MSMEs ចំនួន ៤៣៨កម្ចីស្មើនឹងទំហំជាង ៣៦​លានដុល្លារតាមរយៈការធានាឥណទានដោយ CGCC

សាជីវកម្មធានាឥណទានកម្ពុជា (CGCC) បានផ្តល់ការធានាលើកម្ចីអាជីវកម្ម ដល់សហគ្រាសខ្នាតមីក្រូ តូច និងមធ្យម(MSMEs) ​ចំនួន ៤៣៨កម្ចី ស្មើនឹងទំហំទឹកប្រាក់ឥណទានចំនួន ៣៦,៦៧លានដុល្លារនៅក្នុងរយៈពេល៦ខែ នៃឆ្នាំ២០២៤ ក្នុងការយកទុនទាំងនោះ​ទៅ​បន្តនិរន្តភាពនិងពង្រីកអាជីវកម្មរបស់ពួកគេ បន្ទាប់ទទួលរងផលប៉ះពាល់​ដោយការរីក​រាលដាលនៃជំងឺកូវីដ១៩។

បើយោងតាម​ CGCC សម្រាប់កញ្ចប់ឥណទាននេះគឺធ្វើការធានានៅក្រោមគម្រោធានាឥណទានចម្បងចំនួន៥គឹ គម្រោងធានាឥណទានដើម្បីស្តារអាជីវកម្ម (BRGS) គម្រោងធានាឥណទានសម្រាប់សហហិរញ្ញប្បទាន (CFGS) គម្រោងធានាឥណទានសម្រាប់សហគ្រិនស្ត្រី (WEGS) គម្រោងធានាឥណទានសម្រាប់សហហិរញ្ញប្បទាន សម្រាប់វិស័យទេសចរណ៍ (CFGS-TR) និងគម្រោងធានាឥណទានជាកញ្ចប់ (PGS)។ ក្នុងនោះគម្រោងធានាឥណទានជាកញ្ចប់មានទាំងអស់ ១៥គម្រោង ដែល មានគ្រឹះស្ថានហិរញ្ញវត្ថុចូលរួមចំនួន ៧ស្ថាប័ន។

នៅក្នុងឆ្នាំកន្លងមក ការធានាឥណទានរបស់ CGCC មានសន្ទុះគួរឱ្យកត់សម្គាល់ ដែលក្នុងនោះកម្ចីចំនួន១៩៤ ត្រូវបានទទួលការធានាក្នុងឆ្នាំ២០២១, ៧៩១កម្ចី ទៀត ក្នុងឆ្នាំ២០២២ និងកើនឡើងដល់ ៩៤៣កម្ចី ក្នុងឆ្នាំ២០២៣។ គិតត្រឹមចុងត្រីមាសទី២ ឆ្នាំ២០២៤ សន្និធិទំហំការធានាឥណទានសរុបរបស់ CGCC គឺមានចំនួន ៩៣,៥៩លានដុល្លារ ដែលនេះគឺជាអិចស្កូស៊ីរបស់ CGCC ។ រហូតមកដល់ចុងត្រីមាសទី២ ឆ្នាំ២០២៤ CGCC ក៏បានបង់សងកម្ចីដែលមានការធានាចំនួន២៨ ដែលបានបាត់បង់ ក្នុងទំហំប្រមាណ ៦៦,៦ម៉ឺនដុល្លារ។

​បើតាម​ CGCC ឥណទានមិនដំណើការ(NPL Ratio)កើនឡើងស្របនឹងនិន្នាការនៃ NPL នៅក្នុងវិស័យធនាគារទាំងមូល ក្នុងរយៈ ពេល ៣ឆ្នាំកន្លងទៅ។ អត្រា TOAN COCC គណនា ដោយយក សន្និធិឥណទានៃ NPL ការធានាឥណទានសŃ COCC។ ក្នុងនោះ អត្រា NPL របស់​ CGCC មានទី​១,១២%   ត្រឹមឆ្នាំ២០២២កើនដល់៦,៦៨% ត្រឹមឆ្នាំ២០២៣ និង៩,១៨% ត្រឹមខែមិថុនា ឆ្នាំ២០១៤ ធៀបនឹងអត្រា​ NPL ក្នុងវិស័យធនាគារ ដែលមានចំនួន ៣​%ក្នុងឆ្នាំ២០២២; ៥,៤% ក្នុងឆ្នាំ២០២៣ និង៦,៨%ត្រឹមខែមិថុនាឆ្នាំ២០២៤។

​​លោក Wong Keet Loong នាយកប្រតិបត្តិCGCC បានលើកឡើងនៅក្នុងរបាយការណ៍​នោះថា​ ផ្អែកទៅលើទិន្នន័យចុងក្រោយរបស់ CGCC យើងឃើញថាមានអាជីកម្ម ៣ប្រភេទដែលមានចំណាត់ថ្នាក់ឥណទានធ្លាក់ចុះ ចាប់ពី «ក្រោមស្តង់ដារ» រហូតដល់ «បាត់បង់» ខ្ពស់ជាងគេ គឺជាង៣៩%នៃអាជីវកម្មទាំងអស់។ អាជីវកម្ម៣ប្រភេទនោះរួមមាន ការលក់គ្រឿងទេស និងភេសជ្ជៈ (១៤,៧%); ការធ្វើសំណង់និងជួញដូរគ្រឿងសំណង់(១២,២%); ​ និងការជួញដូរផលិតផលកសិកម្ម (២១,២%)។

លោកបានគូសបញ្ជាក់ថា៖« ដើម្បីជំរុញកំណើនអភិវឌ្ឍន៍របស់សហគ្រាសមីក្រូ តូច និង មធ្យមទូទាំងប្រទេស CGCC បានពង្រីកវិសាលភាពការធានាឥណទាន​គ្របដណ្តប់​បានទូទាំង២៥​រាជធានី-ខេត្ត តាមរយៈវិធានការ និងសកម្មភាពនានារបស់ខ្លួន»៕ ​

​