កូវីដ-១៩

ថ្ងៃនេះ! ខេត្តកំពង់ស្ពឺ មានអ្នកជំងឺកូវីដ-១៩ ចំនួន ៣៩នាក់បានជាសះស្បើយបន្ថែមទៀត

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

អ្នកជំងឺកូវីដ-១៩ ចំនួន ៣៩នាក់ ក្នុងខេត្តកំពង់ស្ពឺ បានជាសះស្បើយជាបន្តបន្ទាប់ នៅថ្ងៃទី២០ ខែឧសភា ឆ្នាំ២០២១នេះ ស្របពេលអ្នកឆ្លងចុងក្រោយនេះ ភាគច្រើនជាកម្មករ កម្មការិនីរោងចក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃនេះដែរ ឯកឧត្តម យឹម សុខុម ប្រធានក្រុមប្រឹក្សាខេត្តកំពង់ស្ពឺ និងឯកឧត្តម វ៉ី សំណាង អភិបាលខេត្តបានដឹកនាំមន្ត្រីក្រោមឱវាត់ចូលរួមអបអរសាទរជាមួយបងប្អូនប្រជាពលរដ្ឋ ដែលបានជាសះស្បើយ ពីជំងឺកូវីដ-១៩ ទាំង ៣៩នាក់នោះផងដែរ។ ការជាសះស្បើយរបស់បងប្អូនប្រជាពលរដ្ឋដែលផ្ទុកវីរុសកូវីដ-១៩នេះ គឺមានការយកចិត្តទុកដាក់ពីអាជ្ញាធរ និងក្រុមគ្រូពេទ្យជួរមុខនៅមណ្ឌលព្យាបាល អភិវឌ្ឍន៍ជនបទកម្ពុជា-កូរ៉េ ស្ថិតក្នុងសង្កាត់-ក្រុងច្បារមន ខេត្តកំពង់ស្ពឺ។

ឯកឧត្តម វ៉ី សំណាង អភិបាលខេត្តកំពង់ស្ពឺ បានលើកឡើងថា ក្នុងនាមរដ្ឋបាលខេត្ត និងនាមលោកផ្ទាល់សូមចូលរួមអបអរសាទរជាមួយបងប្អូនអ្នកខេត្តកំពង់ស្ពឺរបស់យើង ដែលជាសះស្បើយពីជំងឺកូវីដ-១៩ ចំនួន៣៨នាក់ ក្នុងចំណោមអ្នកជំងឺកូវីដ ២១៤នាក់។ អភិបាលខេត្តកំពង់ស្ពឺ បានទទូចដល់បងប្អូនដែលជាសះស្បើយនៅថ្ងៃនេះ ត្រូវបន្តធ្វើចត្តាឡីស័កនៅផ្ទះរយៈពេល ១៤ថ្ងៃបន្ថែមទៀត។ ឯកឧត្តម វ៉ី សំណាង បានបន្ថែមថា ក្នុងករណីមានការសង្ស័យសូមប្រញាប់ផ្ដល់ព័ត៌មានមកអាជ្ញាធរឬក៏សេវាសាធារណៈរបស់រដ្ឋ ដែលនៅជិតបងប្អូនរស់នៅបំផុត និងអនុវត្តជាប្រចាំនូវវិធានការសុខាភិបាល «៣ការពារ ៣កុំ» ដើម្បីខ្លួនយើងជៀសផុតពីជំងឺដ៏កាចសាហាវនេះ ។

អភិបាលខេត្តកំពង់ស្ពឺ បានអំពាវនាវដល់សូមបងប្អូនដែលបានប៉ះពាល់ផ្ទាល់ ឬប្រយោលជាមួយ បុគ្គលខាងលើ សូមដាក់ខ្លួនឱ្យនៅដាច់ដោយឡែក តាមដានពិនិត្យសុខភាព និងទំទាក់ទំទងមកអាជ្ញាធរមូលដ្ឋានជាបន្ទាន់ ដើម្បីយកសំណាក់ នៅមន្ទីរពេទ្យបង្អែក៕

អត្ថបទ៖ ភួង រដ្ឋា

សូមចុចអាន៖ បងប្អូនកុំយល់ច្រឡំ បើកផ្សារឡើងវិញនៅថ្ងៃ ២៤ ឧសភានេះ បានតែផ្នែកគ្រឿងម្ហូបអាហារតែប៉ុណ្ណោះ