មិនធម្មតា! ថ្នាំគ្រាប់ព្យាបាលកូវីដរបស់ឥណ្ឌា​ ក៏មានប្រសិទ្ធភាពខ្លាំងប្រឆាំងវីរុសបំប្លែងខ្លួនដែរ

ថ្នាំគ្រាប់ថ្មីប្រឆាំងជំងឺកូវីដ-១៩ អង្គការស្រាវជ្រាវនិងអភិវឌ្ឍន៏ការពារជាតិ (DRDO) ដែលទើបតែត្រូវបានអនុម័តដោយស្ថាប័នត្រួតពិនិត្យឱសថទូទៅនៃប្រទេសឥណ្ឌា (DCGI) គឺមានប្រសិទ្ធិភាពប្រឆាំងនឹងវីរុសកូរ៉ូណាបំប្លែងខ្លួនប្រភេទផ្សេងៗ ហើយជួយអ្នកជំងឺកូវីដ មិនចាំបាច់ដាក់អុកស៊ីសែន។ នេះបើតាមការអះអាងរបស់អ្នកវិទ្យាសាស្រ្ត DRDO។

ថ្លែងទៅកាន់គេហទំព័រ ANI, លោកវេជ្ជបណ្ឌិត Anant Narayan Bhatt អ្នកវិទ្យាសាស្ត្រនៅវិទ្យាស្ថានវេជ្ជសាស្ត្រនុយក្លេអ៊ែរនិងវិទ្យាសាស្ត្រសម្ព័ន្ធមិត្ត (INMAS-DRDO) របស់ DRDO បាននិយាយថា “នៅក្នុងដំណាក់កាលទី៣នៃការធ្វើតេស្តថ្នាំ 2-deoxy-D-glucose (2-DG) អ្នកជំងឺមួយចំនួនធំត្រូវបានសាកល្បងហើយយើងបានរកឃើញថា អ្នកជំងឺជាច្រើនមិនត្រូវការអុកស៊ីសែននោះទេ។ ថ្នាំនេះក៏មានប្រសិទ្ធភាពខ្លាំងលើវីរុសកូវីដ-១៩បំប្លែងខ្លួននានាផងដែរ”។

គួរបញ្ជាក់ថា ការអនុម័តថ្នាំនេះបានធ្វើឡើង ស្របពេលប្រទេសឥណ្ឌា កំពុងប្រយុទ្ធនឹងជំងឺរាតត្បាតកូវីដ-១៩រលកទី២ដ៏សាហាវ ដែលបានសម្លាប់មនុស្សរាប់ពាន់នាក់ជារៀងរាល់ថ្ងៃ៕

ប្រែសម្រួលដោយ៖ Vann Vann

ប្រភព៖ ANI News

ចុចអាន៖ ក្តីសង្ឃឹម! ទីបំផុត ឥណ្ឌា អនុម័តឲ្យប្រើប្រាស់ថ្នាំគ្រាប់ ព្យាបាលជំងឺកូវីដ-១៩ហើយ