អត្ថាធិប្បាយ
កងទ័ពកំពុងបែកបាក់ ឧត្តមសេនីយ៍អាមេរិក ព្រមានផ្ទុះរដ្ឋប្រហារយោធា
ជាធម្មតា រដ្ឋប្រហារកើតឡើងនៅក្នុងប្រទេសដែលមានលទ្ធិប្រជាធិបតេយ្យមិនទាន់មានការអភិវឌ្ឍន៍ ឬនៅក្នុងរដ្ឋផ្តាច់ការ។ ប៉ុន្តែឥឡូវនេះ សេណារីយ៉ូកំពុងត្រូវបានពិភាក្សាយ៉ាងយកចិត្តទុកដាក់ក្នុងចំណោមជនជាតិអាមេរិក។
កាលពីថ្ងៃសុក្រ ឧត្តមសេនីយ៍អាមេរិកចូលនិវត្តន៍បីនាក់ បានចេញអត្ថបទមួយនៅក្នុងកាសែត Washington Post ដែលមានចំណងជើងថា “ឥឡូវនេះ យោធាត្រូវតែត្រៀមខ្លួនសម្រាប់ការបះបោរឆ្នាំ២០២៤”។
អត្ថបទនោះនិយាយថា “យើងញ័រដល់ឆ្អឹង នៅពេលគិតពីការធ្វើរដ្ឋប្រហារលើកក្រោយ”។ ស្របពេលដែលខួបលើកទីមួយនៃកុបកម្មដ៏សាហាវ នៅវិមានកាពីតូល សហរដ្ឋអាមេរិកកាន់តែខិតជិតមកដល់ ឧត្តមសេនីយ៍ឯកពីររូប និងឧត្តមសេនីយ៍ត្រីមួយរូបដែលចូលនិវត្តន៍ បានសម្តែងការព្រួយបារម្ភរបស់ពួកគេ អំពីយោធាអាមេរិកដែលកំពុងបែកបាក់គ្នា។
ពួកគេនិយាយថា “នៅថ្ងៃទី៦ខែមករា ចំនួនដ៏គួរឲ្យព្រួយបារម្ភនៃអតីតយុទ្ធជន និងសមាជិកសកម្មនៃយោធា បានចូលរួមក្នុងការវាយប្រហារលើវិមាន កាពីតូល។ ហើយពួកគេកំពុងបង្ហាញឲ្យឃើញថា ប្រវត្តិសាស្ត្រនឹងកើតឡើងម្តងទៀត។ នៅក្នុងការបោះឆ្នោតដែលមានការប្រកួតប្រជែងហើយភាពស្មោះត្រង់ត្រូវរលាយបាត់ អ្នកខ្លះអាចធ្វើតាមបញ្ជាពីមេបញ្ជាការឈ្នះឆ្នោត ខណៈអ្នកផ្សេងទៀតអាចធ្វើតាមបញ្ជាអ្នកចាញ់”។
ពួកគេថែមទាំងបានស្នើរសុំដំណោះស្រាយផងដែរថា “ក្រសួងការពារជាតិគួរតែលេងហ្គេមសង្រ្គាម បន្ទាប់ពីការបះបោរក្រោយការបោះឆ្នោត ឬការប៉ុនប៉ងធ្វើរដ្ឋប្រហារ។ ម្យ៉ាងវិញទៀត នេះគឺស្មើនឹងការអំពាវនាវឲ្យមន្ទីរបញ្ចកោណត្រៀមខ្លួន ដើម្បីបង្ក្រាបការបះបោរណាមួយ ដែលមិនអាចនឹកស្មានដល់នៅក្នុងប្រទេសប្រជាធិបតេយ្យទូទាំងពិភពលោក”។
លោក Shen Yi សាស្ត្រាចារ្យនៅសាលាទំនាក់ទំនងអន្តរជាតិ និងកិច្ចការសាធារណៈនៃសាកលវិទ្យាល័យ Fudan បានប្រាប់ Global Times ថា “វាហាក់បីដូចជាធ្ងន់ធ្ងរ នៅពេលអាមេរិកពីរបក្ស នឹងចេញមកនៅឆ្នាំ២០២៤ ដោយមានកងទ័ពពីរក្រុមដែលមានជំនឿខុសៗគ្នា ហើយអះអាងពីភាពស្មោះត្រង់ចំពោះប្រធានាធិបតីអាមេរិកផ្សេងគ្នា។ ការបែងចែកនយោបាយ មិនត្រឹមតែធ្វើឲ្យសង្គមអាមេរិកបែកបាក់ប៉ុណ្ណោះទេ ថែមទាំងធ្វើឲ្យរង្គើដល់យោធាអាមេរិកផងដែរ”។
គួរបញ្ជាក់ថា មិនមែនមានតែនាយឧត្តមសេនីយ៍ចូលនិវត្តន៍ទាំងបីរូបនេះ ដែលព្រួយបារម្ភនោះទេ។ កាសែត The Atlantic បានវិភាគកាលពីដើមខែធ្នូថា “រដ្ឋប្រហារបន្ទាប់របស់លោក Trump បានចាប់ផ្តើមរួចទៅហើយ”។ កាសែតនេះសង្កត់ធ្ងន់ថា “ថ្ងៃទី៦ខែមករា គឺជាការហាត់សម។ គណបក្សសាធារណរដ្ឋរបស់លោក Donald Trump មានទីតាំងល្អប្រសើរជាងមុន ដើម្បីធ្វើវិទ្ធង្សនាការបោះឆ្នោតបន្ទាប់”។
ថ្វីបើកុបកម្មនៅវិមានកាពីតូល ត្រូវបានរំសាយក៏ដោយ ប៉ុន្តែគ្រាប់ពូជនៃការស្អប់ខ្ពើម និងការបែកបាក់គ្នា បានចាក់ឫសយ៉ាងជ្រៅនៅក្នុងសហរដ្ឋអាមេរិក និងកំពុងរីកដុះដាលឡើង៕
ប្រែសម្រួល៖ Vann Vann
ប្រភព៖ Global Times
ចុចអាន៖ អាមេរិក ហាត់សមវាយប្រហារនុយក្លេអ៊ែរលើ រុស្ស៊ី
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ចរាចរណ៍២២ ម៉ោង ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន