ព័ត៌មានអន្ដរជាតិ

តម្លៃប្រេងធ្លាក់ចុះមកវិញ ក្រោយ OPEC+ ពិចារណាដំឡើងផលិតកម្មថ្មី

បានផុស

១០ ខែ មុន

នៅ

ថ្ងៃព្រហស្បតិ៍ ៤ កញ្ញា ២០២៥

ដោយ

តម្លៃប្រេងអន្តរជាតិបានធ្លាក់ចុះមកវិញជាបន្តបន្ទាប់ទាំងថ្ងៃពុធ និងព្រឹកថ្ងៃព្រហស្បតិ៍នេះ ក្រោយពីមានសេចក្ដីរាយការណ៍ថា អង្គការនៃប្រទេសនាំចេញប្រេងកាត និងសម្ព័ន្ធមិត្ត (OPEC+) ពិចារណាថ្មីលើការដំឡើងផលិតកម្មប្រេង។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគតម៉ាក Brent និងប្រេងអាមេរិកម៉ាក West Texas Intermediate (WTI) បានធ្លាក់ចុះជាង ២ ភាគរយ ពេលបិទបញ្ចប់ការជួញដូរកាលពីថ្ងៃពុធ។

ហើយនៅព្រឹកថ្ងៃពុធនេះ តម្លៃប្រេង Brent បានបន្តធ្លាក់ចុះ ២៧ សេន ឬ ០,៤០ ភាគរយ ដល់ ៦៧,៣៣ ដុល្លារ/បារ៉ែល គិតត្រឹមម៉ោង ៩ ព្រឹក ម៉ោងនៅក្រុងហុងកុង។ ចំណែកឯប្រេងម៉ាក WTI វិញ បានបន្តធ្លាក់ចុះ ២៧ សេន ឬ ០,៤៤ ភាគរយ ដោយជួញដូរនៅត្រឹម ៦៣,៦៩ ដុល្លារ/បារ៉ែល។

តាមសម្ដីប្រភពប្រាប់រ៉យទ័រកាលពីថ្ងៃពុធ OPEC+ បានជួបប្រជុំគ្នានៅថ្ងៃអាទិត្យ ហើយបានពិចារណាការដំឡើងផលិតកម្មនៅខែតុលា ដែលនេះរំពឹងថានឹងបង្កើនការផ្គត់ផ្គង់ ជាហេតុធ្វើឱ្យតម្លៃប្រេងធ្លាក់ចុះ។ ប្រេងកើនឡើងនៅដើមសប្ដាហ៍ ក្រោយពេលដែលអាមេរិកប្រកាសទណ្ឌកម្មថ្មីលើប្រេងរុស្ស៊ី។

ឥឡូវនេះ វិនិយោគិនកំពុងរងចាំមើលពីទិន្នន័យស្ដីពីស្ដុងប្រេងប្រចាំសប្ដាហ៍នៅសហរដ្ឋអាមេរិក ដើម្បីវិភាគពីតម្រូវការក្នុងប្រទេសដែលប្រើប្រេងច្រើនជាងគេបំផុតមួយនេះ ខណៈរដូវកាលធ្វើដំណើរកម្សាន្ត បានបិទបញ្ចប់(ក្រៅផ្លូវការ)ដើមខែកញ្ញា ដែលអាចធ្វើឱ្យតម្រូវការចុះខ្សោយជាងមុខ៕