ព័ត៌មានអន្ដរជាតិ

សិង្ហបុរីអនុម័តថវិកាជាតិជាង ១០០ ប៊ីលានដុល្លារ សម្រាប់ឆ្នាំនេះ

បានផុស

៣ សប្តាហ៍ មុន

នៅ

ថ្ងៃអង្គារ ១១ មីនា ២០២៥

ដោយ

សភារបស់ប្រទេសសិង្ហបុរី បានអនុម័តលើថវិកាជាតិចំនួន ១៤៣ ប៊ីលានដុល្លារសិង្ហបុរី (១០៧,៥ ប៊ីលានដុល្លារអាមេរិក) សម្រាប់ប្រើប្រាស់ក្នុងឆ្នាំហិរញ្ញវត្ថុ ២០២៥ ដែលនេះជាចំនួនច្រើនបំផុតក្នុងប្រវត្តិសាស្រ្តរបស់ប្រទេស។ នេះបើតាមការចុះផ្សាយរបស់សារព័ត៌មានក្នុងស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ចប់ថវិកានេះ គឺជាថវិកាចុងក្រោយនៃអាណត្តិរដ្ឋាភិបាលបច្ចុប្បន្ន ខណៈសិង្ហបុរីនឹងឈានដល់ការបោះឆ្នោតថ្នាក់ជាតិនៅខែវិច្ឆិកា ខាងមុខ។ វានឹងផ្តោតលើការទ្រទ្រង់ការស្ទុះងើបឡើងវិញនៃសេដ្ឋកិច្ចរបស់ប្រទេសក្រោយវិបត្តិកូវីដ១៩ ខណៈរៀបចំសម្រាប់កំណើនសេដ្ឋកិច្ចរយៈពេលវែង។

ផែនការក្រោមកញ្ចប់ថវិកាដដែល រួមមានការវិនិយោគលើលំនៅដ្ឋាន និរន្តរភាព និងការផ្លាស់ប្តូរកម្លាំងពលកម្ម ដោយធ្វើយ៉ាងណាឱ្យសិង្ហបុរីបន្តជោគជ័យជាសកល។

ប្រធានសភាសិង្ហបុរី និងរដ្ឋមន្ត្រីប្រចាំទីស្តីការនាយករដ្ឋមន្ត្រី លោកស្រី Indranee Rajah បានសង្កត់ធ្ងន់លើវិធីសាស្រ្តសារពើពន្ធដ៏ប្រុងប្រយ័ត្នរបស់សិង្ហបុរី ដែលអនុញ្ញាតឱ្យមានការឆ្លើយតបយ៉ាងរហ័សចំពោះវិបត្តិសកលលោក ដោយមិនបង្កជាបំណុលធ្ងន់ធ្ងរ។

ចំណែកឯនាយករដ្ឋមន្ត្រីសិង្ហបុរី លោក Lawrence Wong វិញ បានបញ្ជាក់ថា គោលនយោបាយដែលបានដាក់ចេញក្នុងកញ្ចប់ថវិកាឆ្នាំ ២០២៥ នឹងកសាងសង្គមកាន់តែរឹងមាំ និងធន់ជាងមុន សម្រាប់អនាគតរបស់ប្រទេសសិង្ហបុរី៕