៥ ខែដំបូងនៃឆ្នាំនេះ វៀតណាម កើបចំណូលពីការនាំចេញទុរេនជាង ៥០០ លានដុល្លារ

ការនាំចេញទុរេន​របស់វៀតណាម​សម្រាប់រយៈពេល ៥ ខែដំបូងនៃឆ្នាំនេះរកចំណូលបានជាង ៥០០ លានដុល្លារ ហើយកើនឡើងជាង ១៨ ដង បើធៀបនឹងរយៈពេល ៥ ខែដូចគ្នាកាលពីឆ្នាំមុន ។  

នៅក្នុងខែឧសភា ជាខែដែលវៀតណាមប្រមូលផលទុរេននោះ តម្លៃនៃការនាំចេញបានឈានដល់កម្រិតខ្ពស់បំផុតដែលមិនធ្លាប់មានគឺ ៣៣២ លានដុល្លារ ពោលគឺខ្ពស់ជាង ១០ ដងធៀបនឹងខែ​មេសា ខណៈក្នុងនោះចិនជាទីផ្សារធំបំផុតរបស់វៀតណាម ដែលបានទិញរហូតដល់ ៤៧៧ លានដុល្លារ ។

បើយោងតាមការបញ្ជាក់ពីអ្នកនាំចេញបានឲ្យដឹងថា ទោះបីជាចិនមានការទាមទារខ្ពស់សម្រាប់សុវត្ថិភាពចំណីអាហារ និងអនាម័យក៏ដោយ ប៉ុន្តែវៀតណាមនៅតែរក្សាបានគុណភាពនៃទំនិញឲ្យមានភាពល្អប្រសើរ ហើយអ្នកប្រើប្រាស់ក៏ពេញចិត្តនឹងតម្លៃប្រកួតប្រជែងរបស់ពួកគេផងដែរ ។

គួរបញ្ជាក់ថា បច្ចុប្បន្ន វៀតណាមមានតំបន់កសិកម្មចំនួន ២៩៣ និងកន្លែងវេចខ្ចប់ទុរេនចំនួន ១១៥ ដែលសុទ្ធតែទទួលបានច្បាប់អនុញ្ញាតជាផ្លូវការសម្រាប់ការនាំចេញទៅចិន ៕

ប្រែសម្រួល ៖​ នាង រតនៈ

ប្រភព ៖ VN Express

ចុចអាន ៖ អ្នករួចជីវិតពីការវាយប្រហារប្រដាប់អាវុធនៅខេត្ត វៀតណាម ជាប់ កម្ពុជា រៀបរាប់ទាំងយំសោកក្នុងហេតុការណ៍សម្លាប់មនុស្ស