ការនាំចេញសិង្ហបុរី ធ្លាក់ចុះ ៣,៥% ខែមុន ដោយ​មិនរំពឹងទុក​ ដោយសារពន្ធ ត្រាំ

ទិន្នន័យពីភ្នាក់ងារសហគ្រាសសិង្ហបុរី បាន​បង្ហាញថា ការនាំចេញក្រៅពីប្រេងរបស់​សិង្ហបុរី បានធ្លាក់ចុះ ៣,៥ ភាគរយ កាលពីខែឧសភា ធៀប​នឹ​ងរយៈពេលដូចគ្នាកាលពីឆ្នាំមុន ដោយ​ការនាំចេញទៅសហរដ្ឋអាមេរិកបានធ្លាក់ចុះគួរឱ្យកត់សម្គាល់ ក្រោយប្រធានាធិបតី ដូណាល់ ត្រាំ ប្រកាសពន្ធគយបដិការនៅដើមខែមេសា។ នេះបើតាមការចុះផ្សាយរបស់ទីភ្នាក់ងារសារព័ត៌មាន​រ៉យទ័រ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្លាក់ចុះនេះ ផ្ទុយពីការព្យាករកំណើន ​៨ ភាគរយ ក្នុងការស្ទង់មតិពីសេដ្ឋវិទូរបស់រ៉យទ័រ ​និង​កំណើន ១២,៤ ភាគរយ កាលពីខែមេសា។ ការ​នាំ​ចេញ​គ្រឿង​អេឡិច​ត្រូនិក​ បាន​កើន​ឡើង​តិចតួច ប៉ុន្តែ​គីមី​ឥន្ធនៈ មាស​​ក្រៅទុនបម្រុង និង​គ្រឿង​ម៉ាស៊ីន​ឯកទេស ​បាន​ធ្លាក់​ចុះ។

យោងតាមភ្នាក់ងារសហគ្រាសសិង្ហបុរី ការនាំចេញទៅសហរដ្ឋអាមេរិក​នៅខែឧសភា បាន​ធ្លាក់ចុះរហូតដល់ ២០,៦ ភាគរយ។ អ្នកជំនាញលើកឡើងថា អំណោយផលសម្រាប់ការនាំចេញមុនខែឧសភា បាន​ថយចុះ ខណៈភាព​មិន​ប្រាកដប្រជានៃគោលនយោបាយពន្ធរបស់អាមេរិក​ និងការចុះផ្សាយនៃការចំណាយរបស់ប្រជាជនក្នុងប្រទេសទីផ្សាររបស់សិង្ហបុរី បន្ថែមផលប៉ះពាល់សម្រាប់ការនាំចេញសិង្ហបុរី។

អ្នកជំនាញលើកឡើងថា ភាពមិនប្រាកដប្រជាពន្ធគយ អាច​នឹង​បន្តបង្កហានិភ័យសម្រាប់សិង្ហបុរី ជាពិសេសនៅពេលការពន្យាពេលពន្ធគយបដិការ ៩០ ថ្ងៃ របស់ ត្រាំ ផុតកំណត់នៅដើមខែក្រោយ៕