សេដ្ឋកិច្ច

ផលិតកម្មអំបិលរំពឹងបាន ១០ ម៉ឺនតោន ខណៈតម្លៃកើនឡើងវិញ

បានផុស

៤ ខែ មុន

នៅ

ថ្ងៃពុធ ២៥ កុម្ភៈ ២០២៦

ដោយ

ផលិតកម្មអំបិលកម្ពុជារំពឹងសម្រេចបាន ១០ ម៉ឺនតោន នៅក្នុងឆ្នាំ ២០២៦ ប្រសិនបើអាកាសធាតុអំណោយផល បន្ទាប់ពីបានធ្លាក់ចុះយ៉ាងគំហុកកាលពីឆ្នាំ ២០២៥ ដោយសារការធ្លាក់ភ្លៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៊ុន ណារិន ប្រធានសមាគមផលិតអំបិលកម្ពុជា មានប្រសាសន៍នៅថ្ងៃពុធ ទី ២៥ ខែកុម្ភៈ នេះថា ការប្រមូលផលអំបិលរដូវកាលថ្មី បានចាប់ផ្ដើមកាលពីខែមករា ប៉ុន្តែមានទំហំតិចតួច ពោលគឺសម្រេចបានចំនួន ៣ ពាន់តោន។

ប្រធានសមាគមរូបនេះ រំពឹងថា នៅក្នុងឆ្នាំ ២០២៦ ទិន្នផលអំបិលនឹងកើនដល់ ៨ ម៉ឺន ទៅ ១០ ម៉ឺនតោន ដោយសារការអំណោយផលពីអាកាសធាតុ។

តម្លៃអំបិលនៅឆ្នាំ ២០២៦ នេះ បានកើនឡើងវិញបន្ទាប់ពីបានធ្លាក់ចុះដល់ ៧០០០ រៀល ក្នុងមួយបាវ ៥០ គីឡូក្រាម កាលពីឆ្នាំមុន ក្នុងនោះប្រភេទលេខ១ អាចលក់បាន ១៨០០០ រៀល ក្នុងមួយបាវ ៥០ គីឡូក្រាម ចំណែកឯប្រភេទលេខ២ តម្លៃចន្លោះ ១៦០០០-១៧០០០ ក្នុងមួយបាវ ៥០ គីឡូក្រាម រីឯប្រភេទលេខ ៣ តម្លៃចន្លោះពី ១៣០០០-១៤០០០ រៀល មួយបាវ ៥០ គីឡូក្រាម។

យោងតាមក្រសួងឧស្សាហកម្មកម្ពុជា ផលិតកម្មអំបិលនៅកម្ពុជាសម្រេចបានជាង ៣ ម៉ឺនតោន( ៣៤៥១១) លើផ្ទៃដីប្រមូលផលជិត ៤ ពាន់កហិកតា នៅក្នុងឆ្នាំ ២០២៥ ធ្លាក់ចុះយ៉ាងគំហុកប្រៀបធៀបនឹងឆ្នាំ ២០២៤ ដែលសម្រេចបានជាង ១៦ ម៉ឺនតោន៕