សេដ្ឋកិច្ច
សមាគមផលិតកម្ពុជា៖ អំបិលប្រមាណជាង ៥ ម៉ឺនតោន ត្រូវបានលក់ទៅទីផ្សារ នៅឆមាសទី១ ឆ្នាំនេះ
សមាគមផលិតអំបិលកម្ពុជាបានឱ្យដឹងថា នៅឆមាសទី១ ឆ្នាំ២០២៥ នេះ សមាគមបាននាំចេញអំបិលសរុបប្រមាណជាង ៥ ម៉ឺនតោន (៥៥,០៤៧.៣៧ តោន) លក់លើទីផ្សារ។
លោក ប៊ុន ណារិន ប្រធានសមាគមផលិតអំបិលកម្ពុជា ប្រាប់កម្ពុជាថ្មី នៅថ្ងៃទី១៦ ខែកក្កដា ឆ្នាំ ២០២៥ ថា គិតមកដល់ថ្ងៃទី ១៥ មិថុនា ២០២៥ នេះ សមាគមផលិតអំបិលបានសរុបប្រមាណ ៨២,២៤២ តោន ក្នុងនោះ លក់ចេញទៅកាន់ទីផ្សារសរុបបានប្រមាណ ៥៥,០៤៧.៣៧ តោន។
ក្នុងចំណោមអំបិលផលិតបានសរុប ក៏មានប្រភេទអំបិលសម្គាល់ភូមិសាស្ត្រ (អំបិលGI) ផលិតបាន អំបិលគ្រួស ២ ៣០០ តោន, ផ្កាអំបិល ០៥ តោន ហើយអាចលក់ចេញទៅកាន់ទីផ្សារបានអំបិលគ្រួស ១ ៣៧០ តោន និងផ្កាអំបិល ០៥ តោន។
បើតាម លោក ប៊ុន ណារិន ដដែល ក៏បានឱ្យដឹងបន្ថែមថា នៅក្នុងរដូវផលិត ចាប់ពី ខែមករា-កុម្ភៈ ដល់ ខែមីនា ឆ្នាំ២០២៥ សមាគម អាចលក់អំបិលគ្រួសបានក្នុងតម្លៃ ៩ ០០០រៀល-១០,០០០រៀល ក្នុងមួយបាវ ៥០ គីឡូក្រាម ដោយឡែក ផ្កាអំបិលលក់បានតម្លៃ ២ ៦០០៛/គីឡូក្រាម ទៅ ៣ ០០០៛/គីឡូក្រាម ឬស្មើនិង ១៣០ ០០០រៀល ទៅ ១៥០ ០០០រៀល ក្នុងមួយបាវ ៥០ គីឡូក្រាម។ ដោយឡែក អំបិលស លេខ១ លក់បានក្នុងតម្លៃ ៦ ០00រៀល ទៅ ៧ 000រៀល ក្នុងមួយបាវ ៥០ គីឡូក្រាម, អំបិលស្រគាំលេខ២ លក់បានតម្លៃ ៥ ០00រៀល ទៅ ៥ ៥00រៀល ក្នុងមួយបាវ ៥០ គីឡូក្រាម និងអំបិលខ្មៅ លក់បានត្រឹមតម្លៃ ៤ ០00រៀល ទៅ ៤ ៥00រៀល ក្នុងមួយបាវ ៥០ គីឡូក្រាម។
ស្របពេលជាមួយគ្នានេះ លោក ប៊ុន ណារិន បានគូសបញ្ជាក់ថា ឈានមកដល់បច្ចុប្បន្ននេះ គឺ ចាប់ពីខែ ឧសភា-មិថុនា-កក្កដា អំបិលកំពត-កែប ដោយអំបិលស លេខ១ លក់បាក្នុងតម្លៃ ១២ ០០០រៀល ទៅ ១៥ ០០០រៀល ក្នុងមួយបាវ ៥០ គីឡូក្រាម, អំបិលស្រគាំលេខ២ លក់បានក្នុងតម្លៃ ១០ ០០០រៀល ទៅ ១២ ០០០រៀល ក្នុងមួយបាវ ៥០ គីឡូក្រាម ហើយចំពោះអំបិលខ្មៅ មិនមានក្នុងឃ្លាំងនោះទេ។
ទន្ទឹមនេះ ប្រធានសមាគមរូបនេះ ក៏បានបន្ថែមដែរថា បើទោះបីថាការប្រមូលផលឆ្នាំ២០២៥ នេះទទួលបានបរិមាណផលតិចប៉ុន្តែយើងមានសល់ក្នុងឃ្លាំងពីឆ្នាំ ២០២៤ នោះមិនចាំបាច់នាំចូលបន្ថែមទេ បរិមាណ ៨០,០០០តោន ក្នុង ១ ឆ្នាំ គឺសមាគមអាចផ្គត់ផ្គង់គ្រប់គ្រាន់សម្រាប់តម្រូវការទីផ្សារ។
យោងតាមក្រសួងឧស្សាហកម្ម ផលិតកម្មអំបិលកម្ពុជាសម្រេចបានជាង ១៦ ម៉ឺនតោន (១៦៨ ៨៨២) នៅក្នុងឆ្នាំ ២០២៤ លើផ្ទៃដីស្រែអំបិលជិត ៤ ពាន់ហិកតា (៣ ៩៨៧) (កំពត ៣ ៤៨៩ហិកតា កែប ៤៩៧ហិកតា)។
គួរជម្រាបថា កម្ពុជាមានក្រុមផលិតអំបិលចំនួន ១៩១ ក្រុម ក្នុងនោះខេត្តកំពតផលិតបាន ១២៨ ៤៧៤ តោន ខេត្តកែប ផលិតបាន ៤០ ៤០៨ តោន។ ការលក់ចេញបានចំនួន ៧៤ ១៨៥ តោន។
ក្នុងមួយឆ្នាំៗ កម្ពុជាត្រូវការអំបិលចន្លោះពី ៧-១០ ម៉ឺនតោន ដើម្បីបំពេញតម្រូវការក្នុងស្រុក។ ក្រៅពីផលអំបិលក្នុងស្រុក បណ្តាខេត្តនៅជាប់ព្រំដែនថៃ និងវៀតណាម ក៏តែងនាំចូលអំបិលមកដាក់លក់ផងដែរ ប៉ុន្តែនៅឆ្នាំ ២០២៤ ពុំមានការនាំអំបិលចូលពីបរទេសនោះទេ៕
ដោយ៖ ឌិន ថារី
ទូតចិន ថា បទបញ្ជាសម្ដេចធិបតី បង្ហាញពីឆន្ទៈរបស់កម្ពុជាក្នុងការបោសសម្អាតអំពើឆបោកតាមអនឡាញ
អាជ្ញាធរ និងយុវជន ក្នុងខេត្តមណ្ឌលគិរី សំណូមភ្ញៀវទេសចរទុកដាក់សំរាមឱ្យបានត្រឹមត្រូវ
អាជ្ញាធរសង្កាត់ទំនប់ទឹក ដាក់ប្រព័ន្ធលូថ្មីរំដោះទឹក នារដូវវស្សា
ប្រធានាធិបតីស៊ីរី ចោទអ៊ីស្រាអែលថាព្យាយាមអូសទាញខ្លួនឲ្យចូលក្នុងសង្គ្រាម
កីឡាករ កីឡាការិនី គ្រុឌគុនខ្មែរ-ចិន បង្ហាញភាពស្និទ្ធស្នាលជាមួយគ្នាមុនការប្រកួតមកដល់
ថៃ ថា មីនដែលទាហានខ្លួនជាន់ ទើបបង្កប់ថ្មីៗ ផ្ទុយពីការអះអាងរបស់ Boonsin Phadklang
ឪពុកចេញទៅផឹកស៊ី ទុកឱ្យក្មេងៗនៅក្នុងផ្ទះបង្កជាអគ្គិភ័យ សំណាងសមត្ថកិច្ចអន្តរាគមន៍ជួយទាន់ពេល
សម្ដេចតេជោ សួរទៅនាយករដ្ឋមន្ត្រីស្ដីទីថៃថា លេបថ្នាំខុស បាត់ការចងចាំមែនទេ ទើបហ៊ាននិយាយថា ហ៊ុន សែន អត់តម្លៃទាំងដែលធ្លាប់រងចាំសម្ដេច៤ម៉ោង ដើម្បីអង្វរសុំចរចា?
ទាហានថៃ ៣នាក់ជាន់មីននៅព្រំដែនជាប់កម្ពុជា ក្នុងនោះម្នាក់របួសធ្ងន់ ដាច់ជើងម្ខាង
ឥតខ្មាស! ថៃ ចោទកម្ពុជា ថា កំពុងលេងល្បិចបញ្ឆេះឲ្យផ្ទុះអាវុធ តែមិនចេះមើលទង្វើខ្លួនឯង
-
ព័ត៌មានអន្ដរជាតិ៥ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៣ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៦ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៣ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ