លោកជំទាវ ឱ វណ្ណឌីន ប្រាប់ពីរោគសញ្ញាកូវីដធម្មតា និងវីរុសបំប្លែងខ្លួន

នៅក្នុងបទសម្ភាសន៍ ជាមួយសារព័ត៌មាន BTV កាលពីថ្ងៃទី ១១ ឧសភា ឆ្នាំ២០២១ លោកជំទាវ ឱ វណ្ណឌីន រដ្ឋលេខាធិការនៃក្រសួងសុខាភិបាល បានបញ្ជាក់អំពីរោគសញ្ញានិងភាពខុសគ្នានៃវីរុសបំប្លែងខ្លួនថ្មី ដែលឆ្លងរាលដាលលឿនជាងវីរុសកូវីដ-១៩ទៅទៀត។

លោកស្រីវេជ្ជបណ្ឌិតរូបនេះ បានប្រាប់ច្បាស់អំពីរោគសញ្ញានៃវីរុសបំប្លែងខ្លួនថ្មីថា វីរុសនេះមានអាការរោគមិនខុសគ្នាពីជំងឺកូវីដ-១៩ប៉ុន្មានឡើយ តែអ្វីដែលអ្វីមិនដូចគ្នាគឺល្បឿននៃការចម្លង។

លោកស្រីមានប្រសាសន៍ថា “វីរុសកូវីដ-១៩ ដែលបំប្លែងថ្មីមានស្ថានភាពរោគសញ្ញាមិនខុសពីវីរុសមុនៗនោះទេ ប៉ុន្តែអ្វីជាការខុសគ្នានោះគឺល្បឿននៃការឆ្លង និង បម្រែបម្រួលការវាយលុយទៅក្នុងសរីរាង្គរបស់អ្នកជំងឺ”។ ការបំប្លែងខ្លួនរបស់វីរុសបំប្លែងថ្មីនេះ គឺជាការប្រែប្រួលនូវរូបរាងរបស់វីរុស (Spike Protein) ដែលវាបង្កភាពងាយស្រួលហើយរហ័សពេលឆ្លងនៅក្នុងរាងកាយ។

គិតចាប់ពីថ្ងៃ ២៧ មេសា ដល់ថ្ងៃទី ០៤ ឧសភា ២០២១ វីរុសកូវីដ-១៩ បានបំប្លែងខ្លួនដល់ ៧០ ប្រភេទហើយ។ នេះបើតាមការបញ្ជាក់បន្ថែមពីលោកជំទាវវេជ្ជបណ្ឌិត ឱ វណ្ណឌីន។ ក្នុងនោះវីរុសបំប្លែងខ្លួនថ្មី ដែលមានប្រភពមកពីប្រទេសឥណ្ឌា មានល្បឿននៃការឆ្លងលឿនខ្លាំងបំផុត។ ​ដូច្នេះដើម្បីការពារសុវត្ថិភាពរបស់ខ្លួន ពលរដ្ឋគ្រប់គ្នាត្រូវប្រកាន់ខ្ជាប់គោលការណ៍ ៣កុំ ៣ការពារ កុំធ្វេសប្រហែសឱ្យសោះ៕

អត្ថបទ៖ សន្យា

ចុចអាន៖ ចំណុច​សំខាន់ៗ​គួរ​ដឹង​ពី​វីរុស​កូវីដ​បំប្លែង​ខ្លួន​ឥណ្ឌា​ដែល​កំពុង​ផ្ទុះ​ខ្លាំង និង​ភ័យ​ខ្លាច​ទូទាំង​ពិភពលោក

ចុចអាន៖ កត់សម្គាល់ភាពខុសគ្នារវាងរោគសញ្ញាកូវីដ-១៩ និងកូវីដបំប្លែងខ្លួនថ្មី

ចុចអាន៖ វ៉ាក់សាំងកូវីដ-១៩ អាចការពារសុខភាពយើងពីវីរុសបំប្លែងខ្លួនទេ?