លងទៅនេះ ទ្រព្យសកម្មរបស់គ្រឹះស្ថានធនាគារនិងគ្រឹះស្ថានមីក្រូហិរញ្ញវត្ថុនៅកម្ពុជា បានកើនឡើងដល់២៣៩,២ទ្រីលានរៀលស្មើនឹង៥៩,១ប៊ីលានដុល្លារអាមេរិក។

យោងតាមរបាយការណ៍របស់ធនាគារជាតិនៃកម្ពុជាបានឲ្យដឹងថា ក្នុងនោះគ្រឹះស្ថានធនាគារមានចំ នួនទៅ២០៥,៣ទ្រីលានរៀលស្មើនឹង៥០,៧ប៊ីលានដុល្លារអាមេរិក កើនឡើង១៦.២%ដែលមានឥណ ទានអតិថិជនចំនួន១២៤,៤ទ្រីលានរៀល ស្មើនឹង៣០,២ប៊ីលានដុល្លារកើ់នឡើង១៥,៣% ដោយមាន១,២លានគណនី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះគណនីដែលផ្តល់ដល់វិស័យសំខាន់ៗរួមមានការជួញដូររាយ១៥,៥%នៃឥណទានសរុប។ការឲ្យខ្ចីទិញផ្ទះកម្មសិទ្ធផ្ទាល់ខ្លួន១២,៨% កសិកម្មរុក្ខាប្រមាញ់និងនេសាទ៧,៧%ការជួញដូរដុំ៩,៧%ឲ្យខ្ចីជាបុគ្គល៩,៨%សំណង់៩,២%ការជួញដូរអចលនទ្រព្យ៨,៤%និងផ្សេងៗចំនួន២៦,៩%។ រីឯគ្រឹះស្ថានហិរញ្ញវត្ថុវិញនៅឆ្នាំ២០២០មានទ្រព្យសកម្មចំនួន៣៣,៩ទ្រីលានរៀលស្មើនឹង៨,៤ប៊ីលានដុល្លារកើនឡើង១២,៦%ក្នុងនោះឥណទានអតិថិជនមានចំនួន២៧,៦ទ្រីលានរៀល ស្មើនឹង៦,៨ប៊ីលានដុល្លារដោយមាន១,៩លានគណនី។ ក្នុងចំណោមគណនីទាំងនោះមានក្រុមគ្រួសារ៣១,២%កសិកម្ម១៨,៩%សេវាកម្ម១៦,២% ដឹកជញ្ជូន៦%សំណង៣,៨%និងផ្សេងៗ៣%។

នៅឆ្នាំ២០២០កន្លងទៅនេះដែរគ្រឹះស្ថានធនាគារនិងគ្រឹះស្ថានមីក្រូហិរញ្ញវត្ថុបានផ្ដល់ការអនុគ្រោះដល់អ្នកខ្ចីតាមរយៈការរៀបចំឥណទានឡើងវិញបានចំនួន២៨៥០៧៤គណនីស្មើនឹង១៦៨២៦.៣ប៊ីលានរៀលស្មើ៤១៥៦.៧លានដុល្លារអាមេរិក៕

អត្ថបទ ៖ សំអឿន

Related Topics:ធនាគារជាតិនៃកម្ពុជា