សេដ្ឋកិច្ច

អាជ្ញាធរព្រមានឱ្យបញ្ឈប់ទទួលយកអត្តសញ្ញាណបណ្ណជាវត្ថុបញ្ចាំធានាកម្ចី

បានផុស

១០ ខែ មុន

នៅ

ថ្ងៃសុក្រ ៥ កញ្ញា ២០២៥

ដោយ

ក្រសួងមហាផ្ទៃ ធនាគារជាតិនៃកម្ពុជា និងអាជ្ញាធរសេវាហិរញ្ញវត្ថុមិនមែនធនាគារ នៅថ្ងៃទី ០៥ ខែកញ្ញា ឆ្នាំ ២០២៥ បានក្រើនរំលឹកជាថ្មី ដល់អ្នកធ្វើអាជីវកម្មផ្ដល់កម្ចីខុសច្បាប់ឱ្យបញ្ឈប់ទទួលយកអត្តសញ្ញាណបណ្ណ សៀវភៅស្នាក់នៅ ប័ណ្ណសមធម៌ និងបណ្ណសមាជិក ប.ស.ស ធ្វើជាវត្ថុបញ្ចាំក្នុងការធានាឱ្យទទួលបានប្រាក់កម្ចី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីប្រកាសព័ត៌មានរួមរបស់ ក្រសួងមហាផ្ទៃ ធនាគារជាតិនៃកម្ពុជា និងអាជ្ញាធរសេវាហិរញ្ញវត្ថុមិនមែនធនាគារ អះអាងថា ឯកសារអត្តសញ្ញាណបណ្ណ សៀវភៅស្នាក់នៅ ប័ណ្ណសមធម៌ និងបណ្ណសមាជិក ប.ស.ស គ្មានតម្លៃសេដ្ឋកិច្ចសម្រាប់សកម្មភាពពាណិជ្ជកម្ម និងមិនអាចយកមកដាក់ធានាបានឡើយ។

ការរំលឹករបស់អាជ្ញាធរ បានធ្វើឡើងបន្ទាប់ពីមាននីតិបុគ្គល ឬរូបវន្តបុគ្គលមួយចំនួនបានធ្វើអាជីវកម្មផ្តល់កម្ចីខុសច្បាប់ដែលធ្វើឡើងដោយគ្មានការអនុញ្ញាតជាមុនពីស្ថាប័នមានសមត្ថកិច្ច ក្រោមរូបភាពផ្សេងៗដូចជា៖ លុយរាប់ ការបញ្ចាំ ការផ្តល់ប្រាក់កម្ចី ដោយផ្ទាល់ និងតាមអនឡាញជាដើម។

បុគ្គលមួយចំនួន ថែមទាំងធ្វើសកម្មភាពគំរាមកំហែង បំភិតបំភ័យ រៀបចំខសន្យាមិនសុចរិត និងកេងចំណេញហួសហេតុ ព្រមទាំងរក្សាទុកឯកសារដូចជា អត្តសញ្ញាណប័ណ្ណ សៀវភៅស្នាក់នៅ ប័ណ្ណសមធម៌ និងប័ណ្ណសមាជិក ប.ស.ស សម្រាប់ធានាកម្ចីទៀតផង។

សកម្មភាពទាំងនេះបានបង្កផលប៉ះពាល់យ៉ាងធ្ងន់ធ្ងរដល់ជីវភាពរស់នៅរបស់ប្រជាពលរដ្ឋ សន្តិសុខ សុវត្ថិភាព សណ្តាប់ធ្នាប់សាធារណៈ បរិយាកាសវិនិយោគ និងសេដ្ឋកិច្ចសង្គមកម្ពុជា ដែលអាចត្រូវផ្តន្ទាទោស និងដាក់ពិន័យតាមច្បាប់៕

សេចក្ដីប្រកាសព័ត៌មានរួមខាងក្រោម៖