សេដ្ឋកិច្ច
ខណៈរោងចក្រផ្អាកដោយកូវីដ-១៩ ប្តីប្រពន្ធមួយគូ មកចាប់របរចៀននំលក់ ទទួលបានកម្រៃគុណនឹងបី នៃការងារចាស់
អតីតកម្មកររោងចក្រកាត់ដេរពីរនាក់ប្តីប្រពន្ធ បានចាប់យករបរចៀនចេក និងដំឡូងលក់មុខផ្ទះដោយទទួលប្រាក់ចំណេញខ្ពស់ នឹកស្មានមិនដល់។
អតីតពីរនាក់ប្តីប្រពន្ធដែលកំពុងចៀនចេក និងដំឡូងលក់ នៅតាមបណ្ដោយផ្លូវបេតុងតាង៉ូវ ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ បានកំពុងញាប់ដៃញាប់ជើងវេចខ្ចប់នំជូនដល់ភ្ញៀវទាំងទឹកមុខញញឹមស្រស់ ព្រោះប្រាក់កម្រៃដែលបានមកពីលក់ មិនក្រោម២០ម៉ឺនរៀល ដោយផាត់ចេញប្រាក់ដើម។
អតីតកម្មកររោងចក្រទាំងពីរនាក់ប្តីប្រពន្ធ បាននិយាយថា ពីមុនមកពួកគាត់បានបម្រើការជាកម្មករកាត់ដេរមួយកន្លែង នៅតាមបណ្ដោយផ្លូវវេងស្រេង។ លុះដល់កើតជំងឺកូវីដ-១៩ នាដើមឆ្នាំ២០២០នេះ រោងចក្រកាត់ដេរ បានផ្អាកការងារបណ្ដោះអាសន្ន ធ្វើឲ្យពួកគាត់ត្រូវចាប់យករបរលក់ចេកចៀន និងដំឡូងលក់។ បន្ថែមលើនោះ បើគិតពីប្រាក់ចំណេញវិញ គឺក្នុងមួយថ្ងៃ ប្អូនទាំងពីរ អាចរកបានមិនក្រោម២០ម៉ឺនរៀល។
ប្អូនទាំងពីរ បានបញ្ជាក់ថា បើគិតពីប្រាក់កម្រៃលក់ចេកចៀនរាល់ថ្ងៃនេះ គឺខុសគ្នាមេឃ និងដី។ដែលកាលនៅបម្រើការរោងចក្រកាត់ដេរ គឺទាំងពីរនាក់ប្តីប្រពន្ធ បានប្រាក់សរុប៥០០ដុល្លារ។ បើប្រៀបធៀបពីប្រាក់ចំណូលពីការងាររោងចក្រ និងប្រាក់កម្រៃលក់ចេក និងដំឡូងចៀនវិញ គឺខុសគ្នាព្រោះរបរលក់នេះ បានមិនក្រោម ១ ៥០០ ដុល្លារ ឯណោះ។
ទោះជាយ៉ាងណា ក៏ប្អូនទាំងពីរ បានថ្លែងអំណរគុណដល់អតិថិជនដែលបានមកជួយទិញនំរបស់ពួកគាត់ផងដែរ៕
អត្ថបទ ៖ នរា
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ១ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
ព័ត៌មានជាតិ១ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៦ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង