ព័ត៌មានអន្ដរជាតិ
ថៃរំពឹងពីកំណើននៃការចំណាយសាធារណៈខ្ពស់បំផុតក្នុងរយៈពេល៥ឆ្នាំ នៅបុណ្យចូលឆ្នាំថ្មីចិន
ការចំណាយសាធារណៈថៃក្នុងអំឡុងពេលចូលឆ្នាំចិន រំពឹងថានឹងកើនឡើងដល់ ៥១,៧៨ ប៊ីលានបាត ដែលជាចំនួនខ្ពស់បំផុតក្នុងរយៈពេល ៥ ឆ្នាំ។ នេះបើតាមការចុះផ្សាយរបស់កាសែតបាងកកប៉ុស្តិ៍ ដែលស្រង់ព័ត៌មានពីការព្យាករចុងក្រោយរបស់រដ្ឋាភិបាល នាថ្ងៃអង្គារនេះ។
អ្នកនាំពាក្យរងរដ្ឋាភិបាលថៃ លោកស្រី Sasikan Wattanachan បាននិយាយថា តួលេខនេះតំណាងឱ្យការកើនឡើង ៤,៥ ភាគរយ ធៀបនឹងឆ្នាំមុន។ លោកស្រីបាននិយាយថា ឆ្នាំនេះក៏ជាលើកទី១ផងដែរ ចាប់តាំងពីវិបត្តិកូវីដ១៩ផ្ទុះឡើង ដែលការចំណាយសាធារណៈសម្រាប់បុណ្យចូលឆ្នាំចិន កើនលើសពី ៥០ ប៊ីលានបាត។
បើតាមបាងកកប៉ុស្តិ៍ ហាងដែលលក់គ្រឿងតុបតែងលម្អ និងអំណោយសម្រាប់បុណ្យចូលឆ្នាំចិននៅខេត្តសង់ក្លា បានរាយការណ៍ពីតម្រូវការកើនឡើង ខណៈជនជាតិថៃជាប់ខ្សែស្រឡាយចិនចាប់ផ្តើមទិញអីវ៉ាន់ទុកមុនថ្ងៃបុណ្យ។
យ៉ាងណាមិញ ដោយសារតែសេដ្ឋកិច្ចថៃមិនទាន់ងើបឡើងវិញស្រួលបួល ជុំវិញផលប៉ះពាល់ពីភាពស្រពិចស្រពិលសេដ្ឋកិច្ចពិភពលោកកាលពីឆ្នាំមុន កន្លែងលក់អីវ៉ាន់ដូចគ្នាមួយចំនួនបានរាយការណ៍ពីការលក់ធ្លាក់ចុះ។ តួយ៉ាងដូចជានៅផ្សារលក់ធំបំផុតក្នុងខេត្តរ៉ាក់យ៉ង ជាដើម។ នេះបើតាមបាងកកប៉ុស្តិ៍ដដែល។
ងាកចេញពីបញ្ហានេះ នាយករដ្ឋមន្រ្តីថៃ អ្នកស្រី ផែតងតាន ស៊ីណាវ៉ាត្រា ឯណោះវិញ បានជូនពរដល់ប្រជាជនថៃជាប់ខ្សែចិនទាំងអស់ ក៏ដូចជាប្រជាជនខ្សែចិនផ្សេងៗទៀត ឱ្យជួបតែសេចក្តីសុខក្នុងថ្ងៃបុណ្យចូលឆ្នាំចិន។ អ្នកស្រីបានលើកឡើងពីទំនាក់ទំនងវប្បធម៌ដ៏យូរអង្វែងរវាងប្រទេសថៃ និងចិន មុនពេលបង្ហាញក្តីសង្ឃឹមរបស់អ្នកស្រីសម្រាប់ការបន្តមិត្តភាព និងកិច្ចសហប្រតិបត្តិការដែលផ្តល់ផលប្រយោជន៍ដល់ប្រជាជាតិទាំង២។
គេមើលឃើញថា រដ្ឋាភិបាលថៃកំពុងលើកកម្ពស់សកម្មភាពវប្បធម៌ផ្សេងៗក្នុងអំឡុងពេលចូលឆ្នាំចិន ដោយសង្ឃឹមថានឹងទាក់ទាញប្រជាជនថៃ និងភ្ញៀវបរទេសជាង ២,២ លាននាក់ និងបង្កើតចំណូលពីទេសចរណ៍ប្រមាណ ៦,៣ ប៊ីលានបាត៕
-
សន្តិសុខសង្គម៥ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៣ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ១ សប្តាហ៍ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានអន្ដរជាតិ១ សប្តាហ៍ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៤ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ