អនុញ្ញាត​ភ្លាម​​ រដ្ឋ​កាលីហ្វញ៉ា​ចាប់​ផ្តើម​ចាក់​វ៉ាក់សាំង​កូវីដ​ដល់​កុមារ​​អាយុ​១២​-១៥​ឆ្នាំ
Connect with us
Helistar Cambodia - Helicopter Charter Services

កូវីដ-១៩

អនុញ្ញាត​ភ្លាម​​ រដ្ឋ​កាលីហ្វញ៉ា​ចាប់​ផ្តើម​ចាក់​វ៉ាក់សាំង​កូវីដ​ដល់​កុមារ​​អាយុ​១២​-១៥​ឆ្នាំ

បានផុស

នៅ

រដ្ឋ​កាលីហ្វញ៉ា សហរដ្ឋ​អាមេរិក​នឹង​ចាប់​ផ្តើម​ចាក់​វ៉ាក់សាំង​ដល់​កុមារ​អាយុ​១២​ឆ្នាំ​ដល់​១៥​ឆ្នាំ​នៅ​ថ្ងៃ​ព្រហស្បតិ៍ ស្អែកនេះ​​​។ នេះ​បើ​តាម​មន្ត្រី​សុខាភិបាល​និយាយ​នៅ​ថ្ងៃ​អង្គារ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកាស​​ពី​ផែន​ការ​ចាក់​​នេះ​បាន​ធ្វើ​ឡើង​ បន្ទាប់​ពី​រដ្ឋបាល​ចំណី​អាហារ និង​ឱសថ​អាមេរិក​​បាន​អនុញ្ញាត​ពង្រីក​ការ​ប្រើ​ប្រាស់​វ៉ាក់សាំង Pfizer ការពារ​កូវីដ-១៩​ដល់​​កុមារ​អាយុ​១២​ដល់​១៥​ឆ្នាំ។

អ្នក​ជំនាញ​ជំងឺ​ឆ្លង​រាត​ត្បាត​នៅ​នាយកដ្ឋាន​សុខភាព​សាធារណៈ​រដ្ឋ​កាលី​ហ្វញ៉ា លោក​វេជ្ជបណ្ឌិត Erica Pan មាន​ប្រសាសន៍​ថា ៖«ការ​ណាត់​ដើម្បី​ទទួល​បាន​ការ​​ចាក់​វាក់សាំង​នឹង​ធ្វើ​តាម​រយៈ​វិបសាយ MyTurn របស់​កាលីហ្វញ៉ា​ចាប់​ពី​ព្រឹក​ថ្ងៃ​ព្រសហ្បតិ៍​ទៅ។ រដ្ឋ​កំពុង​ធ្វើ​ការ​ចុះ​ឈ្មោះ​​អ្នក​ផ្តល់​សេវា និង​គ្លីនិក​បន្ថែម​ទៀត​ដើម្បី​គ្រប់​គ្រង​ចំនួន​វ៉ាក់សាំង​ដែល​ត្រូវ​បាន​ចាក់​ទៅ​មនុស្ស​វ័យ​ក្មេង។

លេខា​​ផ្នែក​សុខភាព និង​ធន​ធាន​មនុស្ស​កាលីហ្វញ៉ា លោក​វេជ្ជបណ្ឌិត​ Mark Ghaly កត់​សំគាល់​ថា មនុស្ស​វ័យ​ក្មេង​​ក៏​ប្រហែល​ជា​ទទួល​រង​ផល​រំខាន និង​បញ្ហា​តិច​តួច​ពី​ការ​ចាក់វ៉ាក់សាំង​ដូច​ជា អស់​កម្លាំង ក្តៅ​ខ្លួន និង​ឈឺ​ក្បាល​ជា​ដើម។ អាការ​ទាំង​នេះ​លោក​ហៅ​ថា ជា​រឿង​ធម្មតា ដូច​ដែល​កើត​មាន​ចំពោះ​មនុស្ស​ធំ​ដែរ។

រដ្ឋ​កាលី​ហ្វញ៉ា​​ក៏​​បាន​កំពុង​បង្កើន​កិច្ច​ខំ​ប្រឹង​ប្រែង​​បន្ថែម​ទៀត​ចំពោះ​យុទ្ធនាការណ៍​ចាក់​វ៉ាក់សាំង​របស់​ខ្លួន​ដោយ​បាន​ចាប់​ដៃ​គូ​ជា​មួយ​អ្នក​មាន​ឥទ្ធិពល​ បុគ្គល​ល្បី​ៗ មេ​ដឹក​នាំ​ដែល​អ្នក​គាំទ្រ​ជឿ​ជាក់ មេ​ដឹក​នាំ​សហគមន៍ និង​នាយក​សាលា​ជា​ដើម​​ដើម្បី​ជំរុញ​លើក​ទឹក​ចិត្ត​ឲ្យ​មនុស្ស​ទៅ​ចាក់​វ៉ាក់សាំង។

កាល​ពី​ថ្ងៃ​ចន្ទ ដើម​សប្តាហ៍​នេះ Pfizer បាន​ក្លាយ​ជា​វ៉ាក់សាំងទី​១​នៅ​អាមេរិក​ដែល FDA ​​​អនុញ្ញាត​​​ប្រើ​​​​បន្ទាន់​ដល់​កុមារ​អាយុ១២​ដល់១៥ឆ្នាំ។

វា​ជា​វ៉ាក់សាំង​ការពារកូវីដ-១៩​ទី​មួយ​នៅ​សហរដ្ឋ​អាមេរិក​​​បាន​អនុញ្ញាត​ឲ្យ​ប្រើ​ប្រាស់​បន្ទាន់​សម្រាប់​កុមារ​អាយុ​១២​​ឆ្នាំ​ដល់​១៥​ឆ្នាំ។ កន្លង​មក​​អាមេរិក​បាន​អនុញ្ញាត​ឲ្យ​ប្រើ​ប្រាស់​បន្ទាន់​វ៉ាក់សាំង​កូវីដ-១៩​សម្រាប់​មនុស្ស​អាយុ​​​​១៦​ឆ្នាំ​​ឡើង​។ សម្រាប់​វ៉ាក់សាំង​ Moderna និង​ Johnson & Johnson ត្រូវ​បាន​អនុញ្ញាត​ឲ្យ​ប្រើ​ប្រាស់​បន្ទាន់​សម្រាប់​មនុស្ស​អាយុ​១៨​ឆ្នាំ​ឡើង។

ដើម្បី​គាំទ្រ​ដល់​ការ​ពង្រីក​ប្រើ​ប្រាស់​នេះ FDA បាន​ត្រួត​ពិនិត្យ​មើល​ទិន្នន័យ​ដែល​ដាក់​ដោយ​ក្រុម​ហ៊ុន Pfizer។ ក្រុម​ហ៊ុន​​បាន​និយាយ​កាល​ពិ​ចុង​ខែ​មីនា​ថា ការ​សាកល្បង​​លើ​មនុស្ស​អាយុ​១២ ​ដល់​១៥​ឆ្នាំ​ចំនួន​២២៦០​នាក់​បាន​បង្ហាញ​ថា​ វ៉ាក់សាំង​របស់​ខ្លួន​មាន​ប្រសិទ្ធភាព​១០០​% និង​មាន​ភាព​ធន់​ខ្លាំង​ថែម​ទៀត។

លោក​វេជ្ជបណ្ឌិត​ Peter Marks នាយកមជ្ឈមណ្ឌល​ស្រាវ​ជ្រាវ និង​វាយ​តម្លៃ​ជីវសាស្ត្រ​របស់​FDA បាន​និយាយ​ថា ៖«វា​ជា​ការ​សម្រេច​ចិត្ត​ដោយ​ត្រង់​​មួយ»។

រដ្ឋបាល​ចំណី​អាហារ និង​ឱសថ​អាមេរិក​បាន​ពិនិត្យ​មើល​ពីទិន្នន័យ​​សុវត្ថិភាព និងប្រសិទ្ធភាព​របស់ Pfizer។ រដ្ឋបាល​ក៏​បាន​ពិនិត្យ​មើល​ប្រព័ន្ធ​ប្រតិកម្ម​នៃ​ភាពស៊ាំទៅ​លើ​កុមារ​មួយ​ចំនួន​ដែល​បាន​ចាក់​​រួច​ និង​ប្រៀប​ធៀប​​ជា​មួយ​ប្រព័ន្ធ​ប្រតិកម្ម​នៃ​ភាពស៊ាំរបស់​មនុស្ស​វ័យ​ជំទង់ និង​មនុស្ស​ធំ​ដែល​ចាក់​រួច។

លោក Marks ប្រាប់​ថា ៖«ប្រតិកម្ម​​ភាពស៊ាំ​​របស់​វ៉ាក់សាំង​នេះ​ពិត​ជា​ល្អ​ណាស់ ហើយ​តាម​ពិត​ទៅ​ វា​ពិត​ជា​ល្អ​ ល្អ​ខ្លាំង​​ជាង​​វ៉ាក់សាំង​សម្រាប់​ក្រុម​មនុស្ស​អាយុ​ពី​១៦​​ទៅ​២៥​ឆ្នាំ​ថែម​ទៀត។ ចំពោះ​ទម្រង់​សុវត្ថិភាព​​​​វ៉ាក់សាំង​សម្រាប់​កុមារ​អាយុ​១២​ទៅ​១៥​ឆ្នាំ​គឺ​ប្រហាក់​ប្រហែល​គ្នា​នឹង​​នឹង​វ៉ាក់សាំង​សម្រាប់​មនុស្ស​​អាយុ​១៦​ទៅ​២៥​ឆ្នាំ»។

ស្នងការ​ស្តីទីរបស់ FDA លោក​វេជ្ជបណ្ឌិត​ Janet Woodcock ប្រាប់​អ្នក​កាសែត​​ថា ៖«FDA ធ្វើ​អ្វី​គ្រប់​យ៉ាង​​​ដើម្បី​ឲ្យ​យើង​អាច​ធានា​​បាន​ថា វ៉ាក់សាំង​បង្ការ​កូវីដ-១៩​​ដែល​យើង​បាន​អនុញ្ញាត​គឺ​ត្រូវ​តាម​ស្តង់ដារ​កម្រិត​ខ្ពស់​របស់​រដ្ឋបាល​សម្រាប់​គុណភាព សុវត្ថិភាព និង​ ប្រសិទ្ធភាព»។

«យើង​ដឹង​ហើយ​ថា រាល់​​ពេល​​ជន​ជាតិ​អាមេរិក​ម្នាក់ រាប់​បញ្ចូល​ទាំង​សមាជិក​នៃ​ក្រុម​គ្រួសារ​​ផ្ទាល់​ខ្លួន​របស់​យើង​ផង​ដែល​ទទួល​ការ​ចាក់​វ៉ាក់សាំង ពួក​គាត់​ទុក​ចិត្ត​លើ​ពួក​យើង​»៕

អាន​បន្ថែម៖ ទី​បំផុត អាមេរិក អនុញ្ញាត​ឲ្យ​ចាក់​វ៉ាក់សាំង Pfizer សម្រាប់​កុមារ​អាយុ​១២​ទៅ​១៥​ឆ្នាំ​

ប្រែ​សម្រួល៖ វីរបុត្រ
ប្រភព៖ CNN

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ខេត្តឧត្ដរមានជ័យ ប្រកាស​រក​ឃើញ​ករណី​កូ​វីដ​-១៩ ចំនួន​០៧​ករណី​បន្ថែម​ទៀត ជា​ករណី​នាំចូល​ពីថៃ​​

កូវីដ-១៩៤ ម៉ោង មុន

​បាត់ដំបង​ថ្ងៃនេះ បន្ត​រក​ឃើញ​អ្នក​វិជ្ជមាន​កូ​វីដ​-១៩ ចំនួន ២៣ នាក់ និង​មាន​អ្នកជា​សះស្បើយ​ចំនួន ២១ នាក់

ព័ត៌មានជាតិ៤ ម៉ោង មុន

បេក្ខជន​ឈរឈ្មោះ​ទាំងអស់​ត្រូវ​តែ​មាន​លក្ខ​ណៈ​សម្បត្តិ និង​ប្រជា​ប្រិយភាព ទាំង​សុខភាព និង​ទាំង​សមត្ថភាព

ព័ត៌មានជាតិ៥ ម៉ោង មុន

រដ្ឋមន្ត្រីការបរទេស​អង់គ្លេស នឹង​បំពេញ​ទស្សនកិច្ច​ផ្លូវការ​រយៈពេល​២​ថ្ងៃ​នៅ​កម្ពុជា

កូវីដ-១៩៥ ម៉ោង មុន

ខេត្ត​សៀមរាប ​រក​ឃើញពលករពីរនាក់​ឆ្លង​កូវីដ១៩ ​បំប្លែងខ្លួន​ថ្មី​ពីឥណ្ឌា​

Sokha Hotels

ព័ត៌មានពេញនិយម

Helistar Cambodia - Helicopter Charter Services