សេដ្ឋកិច្ច

ខណៈរោងចក្រផ្អាកដោយកូវីដ-១៩ ប្តីប្រពន្ធមួយគូ មកចាប់របរចៀននំលក់ ទទួលបានកម្រៃគុណនឹងបី នៃការងារចាស់

បានផុស

៦ years មុន

នៅ

ថ្ងៃសុក្រ ១៦ តុលា ២០២០

ដោយ

អតីតកម្មកររោងចក្រកាត់ដេរពីរនាក់ប្តីប្រពន្ធ បានចាប់យករបរចៀនចេក និងដំឡូងលក់មុខផ្ទះដោយទទួលប្រាក់ចំណេញខ្ពស់ នឹកស្មានមិនដល់។

អតីតពីរនាក់ប្តីប្រពន្ធដែលកំពុងចៀនចេក និងដំឡូងលក់ នៅតាមបណ្ដោយផ្លូវបេតុងតាង៉ូវ ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ បានកំពុងញាប់ដៃញាប់ជើងវេចខ្ចប់នំជូនដល់ភ្ញៀវទាំងទឹកមុខញញឹមស្រស់ ព្រោះប្រាក់កម្រៃដែលបានមកពីលក់ មិនក្រោម២០ម៉ឺនរៀល ដោយផាត់ចេញប្រាក់ដើម។

អតីតកម្មកររោងចក្រទាំងពីរនាក់ប្តីប្រពន្ធ បាននិយាយថា ពីមុនមកពួកគាត់បានបម្រើការជាកម្មករកាត់ដេរមួយកន្លែង នៅតាមបណ្ដោយផ្លូវវេងស្រេង។ លុះដល់កើតជំងឺកូវីដ-១៩ នាដើមឆ្នាំ២០២០នេះ រោងចក្រកាត់ដេរ បានផ្អាកការងារបណ្ដោះអាសន្ន ធ្វើឲ្យពួកគាត់ត្រូវចាប់យករបរលក់ចេកចៀន និងដំឡូងលក់។ បន្ថែមលើនោះ បើគិតពីប្រាក់ចំណេញវិញ គឺក្នុងមួយថ្ងៃ ប្អូនទាំងពីរ អាចរកបានមិនក្រោម២០ម៉ឺនរៀល។

ប្អូនទាំងពីរ បានបញ្ជាក់ថា បើគិតពីប្រាក់កម្រៃលក់ចេកចៀនរាល់ថ្ងៃនេះ គឺខុសគ្នាមេឃ និងដី។ដែលកាលនៅបម្រើការរោងចក្រកាត់ដេរ គឺទាំងពីរនាក់ប្តីប្រពន្ធ បានប្រាក់សរុប៥០០ដុល្លារ។ បើប្រៀបធៀបពីប្រាក់ចំណូលពីការងាររោងចក្រ និងប្រាក់កម្រៃលក់ចេក និងដំឡូងចៀនវិញ គឺខុសគ្នាព្រោះរបរលក់នេះ បានមិនក្រោម ១ ៥០០ ដុល្លារ ឯណោះ។