តើការចាក់វ៉ាក់សាំងបានតែមួយដូស អាចជួយការពារពីជំងឺកូវីដ-១៩ បានកម្រិតណា?

ការសិក្សាដែលធ្វើឡើងដោយទីភ្នាក់ងារ សុខភាពសាធារណៈអង់គ្លេស (PHE) បង្ហាញថា មនុស្សម្នាក់ក្នុងចំណោម ៤ នាក់មានផលប៉ះពាល់តិចតួចបណ្ដាលមកពីវីរុសកូវីដ-១៩ បន្ទាប់ពីពួកគេបានចាក់វ៉ាក់សាំង Pfizer ឬ AstraZeneca ដូសទី១។

មនុស្សដែលធ្លាប់បានចាក់វ៉ាក់សាំងការពារកូវីដ-១៩លើកទី១រួច ប្រមាណពី ៣៨% ទៅ ៤៩% មិនប្រឈមហានិភ័យឆ្លងវីរុសជាមួយអ្នកដទៃឡើយ បើប្រៀបធៀបជាមួយអ្នកដែលមិនបានចាក់វ៉ាក់សាំងសោះ។

ថ្វីត្បិតការស្រាវជ្រាវភាគច្រើនធ្វើឡើងទៅលើក្រុមមនុស្សអាយុក្រោម ៦០ ឆ្នាំក៏ដោយ ប៉ុន្តែការរកឃើញនេះបង្ហាញប្រសិទ្ធភាពទៅលើមនុស្សគ្រប់វ័យផងដែរ ហើយការចាក់វ៉ាក់សាំងត្រូវបានគេទទួលស្គាល់ថា អាចបង្កើតការការពារក្នុងរយៈពេលប្រហែលជា ២ សប្តាហ៍ បន្ទាប់ពីការចាក់លើកដំបូង។

វេជ្ជបណ្ឌិត Peter English ជាអ្នកពិគ្រោះយោបល់ចូលនិវត្តន៍ក្នុងការគ្រប់គ្រងជំងឺឆ្លងបាននិយាយថា ពលរដ្ឋប្រហែលជាមើលស្រាលឥទ្ធិពលនៃវ៉ាក់សាំងទាក់ទិននឹងការចម្លងរោគ ប៉ុន្តែការសិក្សាបានរកឃើញសារៈរបស់វា បើទោះបីជាអ្នកទើបតែចាក់បាន១ដូសក៏ដោយ ក៏វាមានសមត្ថភាពបន្ថែមភាពស៊ាំឱ្យរាងកាយបានដែរ។

ភស្ដុតាងជាច្រើនបង្ហាញកាន់តែច្បាស់ថា ការចាក់វ៉ាក់សាំងអាចការពារមនុស្សពីការឆ្លងវីរុស ទោះបីអ្នកនោះធ្លាប់ឬមិនធ្លាប់កើតកូវីដក្ដី។ ដួូច្នេះ កុំមានការសង្ស័យឬភ័យខ្លាចក្នុងការចាក់វ៉ាក់សាំងកូវីដ-១៩ ព្រោះវាជាខែលរបស់រាងកាយអ្នកដើម្បីការពារវីរុស៕

ប្រែសម្រួល៖ សន្យា

ប្រភព៖ sky news

ចុចអាន៖ ក្រៅពីវ៉ាក់សាំង ថ្នាំគ្រាប់៤ប្រភេទនេះ អាចជាអាវុធរបស់ពិភពលោកក្នុងសង្គ្រាមកម្ចាត់កូវីដ

ចុចអាន៖ សមាជិក​សភា​ជាន់​ខ្ពស់​អាមេរិក​ហ៊ាន​ធានា​ពី​សុវត្ថិភាព​វ៉ាក់សាំង​កូវីដ ហើយ​ជំរុញ​ប្រជាជន​កុំ​ខ្លាច​រអា​ក្នុង​ការ​ចាក់