កូវីដ-១៩
ត្រឹម២សប្តាហ៍ប៉ុណ្ណោះ ករណីឆ្លងកូវីដហក់ឡើងខ្ពស់ជាង៦ខែដំបូង នៅពេលរាតត្បាតផ្ទុះឡើងទៅទៀត
អគ្គនាយកអង្គការសុខភាពពិភពលោក បាននិយាយក្នុងសន្និសីទសារព័ត៌មានមួយនៅទីក្រុងហ្សឺណែវកាលពីថ្ងៃចន្ទថា ករណីជំងឺកូវីដ-១៩ដែលត្រូវបានកត់ត្រាជាសកលក្នុងរយៈពេលពីរសប្តាហ៍ចុងក្រោយនេះ គឺមានកម្រិតខ្ពស់ជាងអំឡុងពេល៦ខែដំបូង នៅពេលរោគរាតត្បាតផ្ទុះឡើងទៅទៀត។
លោក Tedros Adhanom Ghebreyesus បាននយាយថា ប្រទេសឥណ្ឌានិងប្រេស៊ីល បានរួមចំណែកជាងពាក់កណ្តាល នៃករណីសរុបកាលពីសប្តាហ៍មុន។ ប៉ុន្តែមានប្រទេសជាច្រើនទៀតនៅទូទាំងពិភពលោក ដែលកំពុងប្រឈមមុខនឹងស្ថានភាពផុយស្រួយជាទីបំផុត។
WHO កំពុងផ្តល់ឧបករណ៍និងគ្រឿងផ្គត់ផ្គង់ដូចជាម៉ាស៊ីនជំនួយខ្យល់អុកស៊ីសែន ទៅប្រទេសឥណ្ឌា ក៏ដូចជាផ្តល់ដំបូន្មានអំពីវិធីថែទាំនៅផ្ទះ ចំពោះអ្នកជំងឺដែលមិនអាចទៅព្យាបាលនៅមន្ទីរពេទ្យបានផងដែរ។
លោកលើកឡើងថា មូលនិធិរបស់ WHO ក៏កំពុងរៃអង្គាសប្រាក់ដើម្បីជួយដល់តម្រូវការអុកស៊ីសែន និងការផ្គត់ផ្គង់ដែលពាក់ព័ន្ធ នៅទូទាំងពិភពលោកផងដែរ។
ស្របពេលជាមួយគ្នានោះ លោក Tedros បានអំពាវនាវឲ្យអ្នករាល់គ្នា បន្តអនុវត្តតាមការណែនាំរបស់ WHO និងការណែនាំរបស់ប្រទេសពួកគេ ចំពោះវិធានការសុវត្ថិភាពសុខភាពសាធារណៈ។
លោកនិយាយថា “អ្វីដែលកំពុងកើតឡើងនៅក្នុងប្រទេសឥណ្ឌានិងប្រេស៊ីល អាចនឹងកើតឡើងនៅកន្លែងផ្សេង លើកលែងតែយើងទាំងអស់គ្នាអនុវត្តវិធានការប្រុងប្រយ័ត្នសុខភាពសាធារណៈ ដែល WHO បានអំពាវនាវតាំងចាប់ពីរោគរាតត្បាតផ្ទុះឡើងដំបូង។ យើងមិនអាចពឹងផ្អែកតែលើវ៉ាក់សាំង មួយមុខបាននោះទេ”។
គួរបញ្ជាក់ថា គិតត្រឹមថ្ងៃអង្គារនេះ ករណីជំងឺកូវីដ-១៩ជាសកលមានចំនួន១៥៤,១៧៧,៣៨០ករណី ស្លាប់៣,២២៦,៨៥៨នាក់ និងជាសះស្បើយ១៣១,៥៧១,៤០២នាក់៕
ប្រែសម្រួលដោយ៖ Vann Vann
ប្រភព៖ CNN
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា