ព័ត៌មានអន្ដរជាតិ
វៀតណាមកើបប្រាក់ជាង ៥ ប៊ីលានដុល្លារ ពីការនាំចេញកាហ្វេ សម្រាប់ឆ្នាំដាំដុះ ២០២៣-២៤
កាសែតក្នុងស្រុក Viet Nam News បានចុះផ្សាយកាលពីថ្ងៃអង្គារថា ការនាំចេញកាហ្វេរបស់វៀតណាម បានកើនលើស ៥ ប៊ីលានដុល្លារជាលើកដំបូងសម្រាប់រដូវប្រមូលផលឆ្នាំ ២០២៣-២៤ ដែលកំណត់ចន្លោះពីថ្ងៃទី ០១ តុលា ២០២៣ ដល់ថ្ងៃទី ៣០ កញ្ញា ២០២៤។
ប្រធានសមាគមកាហ្វេ និងកាកាវវៀតណាម (VICOFA) លោក Nguyễn Nam Hải បានឲ្យដឹងថា ក្នុងអំឡុងឆ្នាំប្រមូលផល ២០២៣-២៤ វៀតណាមបាននាំចេញកាហ្វេប្រមាណ ១,៤៦ លានតោន ដោយថយចុះ ១២,១ ភាគរយ បើធៀបនឹងឆ្នាំមុន។
យ៉ាងណាមិញ តម្លៃនៃការនាំចេញវិញ បានកើនឡើង ៣៣,១ ភាគរយ ដោយឈានដល់ ៥,៤៣ ប៊ីលានដុល្លារ ដែលនេះជាកម្រិតខ្ពស់បំផុតមិនធ្លាប់មាន។ លោក Hải បានបន្តថា នេះក៏ជាលើកទី១ផងដែរ ដែលការនាំចេញកាហ្វេរបស់វៀតណាមគិតតែ១រដូវកាលប្រមូលផល បានកើនលើសចំនួន ៥ ប៊ីលានដុល្លារ។
យោងតាមអគ្គនាយកដ្ឋានគយ គិតតែក្នុងខែកញ្ញា តម្លៃនាំចេញជាមធ្យមរបស់កាហ្វេវៀតណាម បានឈានដល់ ៥ ៤៦៩ ដុល្លារ/តោន ដែលជាកម្រិតខ្ពស់បំផុតមិនធ្លាប់មានរហូតមកដល់ពេលនេះ ដោយកើនឡើង ៥,៨ ភាគរយ ធៀបនឹងខែសីហា និង ៦៨,៧ ភាគរយ បើធៀបនឹងខែកញ្ញា ឆ្នាំ ២០២៣។
សហភាពអឺរ៉ុប (EU) នៅតែជាទីផ្សារនាំចេញកាហ្វេធំបំផុតរបស់វៀតណាម ដែលប្រទេសនាំចូលធំៗរួមមានអាល្លឺម៉ង់ អ៊ីតាលី និងអេស្ប៉ាញ ដោយសុទ្ធតែតម្លៃកើនឡើង។ ទីផ្សារសំខាន់ៗផ្សេងទៀតដូចជាជប៉ុន និងរុស្ស៊ី ក៏បានឃើញកំណើនដ៏រឹងមាំនៃតម្លៃកាហ្វេនាំចេញផងដែរ បើទោះបីជាបរិមាណធ្លាក់ចុះក៏ដោយ៕
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន