ព័ត៌មានអន្ដរជាតិ
តម្លៃប្រេងកើនឡើងជាង១ភាគរយ ដោយសារភាពតឹងនៃជម្លោះមជ្ឈិមបូព៌ា
តម្លៃប្រេងឆៅសកលបានកើនឡើងជាង ១ ភាគរយ សម្រាប់ការជួញដូរនាថ្ងៃព្រហស្បតិ៍នេះ ដោយសារតែភាពតានតឹងនៃជម្លោះនៅមជ្ឈិមបូព៌ា ដែលក្លាយជាប្រធានបទធំជាថ្មីមុនការបោះឆ្នោតប្រធានាធិបតីអាមេរិកខិតជិតមកដល់ ទោះបីជាស្ដុកប្រេងអាមេរិកកើនឡើង ដែលជាធម្មតាធ្វើឱ្យតម្លៃប្រេងធ្លាក់ចុះក៏ដោយ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងឆៅនាពេលអនាគត ម៉ាក Brent បានកើនឡើង ៩៥ សេន ឬ ១,២៧ ភាគរយ ដោយជួញដូរក្នុងតម្លៃ ៧៥,៩១ ដុល្លារ/បារ៉ែល ខណៈប្រេងឆៅអាមេរិក ម៉ាក West Texas Intermediate (WTI) បានកើនឡើង ១ ដុល្លារ ឬ ១,៤១ ភាគរយ ដោយជួញដូរនៅតម្លៃ ៧១,៧៧ ដុល្លារ/បារ៉ែល។
តម្លៃប្រេងទាំង២ម៉ាក បានកើនឡើងជិត ៤ ភាគរយ សម្រាប់ការជួញដូរនៅសប្ដាហ៍នេះ ក្រោយធ្លាក់ចុះប្រមាណ ៧ ភាគរយ កាលពីសប្ដាហ៍មុន ដោយសារតែក្ដីបារម្ភពីកម្សោយតម្រូវការក្នុងប្រទេសចិន និងក្ដីសង្ឈឹមពីដំណោះស្រាយនៃជម្លោះនៅជម្ឈិមបូព៌ា។
យ៉ាងណាមិញ ជម្លោះក្នុងតំបន់ដដែលកាន់តែតានតឹងនៅសប្ដាហ៍នេះ ដែលជាមូលហេតុធ្វើឱ្យតម្លៃប្រេងហក់ឡើងមកវិញ។ បើតាមរ៉យទ័រ អ៊ីស្រាអែលបានវាយប្រហាររដ្ឋធានីដាម៉ាស់ របស់ប្រទេសស៊ីរី នៅព្រឹកថ្ងៃព្រហស្បតិ៍នេះ ដែលជាការវាយប្រហារលើតំបន់ចុងក្រោយបង្អស់ ក្នុងបរិបទនៃសង្រ្គាមហ្គាហ្សា។ ការវាយប្រហារនេះ កើតឡើងបន្តបន្ទាប់គ្នា ក្រោយអ៊ីស្រាអែល ដោះដូរការផ្លោងមីស៊ីលគ្នាជាមួយក្រុមហេសប៊ូឡា របស់លីបង់។
ការវិវត្តកាន់តែធ្ងន់ធ្ងរនេះ កើតឡើងចំពេលដែលសហរដ្ឋអាមេរិកជំរុញឱ្យមានដំណោះស្រាយ មុនការបោះឆ្នោតប្រធានាធិបតី ៥ វិច្ឆិកា ខាងមុខ ដែលអាចមានឥទ្ធិពលលើគោលនយោបាយអាមេរិកនៅមជ្ឈិមបូព៌ា។ ការណ៍ទាំងនេះ កើតឡើង ខណៈក្ដីបារម្ភពីកម្សោយតម្រូវការប្រេងនៅចិនបន្តអូសបន្លាយ ដោយសារតែភាពស្រពិចស្រពិល នៃប្រទេសដែលនាំចូលប្រេងដ៏ធំបំផុតមួយនេះ។ ទន្ទឹមនឹងនេះ រដ្ឋបាលព័ត៌មានថាមពលសហរដ្ឋអាមេរិក បានរាយការណ៍ថា ស្តុកប្រេងឆៅរបស់សហរដ្ឋអាមេរិកបានកើនឡើង ៥,៥ លានបារ៉ែល កាលពីសប្ដាហ៍មុន ដោយលើសលុបពីការរំពឹងទុក៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង