សេដ្ឋកិច្ច
ជប៉ុន បញ្ចេញកញ្ចប់ថវិកា ១១៣ ពាន់លានដុល្លារដើម្បីជួយសេដ្ឋកិច្ចប្រទេស
នាយករដ្ឋមន្ត្រីជប៉ុនលោក Fumio Kishida បានបញ្ចេញនូវកញ្ចប់ថវិកាចំនួន ១៧ ពាន់ពាន់លានយ៉េន ឬប្រហែល ១១៣ ពាន់លានដុល្លារ ដើម្បីគាំទ្រដល់សេដ្ឋកិច្ចរបស់ប្រទេស និងគ្រួសារ ចំពេលមានអតិផរណាខ្ពស់ និងថ្លៃដើមនៃការរស់នៅកើនឡើងផងដែរ ។
ក្នុងកិច្ចប្រជុំញគណរដ្ឋមន្ត្រី លោក Fumio Kishida យល់ឃើញថា ដោយសារតែស្ថានភាពនៃការដំឡើងប្រាក់ឈ្នួលបច្ចុប្បន្នមិនដើរតាមដូចការរំពឹងទុក ដូច្នេះរដ្ឋាភិបាលចាំបាច់ត្រូវផ្ដល់ការគាំទ្រជាបណ្ដោះអាសន្នដល់ប្រជាជន ហើយក៏មានបំណងអនុវត្តឲ្យបានលឿនតាមដែលអាចធ្វើទៅបានផងដែរ ។
លោក Kishida បាននិយាយថា ក្នុងចំណោមកញ្ចប់ថវិកាចំនួន ១៧ ពាន់ពាន់លានយ៉េន ឬប្រហែល ១១៣ ពាន់លានដុល្លារ ក្នុងនោះថវិកាប្រហែល ១៣ ពាន់ពាន់លានយ៉េន ឬប្រហែល ៨៦.៤៩ ពាន់លានដុល្លារ នឹងត្រូវប្រើដើម្បីផ្គត់ផ្គង់ដល់ប្រជាជន ខណៈគ្រួសារដែលមានប្រាក់ចំណូលទាបរំពឹងនឹងទទួលបានចំនួន ៧០,០០០ យ៉េន ប្រហែល ៤៦៥.៧៥ ដុល្លារ ហើយ ៣ ពាន់ពាន់លានយ៉េន ឬប្រហែល ២០ ពាន់លានដុល្លារផ្សេងទៀត នឹងត្រូវចំណាយលើវិធានការនៃបន្ទុកពន្ធបណ្តោះអាសន្ន ។
កាលពីខែកញ្ញាកន្លងទៅ នាយករដ្ឋមន្ត្រីជប៉ុនបាននិយាយថា រយៈពេល ៣ ឆ្នាំខាងមុខ សេដ្ឋកិច្ចប្រទេសជប៉ុននឹងលែងផ្អែកលើការកាត់បន្ថយការចំណាយ ហើយប្រែសេដ្ឋកិច្ចផ្តោតលើកំណើនទីផ្សារការងារ ប្រាក់ឈ្នួលខ្ពស់ ការកើនឡើងនៃឌីជីថលនីយកម្ម និងការគាំទ្រសម្រាប់ការចាប់ផ្តើមអាជីវកម្មជាដើម ។
មិនតែប៉ុណ្ណោះ រដ្ឋាភិបាលនឹងផ្តោតលើទិសដៅចំនួន ៤ សម្រាប់សេដ្ឋកិច្ចប្រទេស គឺការប្រយុទ្ធប្រឆាំងនឹងអតិផរណា ការបង្កើនប្រាក់ឈ្នួល និងការជំរុញការអភិវឌ្ឍន៍ក្នុងតំបន់ ការលើកកម្ពស់ការវិនិយោគក្នុងស្រុក ការបង្កើនអត្រាកំណើត និងការពង្រឹងសុវត្ថិភាពប្រជាជនជាដើម ៕
ប្រែសម្រួល៖ នាង រតនៈ
ប្រភព៖ Sputnik
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)