ព័ត៌មានជាតិ
កោះចំនួន៩នៅខេត្តកោះកុង គ្រោងអភិវឌ្ឍន៍ជាតំបន់ទេសចរណ៍
កោះកុងគឺជាខេត្តឆ្នេរសមុទ្រវែងជាងគេក្នុងចំណោមខេត្តឆ្នេរសមុទ្រទាំងបួននៅក្នុងប្រទេសកម្ពុជា ដែលមានឆ្នេរប្រវែង២៣៧គីឡូម៉ែត្រ ក្នុងចំណោមឆ្នេរសមុទ្រសរុប៤៤០គីឡូម៉ែត្រ។ ខេត្តនេះមានកោះសរុបចំនួន៣៥ ដែលក្នុងនោះកោះចំនួន៩កំពុងត្រូវបានសិក្សាដើម្បីអភិវឌ្ឍន៍ទៅជាតំបន់ទេសចរណ៍។
លោក កាយ សំរួម ប្រធានក្រុមប្រឹក្សាខេត្តកោះកុង មានប្រសាសន៍នៅក្នុងសន្និសីទស្ដីពី «វឌ្ឍនភាពមូលដ្ឋានឃុំ សង្កាត់ និងទិសដៅការងារបន្តរបស់ខេត្តកោះកុង» នៅថ្ងៃទី៤ ខែកុម្ភៈ ឆ្នាំ២០២១នេះថា៖ «កោះចំនួន៩នៅក្នុងខេត្តកោះកុងកំពុងត្រូវបានសិក្សាដើម្បីអភិវឌ្ឍន៍ទៅជាតំបន់ទេសចរណ៍។ កោះទាំងនោះរួមមាន កោះអំពិល, កោះខ្មោច, កោះស្មាច់, កោះម្នាស់ខាងត្បូង, កោះម្នាស់ខាងជើង, កោះដំឡូងក្នុង, កោះដំឡូងក្រៅ, កោះទទឹង និងកោះកុងក្រៅ។»
ដើម្បីទាក់ទាញភ្ញៀវទេសចរណ៍ជាតិ និងអន្តរជាតិ និងដើម្បីអភិវឌ្ឍន៍សេដ្ឋកិច្ចនៅក្នុងតំបន់ ខេត្តកោះកុងបានកំពុង សាងសង់ព្រលានយន្តហោះអន្តរជាតិខ្នាតធំមួយ ដែលមានតម្លៃជាង២០០លានដុល្លារអាមេរិក និងគ្រោងសាងសង់ព្រលានយន្តហោះថ្មីមួយទៀត ស្ថិតនៅចន្លោះរវាងឃុំទួលគគីរ ស្រុកមណ្ឌលសីមា និងឃុំតាតៃ ស្រុកកោះកុង ដែលជាការវិនិយោគរួមគ្នារវាងក្រុមហ៊ុនបាងកកអ៊ែវ៉េ និងក្រុមហ៊ុនក្នុងស្រុក។
លោក សុខ សុទ្ធី អភិបាលរងខេត្តកោះកុង មានប្រសាសន៍ថា៖ «បច្ចុប្បន្ន ព្រលានយន្តហោះតារាសាគរបានបញ្ចប់ការសាងសង់ផ្លូវរត់បាន១០០%ហើយនៅតែបំពាក់ភ្លើងសញ្ញាប៉ុណ្ណោះ ចំណែកការសាងសង់ការិយាល័យ និងច្រកចេញចូលគឺសម្រេចបាន៧០ភាគរយ។ ចំណែកព្រលានយន្តហោះថ្មីមួយទៀតកំពុងស្ថិតក្នុងដំណាក់កាលសិក្សាទីតាំងដោយក្រុមហ៊ុន។»
លោកអភិបាលរងខេត្តកោះកុងបានបន្តថា ព្រលានយន្តហោះទាំងពីរនេះនឹងចូលរួមចំណែកក្នុងការអភិវឌ្ឍន៍សេដ្ឋកិច្ចខេត្តកោះកុង និងបង្កើតការងារជាច្រើនជូនប្រជាពលរដ្ឋ។ ម្យ៉ាងវិញទៀត វានឹងជួយសម្រួលដល់ភ្ញៀវទេសចរណ៍ជាតិ និងអន្តរជាតិឱ្យមកទស្សនាខេត្តកោះកុងបានកាន់តែច្រើនថែតទៀត។
អត្ថបទ៖ វ៉ាត វិន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង