ព័ត៌មានអន្ដរជាតិ
តើការប្រកាសច្បាប់អាជ្ញាសឹករបស់កូរ៉េខាងត្បូង នឹងប៉ះពាល់ដល់សេដ្ឋកិច្ចបែបណា?
ក្នុងជំហានដ៏គួរឱ្យភ្ញាក់ផ្អើលជាង ៤ ទសវត្សរ៍ ប្រធានាធិបតីកូរ៉េខាងត្បូង លោក យូន ស៊កយល កាលពីរាត្រីថ្ងៃអង្គារឆ្លងចូលថ្ងៃពុធ បានប្រកាសច្បាប់អាជ្ញាសឹក ដោយប្រគល់អំណាចទៅឱ្យក្រុមយោធាជាអ្នកគ្រប់គ្រងប្រទេស ខណៈរឹតត្បឹតសកម្មភាពស៊ីវិល ដើម្បីបង្រ្កាបអ្វីដែលលោកហៅថា «ការគំរាមកំហែងពីកងកម្លាំងកូរ៉េខាងជើង» និង «កម្លាំងប្រឆាំងរដ្ឋដែលគាំទ្រកូរ៉េខាងជើង»។
ប៉ុន្មានម៉ោងក្រោយមក គណៈរដ្ឋមន្រ្តីរបស់លោក យូន បានលុបចោលច្បាប់អាជ្ញាសឹកវិញ ដោយមានការបោះឆ្នោតប្រឆាំងពីសមាជិកសភា ១៩០ រូប ខណៈប្រជាជនកូរ៉េខាងត្បូងក៏បានផ្អើលឆោឡោប្រមូលផ្ដុំគ្នានៅរដ្ឋសភាទាំងកណ្ដាលយប់ ដើម្បីបង្ហាញជំហរប្រឆាំងរបស់ខ្លួន។ គិតត្រឹមព្រឹកថ្ងៃពុធនេះ ស្ថានការណ៍បានស្រកស្រាន្តទៅវិញខ្លះៗ ប៉ុន្តែបាតុកម្មទាមទារឱ្យលោក យូន ចុះចេញពីតំណែងចាប់ផ្ដើមផ្ទុះឡើង ខណៈមន្ត្រីរបស់លោកមួយចំនួនក៏បានលាលែងចេញពីតួនាទីរបស់ខ្លួន។
គេមើលឃើញថា វិបត្តិនយោបាយនេះ មានផលប៉ះពាល់ដល់ស្ថិរភាពក្នុងស្រុករបស់កូរ៉េខាងត្បូង និងទំនាក់ទំនងក្នុងតំបន់ និងពិភពលោក ជាពិសេសជាមួយ «សត្រូវ» កូរ៉េខាងជើង និងសម្ព័ន្ធភាពជាមួយសហរដ្ឋអាមេរិក។ ជ្រុងមួយនៃការព្រួយបារម្ភនោះ គឺវិសាលភាពនៃផលប៉ះពាល់លើសេដ្ឋកិច្ចរបស់ប្រទេស ដែលពឹងផ្អែកខ្លាំងលើវិស័យឧស្សាហកម្មមួយនេះ។
បញ្ហាចុងក្រោយកើនឡើង ចំពេលដែលកំណើនសេដ្ឋកិច្ចរបស់កូរ៉េខាងត្បូង រំពឹងថានឹងដើរអូសជើងក្នុងអត្រាតិចជាង ២ ភាគរយ នៅឆ្នាំក្រោយ (តាមការព្យាកររបស់ធនាគារកណ្ដាលកូរ៉េខាងត្បូង) ខណៈតម្រូវការក្នុងស្រុកបានបង្ហាញសញ្ញាថមថយ ហើយកំណើននៃការនាំចេញប្រចាំខែវិច្ឆិកា បានធ្លាក់ចុះដល់កម្រិតទាបបំផុតក្នុងរយៈពេល ១៤ ខែ ត្រឹម ១,៤ ភាគរយ ដោយសារកម្សោយនៃការនាំចេញទៅអាមេរិក និងចិន។
ជាក់ស្ដែង ផលប៉ះពាល់នៃសេដ្ឋកិច្ចដែលបង្កមកពីច្បាប់អាជ្ញាសឹករបស់លោក យូន ចាប់ផ្ដើមមានជាបណ្ដើរៗរួចទៅហើយ។ ប្រាក់វ៉ុនរបស់កូរ៉េខាងត្បូង បានធ្លាក់ចុះធៀបនឹងប្រាក់ដុល្លារអាមេរិក ដោយឈានដល់ចំណុចទាបបំផុតរាប់ចាប់តាំងពីឆ្នាំ ២០២២ ដល់ ១ ៤២០ វ៉ុន/ដុល្លារ ដែលនេះឆ្លុះបញ្ចាំងពីអស្ថិរភាពនៃទីផ្សារហិរញ្ញវត្ថុ។ ជាមួយគ្នានោះ សន្ទស្សន៍ផ្សារភាគហ៊ុនដ៏សំខាន់របស់កូរ៉េខាងត្បូង KOSPI បានធ្លាក់ចុះរហូតដល់ ១,៩៩ ភាគរយ សម្រាប់ការជួញដូរនៅព្រឹកថ្ងៃពុធនេះ។
ក្នុងជ្រុងមួយដ៏ធំ អ្នកវិភាគបានហៅច្បាប់អាជ្ញាសឹក ថាឆ្លុះបញ្ជាំងពី «អស្ថិរភាពនយោបាយក្នុងស្រុកធ្ងន់ធ្ងរ» ដែលអាចប៉ះពាល់ដល់ទំនុកចិត្តរបស់ក្រុមហ៊ុន និងដៃគូវិនិយោគទាំងក្នុង និងក្រៅប្រទេស ហើយការណ៍នេះ នឹងរារាំងដល់ការវិនិយោគថ្មីៗ ប៉ះពាល់ដល់វិស័យការងារ ផលិតកម្ម និងការនាំចេញ ដែលជាកត្តាសំខាន់សម្រាប់ជំរុញកំណើនសេដ្ឋកិច្ចរបស់ប្រទេស។
អ្នកវិភាគបានលើកឡើងថា អស្ថិរភាពដែលអូសបន្លាយ អាចរំខានដល់សកម្មភាពសេដ្ឋកិច្ចរបស់កូរ៉េខាងត្បូង ប៉ះពាល់ដល់ដៃគូពាណិជ្ជកម្ម និងខ្សែសង្វាក់ផ្គត់ផ្គង់ទាំងនៅអាស៊ី និងទូទាំងពិភពលោក ព្រោះប្រទេសនេះដើរតួនាទីជាអ្នកផ្គត់ផ្គង់ដ៏សំខាន់ ជាពិសេសលើវិស័យបច្ចេកវិទ្យា ដូចជាបន្ទះឈីប ជាដើម។
ទោះជាយ៉ាងណាក៏ដោយ ភាពធ្ងន់ធ្ងរនៃផលប៉ះពាល់សេដ្ឋកិច្ច មិនទាន់អាចសន្និដ្ឋានថានៅកម្រិតណានៅឡើយទេ ខណៈអ្នកវិភាគបន្តរងចាំមើលស្ថានការណ៍នយោបាយសិន។ ប៉ុន្តែមានការលើកឡើងថា ក្រោមលទ្ធភាពដែលលោក យូន ត្រូវគេបណ្ដេញចេញពីតំណែង នោះវានឹងមានឥទ្ធិពលអវិជ្ជមានលើទំនុកចិត្តរបស់អ្នកប្រើប្រាស់ និងអាជីវកម្ម ដែលនឹងធ្វើឱ្យសកម្មភាពសេដ្ឋកិច្ចក្លាយជាដើរយឺតយ៉ាវ៕
លោក នេត្រ ភក្ត្រា ៖ ការបណ្តុះបណ្តាលអ្នកសារព័ត៌មានពីជំនាញផ្នែកសេដ្ឋកិច្ច គឺជាការផ្ដល់ចំណេះដឹងផ្នែកហិរញ្ញវត្ថុដល់ សាធារណជន
ពលករថៃ៦នាក់ ដែលប៉ុនប៉ងឆ្លងដែនមកធ្វើការនៅកម្ពុជាត្រូវប៉ូលិសថៃបានចាប់ខ្លួន
លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា
រដ្ឋមន្ត្រីអប់រំលើកទឹកចិត្តគ្រូ និង សិស្សត្រូវតែចេះប្រើ Ai ដើម្បីលើកកម្ពស់គុណភាពការរៀន និងការបង្រៀន
ក្រសួងការងារស្នើក្រុមហ៊ុនទទួលពលករខ្មែរ ត្រឡប់មកពីថៃឱ្យចូលធ្វើការ មានការយោគយល់និងការអត់ធ្មត់ខ្ពស់
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្សយ៉ាងតិច ៩ នាក់
យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់
ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ
ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៦ ម៉ោង agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ១ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ២ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា