ព័ត៌មានអន្ដរជាតិ
ឥណ្ឌូណេស៊ីចង់ពន្លឿនការអភិវឌ្ឈលើវិស័យចាប់យក និងស្តុកកាបូន
មន្ត្រីជាន់ខ្ពស់ឥណ្ឌូណេស៊ីម្នាក់ បាននិយាយកាលពីថ្ងៃពុធថា រដ្ឋាភិបាលឥណ្ឌូណេស៊ីមានគោលបំណងពន្លឿនការអភិវឌ្ឍវិស័យចាប់យក និងស្តុកកាបូន (CCS) ដើម្បីជួយប្រយុទ្ធប្រឆាំងនឹងការប្រែប្រួលអាកាសធាតុ ហើយមានទំនុកចិត្តថា រដ្ឋបាលរបស់ប្រធានាធិបតីថ្មីនឹងបន្តការជំរុញនេះ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
រដ្ឋមន្ត្រីសម្របសម្រួលនៃក្រសួងដែនសមុទ្រ និងកិច្ចការវិនិយោគ លោក Luhut Pandjaitan បានប្រាប់វេទិកា CCS កាលពីថ្ងៃពុធថា៖ «រដ្ឋាភិបាលឥណ្ឌូណេស៊ី ចង់បោះជំហានយ៉ាងលឿនលើការចាប់យក និងស្តុកកាបូន»។ លោកបន្តថា រដ្ឋាភិបាលនឹងចេញច្បាប់ផ្សេងៗ ដើម្បីធានាថាវិនិយោគិននឹងអាចអនុវត្តការវិនិយោគក្នុងគម្រោង CCS បានយ៉ាងឆាប់រហ័ស។
រដ្ឋមន្រ្តីដដែលបានបន្ថែមថា រដ្ឋាភិបាលបន្ទាប់ដែលនឹងចូលកាន់តំណែងនៅខែតុលារំពឹងថានឹងបន្តកិច្ចខិតខំប្រឹងប្រែងដើម្បីអភិវឌ្ឍវិស័យ CCS ។
គួររំឭកថា កាលពីដើមឆ្នាំនេះ រដ្ឋាភិបាលបានចេញបទប្បញ្ញត្តិដែលអនុញ្ញាតឱ្យប្រតិបត្តិករ CCS ទុកកន្លែងស្កុកកាបូន ៣០ ភាគរយរបស់ខ្លួន ដើម្បីស្តុកទុកកាបូនឌីអុកស៊ីតដែលមានប្រភពមកពីបរទេស។
កន្លងមក ឥណ្ឌូណេស៊ីបានចុះហត្ថលេខាលើកិច្ចព្រមព្រៀងជាមួយប្រទេសសិង្ហបុរី លើកិច្ចសហប្រតិបត្តិការ CCS ឆ្លងដែន និងកំពុងសម្លឹងមើលប្រទេសដូចជាជប៉ុន និងកូរ៉េខាងត្បូង សម្រាប់ធ្វើភាពជាដៃគូស្រដៀងគ្នា។
រហូតមកដល់ពេលនេះ ឥណ្ឌូណេស៊ីបានអនុម័តផែនការអភិវឌ្ឍន៍ចំនួន៣សម្រាប់គម្រោងឧស្ម័ន ដែលគម្រោងនីមួយៗរួមបញ្ជូលទាំងហេដ្ឋារចនាសម្ព័ន្ធ CCS។ នេះបើតាមការឱ្យដឹងរបស់ លោក Dwi Soetjipto ប្រធាននិយតករប្រេង និងឧស្ម័ន SKK Migas នៅខាងក្រៅវេទិកាដដែលកាលពីថ្ងៃពុធ។
ឥណ្ឌូណេស៊ីចង់ប្រើប្រាស់អាងស្ដុកក្រោមស្រទាបផែនដីដ៏ធំមហាសាល ដែលរួមមានអាងទឹកប្រៃ និងអាងស្តុកប្រេង និងឧស្ម័នដែលគេលែងប្រើការ ដើម្បីស្តុកទុកកាបូនឌីអុកស៊ីត ដោយឃើញពីតម្រូវការរបស់បណ្តាប្រទេសនៅអាស៊ីខាងកើត ដែលបំពេញកាតព្វកិច្ចអាកាសធាតុរបស់ពួកគេ៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៥ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ