ព័ត៌មានអន្ដរជាតិ
ការនាំចេញកសិផលវៀតណាមហក់ឡើងខ្ពស់ ដោយ ៥ មុខទំនិញ កើនលើសពាន់លានដុល្លារគិតជាតម្លៃជិត១៦ពាន់លានដុល្លារ
តម្លៃនៃការនាំចេញផលិតផលកសិកម្មវៀតណាម បានកើនឡើង ២៤,៤ ភាគរយ ដែលមានទឹកប្រាក់ប្រមាណ ១៥,៧៦ ប៊ីលានដុល្លារ នៅឆមាសទី១ ឆ្នាំ ២០២៤ ដោយមុខទំនិញចំនួន៥ រួមមានកាហ្វេ កៅស៊ូ អង្ករ ផ្លែឈើ និងបន្លែ និងគ្រាប់ស្វាយចន្ទី បានកើនលើសពី១ប៊ីលានដុល្លារ។ នេះបើតាមការចុះផ្សាយរបស់កាសែត VnExpress។
យោងតាមក្រសួងកសិកម្ម និងអភិវឌ្ឍន៍ជនបទ វៀតណាមបាននាំចេញកាហ្វេប្រមាណ ៩០២ ០០០ តោន ស្មើនឹងតម្លៃប្រមាណ ៣,២២ ប៊ីលានដុល្លារ កើនឡើង ៣៤,៦ ភាគរយ បើគិតពីតម្លៃ ដោយសារតែតម្លៃកាហ្វេហក់ឡើង ខណៈមានតម្រូវការច្រើន ហើយការផ្គត់ផ្គត់របស់សកលធ្លាក់ចុះ។
ក្នុងរយៈពេល ៦ ខែដើមឆ្នាំដូចគ្នា វៀតណាមបាននាំចេញអង្ករប្រមាណ ៤,៦៨ លានតោន ក្នុងទំហំទឹកប្រាក់ជិត ៣ ប៊ីលានដុល្លារ (កើនឡើង ៣២ ភាគរយ) ពេលដែលតម្រូវការនៅក្នុងទីផ្សារធំៗដូចជាហ្វីលីពីន ឥណ្ឌូណេស៊ី ចិន និងអាហ្រ្វិក កើនឡើងលើស២ខ្ទង់គិតជាភាគរយ ធៀបនឹងរយៈពេលដូចគ្នាកាលពីឆ្នាំមុន។
ជាមួយគ្នានេះ ការនាំចេញផ្លែឈើ និងបន្លែ មានតម្លៃប្រមាណ ៣,៣៣ ប៊ីលានដុល្លារ កើនឡើង ២៤,៣ ភាគរយ។ ទុរេនគ្របដណ្ដប់ជាង ១/៣ នៃទំហំនាំចេញសរុប មានប្រមាណ ១,៣២ ប៊ីលានដុល្លារ ដោយមានចិនជាអ្នកទិញឈានមុខគេ។ តួលេខរបស់ក្រសួងកសិកម្មបង្ហាញថា តម្លៃនាំចេញ ជាពិសេសទុរេន ស្រកានាគ ស្វាយ និងចេក ក៏ឡើងថ្លៃដែរធៀបនឹងឆ្នាំមុនផងដែរ។
ការនាំចេញគ្រាប់ស្វាយចន្ទីវិញ មានចំនួន ៣៥ម៉ឺនតោន ដោយកើបប្រាក់ប្រមាណ ២ ប៊ីលានដុល្លារ ដែលកើនឡើង ១៧,៤ ភាគរយ។ ចំណែកឯការនាំចេញកៅស៊ូវិញ បានកើនឡើងតិចតួចជាង ៤,៥ ភាគរយ ដោយគិតជាទំហំប្រាក់ប្រមាណ ១,០៩ ប៊ីលានដុល្លារ។
យោងតាមសមាគមឧស្សាហកម្ម ការនាំចេញកសិផលកើនឡើងដោយសារតម្រូវការខ្ពស់ពីដៃគូពាណិជ្ជកម្មធំៗដូចជាចិន សហរដ្ឋអាមេរិក ហ្វីលីពីន ជប៉ុន និងកូរ៉េខាងត្បូង។ ជាមួយគ្នានោះ ឥទ្ធិពលនៃបាតុភូតអាកាសធាតុ អែលនីណូ (El Niño) បានកាត់បន្ថយការផ្គត់ផ្គង់ផលិតផលកសិកម្មនៅទូទាំងពិភពលោក ដែលបណ្តាលឱ្យតម្លៃឡើងខ្ពស់ដល់កំណត់ត្រា សម្រាប់កសិផលជាច្រើន៕
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២៣ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៥ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន