សេដ្ឋកិច្ច

IMF ព្យាករណ៍ពីសេដ្ឋកិច្ចពិភពលោកសម្រាប់ឆ្នាំនេះ និងឆ្នាំក្រោយ

បានផុស

៣ years មុន

នៅ

ថ្ងៃព្រហស្បតិ៍ ២៧ កក្កដា ២០២៣

ដោយ

មូលនិធិរូបិយវត្ថុអន្តរជាតិ (IMF) បានបង្កើនការព្យាករណ៍ពីកំណើនផលិតផលក្នុងស្រុកសរុប (GDP) របស់ខ្លួនសម្រាប់សេដ្ឋកិច្ចពិភពលោកពី ២.៨ ភាគរយ ទៅ ៣ ភាគរយសម្រាប់ឆ្នាំ ២០២៣ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ World Economic Outlook បានបង្ហាញថា សម្រាប់នៅឆ្នាំ ២០២៤ វិញ IMF ក៏នៅតែរក្សាការព្យាករណ៍របស់ខ្លួននៅកម្រិត ៣ ភាគរយដដែល ។

ទន្ទឹមនោះ IMF រំពឹងថា សេដ្ឋកិច្ចអាមេរិកនឹងកើនឡើង ១.៥ ភាគរយនៅឆ្នាំនេះ ដោយកើនឡើង ០.២ ភាគរយលើការរំពឹងទុកពីលើកមុន ខណៈនឹងមានកំណើន ១.៤ ភាគរយនៅឆ្នាំ ២០២៤ ។ សម្រាប់ការរំពឹងទុកនៅតំបន់អឺរ៉ុបវិញ គឺមាន ១.៨ ភាគរយក្នុងឆ្នាំនេះ និង ១ ភាគរយនៅឆ្នាំក្រោយ ។

ដោយឡែក ក្នុងចំណោមប្រទេសសេដ្ឋកិច្ចធំៗក្នុងតំបន់ចាយប្រាក់អឺរ៉ូ អាល្លឺម៉ង់ត្រូវបានគេរំពឹងថា នឹងមានការធ្លាក់ចុះនៃកំណើន GDP ចំនួន ០.៣ ភាគរយនៅឆ្នាំនេះ ។

ពាក់ព័ន្ធជាមួយទីផ្សារដែលកំពុងរីកចម្រើន និងសេដ្ឋកិច្ចកំពុងអភិវឌ្ឍន៍វិញ IMF រំពឹងនឹងមានកំណើន ៤ ភាគរយក្នុងឆ្នាំនេះ និង ៤.១ ភាគរយសម្រាប់ ២០២៤ ។

ទោះយ៉ាងណា IMF បានព្រមានថា បើទោះបីជាមានការព្យាករណ៍ជាវិជ្ជមានបែបនេះក៏ដោយ ក៏វានៅមានហានិភ័យមួយចំនួនផងដែរ រួមទាំងការកើនឡើងអតិផរណា ការកើនឡើងនៃបញ្ហាបំណុល ជាពិសេសដំណើរការសេដ្ឋកិច្ចមិនល្អរបស់ចិន ៕