កូវីដ-១៩
ទុក្ខជាន់ទុក្ខ! កំពុងកូវីដផង ឥណ្ឌា ជួបព្យុះស៊ីក្លូនខ្លាំងបំផុត សម្លាប់និងជម្លៀសមនុស្សរាប់ម៉ឺននាក់ទៀត
រដ្ឋ Gujarat ភាគខាងលិចប្រទេសឥណ្ឌា កំពុងប្រឈមមុខទទួលព្យុះស៊ីក្លូន Tauktae ដែលត្រូវបានគេរាយការណ៍ថាជាព្យុះខ្លាំងបំផុត ដែលវាយប្រហារតំបន់នេះចាប់តាំងពីឆ្នាំ១៩៩៨មក។
មានមនុស្សចំនួន៦នាក់ហើយ បានស្លាប់និងរាប់ម៉ឺននាក់បានជម្លៀសចេញ ក្នុងរយៈពេលពីរថ្ងៃចុងក្រោយនេះ ស្របពេលមានភ្លៀងធ្លាក់ខ្លាំងអមជាមួយខ្យល់ព្យុះ។
ព្យុះស៊ីក្លូននេះ បានកើតឡើងចំពេលរលកទី២ដ៏សាហាវនៃជំងឺកូវីដ-១៩ កំពុងវាយប្រហារប្រព័ន្ធសុខាភិបាលរបស់ប្រទេសឥណ្ឌា។
ព្យុះ Tauktae ត្រូវបានគេរំពឹងថានឹងបណ្តាលឲ្យមានការបាក់ដី ក្នុងរដ្ឋ Gujarat នៅយប់ថ្ងៃចន្ទនេះ ជាមួយនឹងល្បឿនខ្យល់រហូតដល់១៦០គីឡូម៉ែត្រក្នុងមួយម៉ោង។
ទាំងរដ្ឋ Gujarat និងរដ្ឋនៅជិតខាងគឺ Maharashtra កំពុងស្ថិតក្នុងការប្រុងជើងការខ្ពស់។
ប្រជាជនជាង១៥ម៉ឺននាក់នៅក្នុងតំបន់ទំនាបរបស់រដ្ឋ ត្រូវបានផ្លាស់ទៅទីទួលសុវត្ថិភាពរួចទៅហើយ ប៉ុន្តែវាបង្កឲ្យមានការភ័យខ្លាចអំពីការផ្ទុះឡើងនៃជំងឺកូវីដ-១៩ ក្នុងរយៈពេលប៉ុន្មានសប្តាហ៍ខាងមុខនេះ។ រដ្ឋាភិបាលសហព័ន្ធ ក៏បានបញ្ជាឲ្យផ្អាកយុទ្ធនាការចាក់វ៉ាក់សាំង នៅក្នុងទីក្រុងឆ្នេរជាច្រើនដែលត្រូវបានគេជឿថាមានគ្រោះថ្នាក់ផងដែរ។
ទីក្រុង Mumbai ក៏បាននិយាយផងដែរថា អាកាសយានដ្ឋានរបស់ខ្លួន នឹងត្រូវបិទនៅចន្លោះម៉ោង១១ដល់ម៉ោង១៤រសៀល។
ក្រុមមន្រ្តីបានណែនាំឲ្យប្រជាជនស្នាក់នៅក្នុងផ្ទះ ព្រោះពួកគេព្យាករថា ភ្លៀងធ្លាក់ឥតឈប់ឈរនិងខ្យល់បក់ខ្លាំង នឹងបណ្តាលឲ្យផ្លូវជន់លិចទឹក បង្គោលភ្លើងដួលរលំនិងបំបាក់ដើមឈើ។
ទូកនេសាទរាប់ពាន់គ្រឿងនៅឆ្នេរសមុទ្រនៃរដ្ឋទាំងពីរ បានវិលត្រឡប់មកកំពង់ផែវិញហើយ ខណៈកប៉ាល់ដឹកទំនិញរាប់រយគ្រឿងត្រូវបានស្នើសុំឲ្យបង្វែទិសដៅ៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ កំពុងរងទុក្ខដោយសារកូវីដ ពេលនេះឥណ្ឌា ជួបព្យុះស៊ីក្លូនដ៏ខ្លាំងមួយទៀត
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល