សេដ្ឋកិច្ច
អ្នកជំនាញ៖ ប្រភពទុនមានកំណត់ បង្ខំឱ្យ SMEs ថៃ ពឹងផ្អែកលើសេដ្ឋកិច្ចក្រៅប្រព័ន្ធ
សហព័ន្ធសហគ្រាសធុនតូច និងមធ្យមថៃ បាននិយាយថា សហគ្រាសធុនតូច និងមធ្យម (SMEs)របស់ប្រទេស ភាគច្រើនពឹងផ្អែកលើសេដ្ឋកិច្ចក្រៅប្រព័ន្ធ ដោយសារពួកគេមិនអាចទទួលបានប្រភពមូលនិធិគ្រប់គ្រាន់។ នេះបើតាមការចុះផ្សាយរបស់កាសែតក្នុងស្រុក The Nation ។
ប្រធានសហព័ន្ធ លោក Saengchai Teerakulwanit មានថ្លែងថា សេដ្ឋកិច្ចមូលដ្ឋានរបស់ប្រទេសថៃ នៅតែបន្តធ្លាក់ចុះ ដោយខ្លះមិនទាន់ងើបឡើងវិញនៅឡើយទេ បន្ទាប់ពីដួលក្នុងវិបត្តិកូវីដ១៩។ លោក បានសន្មតថា ការធ្លាក់ចុះនៃ SMEs ថៃភាគច្រើន មិនអាចទទួលបានប្រភពមូលនិធិត្រឹមត្រូវ ដែលធ្វើឱ្យពួកគេចាំបាច់ត្រូវពឹងផ្អែកលើសេដ្ឋកិច្ចក្រៅប្រព័ន្ធ។
មន្រ្តីជំនាញដដែល បានបន្តថា ដើម្បីនាំ SMEs ចូលទៅក្នុងប្រព័ន្ធសេដ្ឋកិច្ច ការលើកទឹកចិត្តផ្សេងៗគឺជារឿងចាំបាច់ ដូចជាការផ្ដល់ប្រភពមូលនិធិតម្លៃទាប ដើម្បីពង្រឹង និងបង្កើនសមត្ថភាពអាជីវកម្ម។ លោកបានគូសបញ្ជាក់ថា ប្រាក់កម្ចី SMEs បច្ចុប្បន្ន មានត្រឹមតែ ២០ ភាគរយនៃផលប័ត្រប្រាក់កម្ចីសរុបចំនួន ១៨ ត្រីលានបាតក្នុងធនាគារពាណិជ្ជ ខណៈក្នុងធនាគាររដ្ឋវិញ ប្រាក់កម្ចី SMEs មានប្រហែល ៣៩ ភាគរយនៃផលប័ត្រប្រាក់កម្ចី។
ដោយហេតុនេះ លោក Saengchai បានអំពាវនាវឱ្យមានវិធានការចំនួន៣ ពីរដ្ឋាភិបាល រួមមាន ជួយ SMEs ឱ្យទទួលបានមូលនិធិតម្លៃទាប និងស្តារឡើងវិញនូវប្រាក់កម្ចីមិនដំណើរការ ពង្រឹងសមត្ថភាពរបស់ SMEs និងធ្វើ វិសោធនកម្មច្បាប់ និងបទប្បញ្ញត្តិមួយចំនួន។
លោក Saengchai បន្តថា អាជីវកម្ម SMEs ជួបប្រទះនឹងការចំណាយការប្រាក់ខ្ពស់ ខ្វះវត្ថុបញ្ចាំសម្រាប់ប្រាក់កម្ចី ដំណើរការស្នើសុំប្រាក់កម្ចីមានភាពស្មុគស្មាញ និងយឺតយ៉ាវ ហើយខ្វះចំណេះដឹងអំពីរបៀបដើម្បីទទួលបានមូលនិធិនៅពេលពួកគេត្រូវការខ្ចី។
គួរគូសបញ្ជាក់ថា លោក Saengchai បានថ្លែងការណ៍នេះ ក្នុងអំឡុងសិក្ខាសាលាមួយ ក្រោមមូលបទ «យន្តការធានាឥណទាន ជំនួយសម្រាប់សហគ្រាសធុនតូច និងមធ្យម ក្នុងការទទួលបានមូលនិធិ» ដែលរៀបចំឡើងដោយធនាគារថៃកាលពីសប្តាហ៍មុន។
ក្នុងសិក្ខាសាលាដូចគ្នានេះ លោក Somchai Jitsuchon នាយកស្រាវជ្រាវនៃការអភិវឌ្ឍន៍រួមបញ្ចូលនៅវិទ្យាស្ថានស្រាវជ្រាវអភិវឌ្ឍន៍ប្រទេសថៃ បាននិយាយថា អាយុជាមធ្យមរបស់ម្ចាស់អាជីវកម្ម SMEs ថៃក្នុងឆ្នាំ ២០២៣ គឺប្រហែល ៥០ ឆ្នាំ ហើយប្រហែល ៣០ ភាគរយនៃម្ចាស់សហគ្រាសធុនតូច និងមធ្យមមានបរិញ្ញាបត្រ ខណៈ ២៥ ភាគរយ បានត្រឹមតែបញ្ចប់ការអប់រំបឋមសិក្សាប៉ុណ្ណោះ។
ក្រោមបញ្ហានេះ លោក Somchai បានស្នើថា ស្ថានភាពនេះអាចរារាំងសមត្ថភាពរបស់ SMEs ក្នុងការសម្របខ្លួនទៅនឹងពិភពលោកដែលកំពុងផ្លាស់ប្តូរយ៉ាងឆាប់រហ័ស ដូច្នេះវិធានការដើម្បីបង្កើនសមត្ថភាពរបស់ SMEs និងគាំទ្រដល់ការប្រកួតប្រជែងរបស់ពួកគេ មានសារៈសំខាន់ណាស់៕
លោក ផាត សូដា៖ តស៊ូដោះបំណុលជំពាក់ពេលធ្វើក្លឹបមានពេលខ្លះគេមកទាលុយ ឬស្ដីឲ្យដល់ក្លឹប
សម្ដេចតេជោ ហ៊ុន សែន កំពុងបញ្ជាកងទ័ព ជាមួយនាយករដ្ឋមន្ត្រី និងមេទ័ព
សម្ដេចតេជោ ហ៊ុន សែន កំពុងរួមចំណែក បញ្ជាកងទ័ពច្បាំងជាមួយថៃ
រុស្ស៊ី និងអ៊ុយក្រែន យល់ព្រមដោះដូរអ្នកទោសបន្ថែម ប៉ុន្តែគ្មានកិច្ចចរចាបទឈប់បាញ់នោះទេ
ចូលពេទ្យ ៥ថ្ងៃ តែអាការ:នាយ តាក់ស៊ី នៅមិនទាន់ធូរស្បើយដូចដើមវិញទេ
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃជាអ្នកបង្កហេតុ
សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា
កម្ពុជា រងឥទ្ធិពលពីព្យុះមួយទៀត គឺជាព្យុះទី៧ ឈ្មោះ ហ្វ្រង់ស៊ីស្កូ (Fransisco)
ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
បច្ចេកវិទ្យា៤ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានជាតិ៣ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ