Connect with us

ព័ត៌មានអន្ដរជាតិ

សង្រ្គាមពាណិជ្ជកម្ម៖ ក្ដីបារម្ភ​សកលកើនឡើង ជុំវិញការរឹតត្បឹត​ការនាំចេញរ៉ែកម្ររបស់ចិន

បានផុស

នៅ

ក្នុងបរិបទនៃសង្រ្គាមពាណិជ្ជកម្ម ក្តីបារម្ភលើការរឹតត្បឹតការនាំចេញរ៉ែកម្ររបស់ប្រទេសចិន បាន​ហក់ឡើងកាលពីថ្ងៃអង្គារ ​ដោយគេឃើញ​​ក្រុមហ៊ុនផលិតរថយន្តសកល រួមទាំងមកពីសហរដ្ឋអាមេរិក ចេញ​ការ​ព្រមាន​ពីផលប៉ះពាល់នៃវិធានការរបស់ចិន ដែលអាច​បង្កការ​ពន្យារពេល ឬបិទផលិតកម្ម ​ប្រសិនបើគ្មាន​ដំណោះស្រាយ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចិនរួមចំណែក ៩០ ភាគរយ លើការផលិតរ៉ែកម្ររបស់ពិភពលោក ​ដែលរ៉ែទាំងនោះត្រូវបានគេប្រើប្រាស់ក្នុងឧស្សាហកម្មការពារជាតិ អវកាស ឈីប​ រថយន្តអគ្គិសនី ថាមពល និងអេឡិចត្រូនិកជាដើម​។ បើតាមរ៉យទ័រ សហរដ្ឋអាមេរិកមាន​អណ្តូង​រ៉ែ​កម្រតែមួយគត់ ហើយការផ្គត់ផ្គង់ភាគច្រើនគឺមកពីប្រទេសចិន។ ការរឹតត្បឹតការ​នាំចេញរបស់ចិន ដែលប្រកាសឡើងកាលពីខែមេសា ត្រូវបានធ្វើឡើងដើម្បីជាផ្នែកមួយនៃកា​រសងសឹកទៅលើការដំឡើងពន្ធរបស់ប្រធានាធិបតីអាមេរិក ដូណាល់ ត្រាំ។

បណ្ដាក្រុមហ៊ុនផលិតរថយន្តអាល្លឺម៉ង់ ​គឺជាក្រុមចុងក្រោយគេដែលព្រមានថា ការរឹតត្បឹតការនាំចេញរបស់ប្រទេសចិន គំរាមកំហែង​ពីលទ្ធភាពនៃការបិទផលិតកម្ម និងធ្វើឱ្យសេដ្ឋកិច្ចក្នុងស្រុករបស់ពួកគេធ្លាក់ចុះ ​ក្រោយ​មានការត្អូញត្អែរស្រដៀងគ្នាពីក្រុមហ៊ុនផលិតរថយន្ត​ផលិតរថយន្តអគ្គិសនីឥណ្ឌាកាលពីសប្តាហ៍មុន។

បើតាមអ្នកវិភាគ ​អ្វីដែលកើតឡើងនេះបង្ហាញពី​អំណាចរបស់ប្រទេសចិន ចំពោះឧស្សាហកម្មរ៉ែក្រ​សំខាន់ៗ ដែលជាភាពខ្លាំងរបស់ចិន ក្នុងការធ្វើសង្រ្គាមពាណិជ្ជកម្មជាមួយ​អាមេរិក​។

គួរគូស​បញ្ជាក់ថា លោក ត្រាំ ដាក់ពន្ធលើចិន​ខ្ពស់រហូតដល់ ១៤៥ ភាគរយ ហើយចិន​ឆ្លើយតបវិញក្នុងអត្រា ១២៥ ភាគរយ មុនពេលភាគីទាំង ២ ចរចាគ្នានៅទីក្រុងហ្សឺណែវ ប្រទេសស្វីស កាលពីខែឧសភា ដោយព្រមព្រៀងទម្លាក់អត្រានោះជាគំហុករយៈពេល ៩០ ថ្ងៃ។

យ៉ាងណាមិញ ភាពតានតឹងកើនឡើងជាថ្មីកាលពីចុងសប្ដាហ៍កន្លងទៅ ក្រោយលោក​ ត្រាំ ចោទប្រកាន់​ចិន​ថា​បាន​រំលោភលើកិច្ចព្រមព្រៀងនោះ ដោយនិយាយក្នុងន័យថា ភាពយឺតយ៉ាវរបស់ចិនក្នុងការបន្ធូរបន្ថយការរឹតត្បឹតការនាំចេញរ៉ែកម្រ​ តំណាងឱ្យ​ការរំលោភលើកិច្ចព្រមព្រៀង។

ការ​នាំចេញរ៉ែម៉ាញេទិក (Magnets) ដែលមានសារៈសំខាន់សម្រាប់​ផលិតកម្មស្ទើរគ្រប់យ៉ាងចាប់រាប់តាំងពីរថយន្ត ​​ដ្រូន រហូតដល់មនុស្សយន្ត និង​មីស៊ីល ត្រូវបានជាប់គាំងនៅកំពង់ផែចិន ​ដោយ​ត្រូវស្នើសុំការអនុញ្ញាតពីនិយតករ។ ការ​ជាប់គាំងនេះ បានបង្កឱ្យមានការព្រួយបារម្ភ​នៅប្រទេសជាច្រើនចាប់តាំងពីជប៉ុន ដល់សហរដ្ឋអាមេរិក​ ​ខណៈគេពិបាក​ក្នុងការរកប្រភពជំនួសចិនសម្រាប់ការផ្គត់ផ្គង់។

​រ៉យទ័របាន​ផ្សាយដោយស្រង់សម្ដីប្រភព​មិនបញ្ចេញឈ្មោះថា អ្នកការទូត ក្រុមហ៊ុនផលិតរថយន្ត និងនាយកប្រតិបត្តិក្រុមហ៊ុនផ្សេងៗទៀតមកពី​ឥណ្ឌា ជប៉ុន និងអឺរ៉ុប កំពុងស្វែងរកជំនួប​ជាបន្ទាន់ជាមួយមន្ត្រីចិន ដើម្បីជំរុញ​ការអនុញ្ញាតនាំចេញរ៉ែកម្រឱ្យបានលឿន៕


Helistar Cambodia - Helicopter Charter Services
Sokimex Investment Group
ព័ត៌មានជាតិ៣៨ វិនាទី មុន

ជើង​ឯក​បាល់ទះ​នារីពិភព​លោក Volleyball Nations League ចាប់ផ្តើមថ្ងៃ​នេះ

ព័ត៌មានជាតិ៥២ វិនាទី មុន

ក្នុងអាណត្តិនេះឬអាណត្តិក្រោយ មណ្ឌលសុខភាពនៅទូទាំងប្រទេសអាចព្យាបាល២៤ម៉ោង

ព័ត៌មានជាតិ២២ នាទីutes មុន

ប្រាក់ចំណូលរបស់ក្រុមហ៊ុនបញ្ជូនខ្សែបណ្តាញអគ្គិសនីផេសថិកកើនឡើងខ្ពស់ក្នុងត្រីមាស​ទី២ឆ្នាំនេះ

ព័ត៌មានជាតិ២៨ នាទីutes មុន

លទ្ធផល​​សមាជរដ្ឋសភា ព្រឹទ្ធសភា បានទទួលយកការបកស្រាយ​ និងគាំទ្រលើ​រដ្ឋាភិបាល

ព័ត៌មានជាតិ៣០ នាទីutes មុន

និស្សិតពេទ្យជិត ៦០០ នាក់ ធ្វើសច្ចាប្រណិធានវិជ្ជាជីវៈសុខាភិបាលដែលជាវិជ្ជា ប្រកបដោយឧត្ដមគតិ សុចរិត និងក្រមសីលធម៌

សន្តិសុខសង្គម២៣ ម៉ោង មុន

តុលាការសម្រេចឃុំខ្លួនលោក ហង្ស សំណាង និងបក្ខពួកដាក់ពន្ធនាគារពីបទ ធ្វើឲ្យខូចទឹកចិត្តកងទ័ព

ព័ត៌មានជាតិ២០ ម៉ោង មុន

យោធភូមិភាគទី៣ បើកវគ្គហ្វឹកហ្វឺនពលទាហានថ្មីបំពេញឱ្យក្របខណ្ឌកងទ័ពជើងគោក

ព័ត៌មានអន្ដរជាតិ២៣ ម៉ោង មុន

បុរសជនជាតិឥណ្ឌារត់ពន្ធពស់វែក ៤៧ក្បាលក្នុងវ៉ាលី ត្រូវបានចាប់ខ្លួននៅអាកាសយានដ្ឋាន Mumbai

ព័ត៌មានជាតិ១៩ ម៉ោង មុន

សម្តេចតេជោ ថ្លែងថានេះជាពេលដែលពលរដ្ឋកម្ពុជាគួរទទួលបានអាហារមានគុណភាពគ្មានជាតិគីមី

ព័ត៌មានអន្ដរជាតិ១៨ ម៉ោង មុន

រុស្ស៊ី សងសឹកចាស់ដៃ ក្រោយអ៊ុយក្រែន វាយប្រហារមូលដ្ឋានទ័ព កម្ទេចយន្តហោះចម្បាំង

Sokha Hotels

ព័ត៌មានពេញនិយម