ព័ត៌មានអន្ដរជាតិ

ថៃគ្រោងកាត់ពន្ធលើទំនិញអាមេរិក ១០ ០០០ មុខ ដោយអាចខាតចំណូលពន្ធ ៨ ប៊ីលានបាត

បានផុស

១០ ខែ មុន

នៅ

ថ្ងៃសៅរ៍ ៣០ សីហា ២០២៥

ដោយ

អគ្គនាយករងនៃនាយកដ្ឋានគយថៃ លោក Yutana Phoolpipat បានឱ្យដឹងថា នាយកដ្ឋានកំពុងធ្វើវិសោធនកម្មបទប្បញ្ញត្តិដើម្បីដកពន្ធនាំចូលលើទំនិញមកពីសហរដ្ឋអាមេរិក ជាង ១០ ០០០ មុខ ស្របតាមកិច្ចព្រមព្រៀងគោលនយោបាយពន្ធអាមេរិក។ នេះបើតាមការចុះផ្សាយរបស់កាសែត The Nation កាលពីថ្ងៃសុក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដកពន្ធរំពឹងថានឹងធ្វើឱ្យឆ្នាំសារពើពន្ធ ២០២៦ ខាតបង់ប្រាក់ចំណូលពីពន្ធគយចំនួន ៨ ប៊ីលានបាត (២៤៧ លានដុល្លារ) ខណៈបច្ចុប្បន្ន នាយកដ្ឋានគយប្រមូលពន្ធនាំចូលពីអាមេរិកជាមធ្យម ២០ ប៊ីលានបាត/ឆ្នាំ។ នេះបើតាមលោក Yutana។

ទាក់ទងនឹង «តម្រូវការវត្ថុធាតុដើមក្នុងស្រុក» សម្រាប់ផលិតផលនាំចេញទៅកាន់សហរដ្ឋអាមេរិក ថៃត្រូវប្រាកដថា ផលិតផលរបស់ខ្លួនផ្សំឡើងដោយវត្ថុធាតុដើម ឬដំណើរការផលិតក្នុងស្រុករហូតដល់ ៤០ ភាគរយ។ ទោះយ៉ាងណាក៏ដោយ ក្រោមកិច្ចព្រមព្រៀងដែលបានកែសម្រួល សហរដ្ឋអាមេរិកគ្រោងនឹងដំឡើងកម្រិតនេះដល់ ៥០ ភាគរយ ក្រោមកិច្ចប្រឹងប្រែងប្រឆាំងការដឹកទំនិញឆ្លងកាត់ ដើម្បីគេចពន្ធអាមេរិក (Transshipment)។

ទោះបីជាមានច្បាប់តឹងរ៉ឹងក៏ដោយ ក៏នាយកដ្ឋានគយមានទំនុកចិត្តថា អាជីវកម្មថៃអាចសម្របខ្លួនបាន ខណៈនាយកដ្ឋានបានចាប់ផ្តើមការសម្របសម្រួលជាមួយក្រុមហ៊ុនផលិតរួចហើយ ដើម្បីរៀបចំសម្រាប់ការផ្លាស់ប្តូរនេះ ហើយវានឹងពង្រឹងផលិតកម្មក្នុងស្រុក និងនាំមកនូវអត្ថប្រយោជន៍រយៈពេលវែងដល់ទាំងឧស្សាហកម្មក្នុងស្រុក និងសេដ្ឋកិច្ចជាតិ៕