ព័ត៌មានអន្ដរជាតិ

Alibaba គ្រោងវិនិយោគជាង ៥០ ប៊ីលានដុល្លារ ក្នុងវិស័យ AI

បានផុស

១ year មុន

នៅ

ថ្ងៃចន្ទ ២៤ កុម្ភៈ ២០២៥

ដោយ

ក្រុមហ៊ុនពហុបច្ចេកវិទ្យាចិន Alibaba បានឱ្យដឹងនៅថ្ងៃចន្ទនេះថា ខ្លួនគ្រោងនឹងវិនិយោគសរុបជាទឹកប្រាក់យ៉ាងហោចណាស់ ៣៨០ ប៊ីលានយន់ (៥២,៤ ប៊ីលានដុល្លារ) សម្រាប់បច្ចេកវិទ្យាពពក និងហេដ្ឋារចនាសម្ព័ន្ធបញ្ញាសិប្បនិម្មិត (AI) របស់ខ្លួន ក្នុងរយៈពេល ៣ ឆ្នាំខាងមុខ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Alibaba បាននិយាយថា ចំនួនទឹកប្រាក់វិនិយោគសរុបចុងក្រោយ គឺលើសពីការចំណាយរបស់ក្រុមហ៊ុននៅក្នុងវិស័យ AI និងបច្ចេកវិទ្យាពពក ក្នុងរយៈពេលមួយទសវត្សរ៍កន្លងមក។

ក្រុមហ៊ុនបានចាប់ផ្ដើមនៅឆ្នាំ ២០២៥ ក្នុងសន្ទុះរឹងមាំលើការប្រកួតប្រជែងវិស័យ AI របស់ប្រទេសចិន ដោយបានទាក់ទាញអ្នកវិនិយោគជាច្រើនជាមួយនឹងកិច្ចព្រមព្រៀងពាណិជ្ជកម្មជាយុទ្ធសាស្ត្រផ្សេងៗ។

គួរគូសបញ្ជាក់ថា ការប្រកាសរបស់ក្រុមហ៊ុន Alibaba ធ្វើឡើងចំពេលដែលការប្រកួតប្រជែងក្នុងវិស័យ AI ក្នុងស្រុកចិន និងលើពិភពលោក កំពុងកើនឡើងយ៉ាងឆាប់រហ័ស ដោយគេឃើញមានក្រុមហ៊ុនបច្ចេកវិទ្យាយក្សផ្សេងៗប្រកាសការវិនិយោគជាទឹកប្រាក់រាប់ពាន់លានដុល្លារ។

ជាក់ស្ដែង ក្រុមហ៊ុនបច្ចេកវិទ្យា ByteDance ដែលជាក្រុមហ៊ុនមេរបស់ TikTok បានដាក់គម្រោងចំណាយប្រាក់ប្រមាណ ១៥០ ប៊ីលានយន់ សម្រាប់ការវិនិយោគនៅឆ្នាំនេះ ដោយភាគច្រើនក្នុងនោះ គឺផ្ដោតលើវិស័យ AI។ នេះបើតាមការចុះផ្សាយរបស់រ៉យទ័រ កាលពីខែមករា៕