ព័ត៌មានអន្ដរជាតិ
អ្នកជំនាញថៃអំពាវនាវជាថ្មីឱ្យរដ្ឋាភិបាលពន្លឿនគម្រោងរោងចក្រថាមពលនុយក្លេអ៊ែរ
អតីតលេខាធិការអចិន្ត្រៃយ៍នៃក្រសួងថាមពលថៃ លោក Kurujit Nakornthap បានស្នើថា រដ្ឋាភិបាលគួរតែពន្លឿនកិច្ចខិតខំប្រឹងប្រែងដើម្បីជំរុញគម្រោងរោងចក្រថាមពលនុយក្លេអ៊ែរតូចមួយ ដើម្បីអភិវឌ្ឍប្រភពថាមពលជំនួស។ នេះបើតាមការចុះផ្សាយរបស់កាសែតបាងកកប៉ុស្តិ៍ នៅថ្ងៃសុក្រនេះ។
លោកបាននិយាយថា អាជ្ញាធរថៃមិនត្រូវអនុញ្ញាតឱ្យការរិះគន់ ឬការខ្វែងគំនិតគ្នា រាំងផ្លូវដល់ការប្តេជ្ញាចិត្តរបស់ខ្លួនក្នុងការអភិវឌ្ឍរោងចក្រផលិតថាមពលនុយក្លេអ៊ែរ ដែលអាចជួយប្រទេសថៃកាត់បន្ថយការបញ្ចេញឧស្ម័នកាបូនឌីអុកស៊ីតនោះទេ។
លោក Kurujit ដែលបច្ចុប្បន្នជានាយកប្រតិបត្តិនៃវិទ្យាស្ថានប្រេងថៃ បាននិយាយថា រដ្ឋាភិបាល «គួរតែជំរុញគម្រោងនេះទៅមុខ ប្រសិនបើវាមានគោលបំណងបម្រើផលប្រយោជន៍សាធារណៈក្នុងរយៈពេលវែង»។
លោក Kurujit ជាអ្នកជំនាញផ្នែកថាមពលម្នាក់របស់ថៃ ដែលបានសម្តែងការគាំទ្រចំពោះផែនការរដ្ឋក្នុងការសាងសង់ម៉ាស៊ីនរ៉េអាក់ទ័រម៉ូឌុលខ្នាតតូច (SMRs) ដែលជាផ្នែកមួយនៃកិច្ចខិតខំប្រឹងប្រែងលើកកម្ពស់ការប្រើប្រាស់ថាមពលស្អាតកាន់តែច្រើន មានក្នុងផែនការអភិវឌ្ឍន៍ថាមពលឆ្នាំ ២០២៤។
SMR គឺជាប្រភេទបច្ចេកវិទ្យាថាមពលនុយក្លេអ៊ែរ ដែលមានសមត្ថភាពរហូតដល់ ៣០០ មេហ្គាវ៉ាត់/ឯកតា ពោលគឺប្រហែល១/៣នៃសមត្ថភាពបង្កើតរបស់ម៉ាស៊ីនរ៉េអាក់ទ័រថាមពលនុយក្លេអ៊ែរធំៗ។ បើយោងតាមទីភ្នាក់ងារថាមពលអាតូមិកអន្តរជាតិ។
លោក Kurujit បានកត់សម្គាល់ថា ថាមពលនុយក្លេអ៊ែរជាប្រភពថាមពលជំនួសសំខាន់ ព្រោះថៃមិនអាចពឹងផ្អែកខ្លាំងលើប្រភពថាមពលមួយចំនួន ជាពិសេសឥន្ធនៈហ្វូស៊ីលនោះទេ ដោយសារប្រទេសនេះប្តេជ្ញាចិត្តចំពោះយុទ្ធនាការរបស់អង្គការសហប្រជាជាតិ ដើម្បីកាត់បន្ថយការបំភាយកាបូនឌីអុកស៊ីត ខណៈត្រូវការធានាការផ្គត់ផ្គង់ថាមពលគ្រប់គ្រាន់ក្នុងតម្លៃសមរម្យ។
គួររំឭកថា SMRs ត្រូវបានគេរំពឹងថានឹងត្រូវបានបង្កើត និងដំណើរការដោយអាជ្ញាធរអគ្គិសនីរដ្ឋនៃប្រទេសថៃ ដែលពីមុនបានធ្វើការសិក្សាលើការអភិវឌ្ឍន៍រោងចក្រថាមពលនុយក្លេអ៊ែរបែបប្រពៃណីចន្លោះឆ្នាំ ២០០៩ និង ២០១១៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង