ព័ត៌មានជាតិ

កម្ពុជានឹងរៀបចំពិពរ័ណ៍នៅប្រទេសជប៉ុននៅដើមខែឧសភា

បានផុស

២ ខែ មុន

នៅ

ថ្ងៃពុធ ៥ កុម្ភៈ ២០២៥

ដោយ

ពិព័រណ៍កម្ពុជា លើកទី៩ ឆ្នាំ២០២៥ (The 9th Cambodia Festival 2025) នឹងដោយក្រសួងពាណិជ្ជកម្មចាប់ពីថ្ងៃទី៣-៤ ខែឧសភា ឆ្នាំ២០២៥ នៅសួនឧទ្យានយ៉ូយ៉ូហ្គី ទីក្រុងតូក្យូ ដើម្បីធ្វើការផ្សព្វផ្សាយនូវផលិតិផលក្នុងស្រុកទៅកាន់ទីផ្សារជប៉ុនឱ្យកាន់តែទូលំទូលាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់ក្រសួងពាណិជ្ជកម្មកាលពីថ្ងៃទី៤ខែកុម្ភៈបានអំពាវនាវដល់បណ្តាពាណិជ្ជករ និងសាធារណជនទូទៅឱ្យបានជ្រាបថា ស្ថានទូតកម្ពុជាប្រចាំប្រទេសជប៉ុន នឹងបន្តរៀបចំ ពិព័រណ៍កម្ពុជា លើកទី៩ ឆ្នាំ២០២៥ (The 9th Cambodia Festival 2025) ដែលនឹងប្រព្រឹត្តទៅពីថ្ងៃទី៣-៤ ខែឧសភា ឆ្នាំ២០២៥ នៅសួនឧទ្យានយ៉ូយ៉ូហ្គី ទីក្រុងតូក្យូ ប្រទេសជប៉ុន។

ក្រសួងបានលើកឡើងថា៖«ព្រឹត្តិការណ៍ពិព័រណ៍នេះ រៀបចំ ឡើងក្នុងគោលបំណងផ្សព្វផ្សាយ និងលើកស្ទួយសិល្បៈ វប្បធម៌ ទេសចរណ៍ ព្រមទាំងជំរុញផលិតផលសក្តានុពល និងម្ហូបអាហារខ្មែរទៅកាន់ទីផ្សារអន្តរជាតិ»។

បើយោងតាមក្រសួងពាណិជ្ជកម្ម គណៈកម្មការរៀបចំបានផ្តល់ស្តង់ចំនួនពីរទំហំ៥.៤ ម៉ែត្រ x ៣.៦ ម៉ែត្រ ជូនក្រសួងពាណិជ្ជកម្ម ដើម្បីផ្តល់ជូនក្រុមហ៊ុន និងសហគ្រាសកម្ពុជា នាំយកផលិតផលនិងសេវាកម្មទៅដាក់តាំង បង្ហាញ ផ្សព្វផ្សាយ និងស្វែងរកដៃគូពាណិជ្ជកម្មជាលក្ខណៈអន្តរជាតិនាឱកាសព្រឹត្តិការណ៍ខាងលើ។

«ក្រសួងពាណិជ្ជកម្ម ក្នុងនាមអ្នកសម្របសម្រួល សូមអញ្ជើញ លោក-លោកស្រី ដែលជាពាណិជ្ជករ និងសាធារណជនទូទៅដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ពិព័រណ៍ខាងលើ សូមធ្វើការ ទំនាក់ទំនងមកបំពេញបែបបទចូលរួម តាមរយៈនាយកដ្ឋានកិច្ចការពិព័រណ៍ អគ្គនាយកដ្ឋានជំរុញពាណិជ្ជកម្ម នៃ ក្រសួងពាណិជ្ជកម្ម យ៉ាងយូរបំផុតត្រឹមថ្ងៃទី១៤ ខែកុម្ភៈ ឆ្នាំ២០២៥»។ នេះបើយោងតាមសេចក្តីជូនដំណឹងរបស់ក្រសួង។

បច្ចុប្បន្នក្រុមហ៊ុនជប៉ុនដ៏ធំគឺ MIRARTH Green Tech បានកំពុងកែច្នៃគ្រាប់ស្វាយចន្ទីនៅក្នុងខេត្តកំពង់ធំ និងបាននាំចេញទីកាន់ទីផ្សារអឺរ៉ូប និងជប៉ុនផងដែរ។

ថ្លែងនៅក្នុងពិធីសម្ពោធជាផ្លូវការនូវរោងចក្រកែច្នៃគ្រាប់ស្វាយចន្ទី និងសំបកស្វាយចន្ទីរបស់ក្រុមហ៊ុន MIRARTH កាលពីដើមខែតុលា ឆ្នាំ២០២៤ អគ្គនាយកក្រុមហ៊ុន MIRARTH Green Tech លោក Kentaro Taniguchi បានមានប្រសាសន៍ថា កម្ពុជាជាប្រទេសដែលផលិតគ្រាប់ស្វាយចន្ទីលំដាប់ពិភពលោក ប៉ុន្តែស្វាយចន្ទីមួយផ្នែកធំដែលកម្ពុជានាំចេញមិនបានធ្វើការកែច្នៃ។

លោកក៏បានអះអាងថា នឹងអាចបង្កើនតម្លៃបន្ថែមដល់គ្រាប់ស្វាយចន្ទី និងអាចលើកស្ទួយប្រាក់ចំណូលរបស់ពលរដ្ឋដែលជាលទ្ធផលអាចចូលរួមចំណែកអភិវឌ្ឍសេដ្ឋកិច្ចកម្ពុជាផងដែរ៕