កូវីដ-១៩

ប្រយ័ត្នខ្លួនបន្ថែម! គ្រូពេទ្យជំនាញព្រមានថា ទោះអ្នកជាសះស្បើយពីកូវីដ តែបើមានជំងឺរ៉ាំរ៉ៃប្រចាំកាយ ងាយនឹងឆ្លងម្ដងទៀត ហើយអាចធ្ងន់ធ្ងរជាងមុន

បានផុស

៥ years មុន

នៅ

ថ្ងៃចន្ទ ២៤ ឧសភា ២០២១

ដោយ

ការសិក្សាមួយដែលត្រូវបានចេញផ្សាយដោយ GeroScience បានរកឃើញថាអ្នកជំងឺលើសពី ១ នាក់ ក្នុងចំណោម ១០ នាក់ ក្រោយជាសះស្បើយបានឆ្លងជំងឺកូវីដម្ដងទៀត ក្នុងរយៈពេល ៣០ ថ្ងៃ ដោយសារពួកគេមានជំងឺប្រចាំកាយកំពុងរាលដាលស្រាប់ ហើយអាចនឹងធ្ងន់ធ្ងរជាងមុនទៅទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវបាននិយាយថា ច្រើនជាង ៤០% នៃអ្នកជំងឺដែលត្រូវមកព្យាបាលនៅមន្ទីរពេទ្យជាលើកទី ២ បន្ទាប់ពីការឆ្លងមេរោគកូវីដ ធ្លាប់មានប្រវត្តិនៃជំងឺដូចជា សរសៃប្រសាទ ជំងឺឆ្កួតជ្រូក ជំងឺដាច់សរសៃឈាមខួរក្បាល ជំងឺវង្វេងវង្វាន់ ឈឺក្បាលប្រកាំង ជំងឺក្រិនឆ្អឹងខ្នងនិងជំងឺសរសៃប្រសាទ។

លោក Eric Liotta សហអ្នកនិពន្ធសិក្សាបាននិយាយនៅក្នុងសេចក្ដីប្រកាសព័ត៌មានមួយថា យើងមានការភ្ញាក់ផ្អើលដែលបានរកឃើញថា ប្រវត្តិនៃជំងឺសរសៃប្រសាទគឺមានតែស្ថានភាពសុខភាពនៃការឆ្លងលើកទីមួយមុនប៉ុណ្ណោះ ហើយបានព្យាករណ៍ពីការកើនឡើងហានិភ័យនៃផលវិបាកព្យាបាលនៅមន្ទីរពេទ្យជាលើកទីពីរ។

សាកលវិទ្យាល័យ Johns Hopkins បាននិយាយថា មនុស្សជាង ៣៣.១ លាននាក់នៅសហរដ្ឋអាមេរិក បានធ្វើរោគវិនិច្ឆ័យមានជំងឺកូវីដចាប់តាំងពីចាប់ផ្ដើមមានរាតត្បាតនេះ ហើយមនុស្សជិត ៥៩០,០០០ នាក់បានស្លាប់ដោយសារជំងឺ ។ ប្រហែល ១៤% នៃអ្នកដែលបានជាសះស្បើយពីវីរុស នៅតែបន្តមានរោគសញ្ញាមិនចេះចប់រហូតដល់ ៩ ខែ នេះបើយោងតាមការស្រាវជ្រាវមួយដែលចេញផ្សាយដោយ JAMA Network Open កាលពីខែកុម្ភៈ ។

សូម្បីតែអ្នកដែលមានជំងឺស្រាលៗ ដំបូង បន្ទាប់ពីឆ្លងរោគ ជាពិសេសមនុស្សវ័យចំណាស់និងអ្នកដែលមានបញ្ហាសុខភាពរ៉ាំរ៉ៃ ក៏ត្រូវការការថែទាំជាបន្តនិងរាប់ខែ ដោយផ្អែកលើទិន្នន័យដែលបានចេញផ្សាយក្នុងខែមេសា ដោយមជ្ឈមណ្ឌលត្រួតពិនិត្យនិងបង្ការជំងឺ (CDC)។

ដោយឡែកសម្រាប់ការកើតឡើងវិញនៃរោគសញ្ញាកូវីដក្នុងរាងកាយម្ដងទៀត ដូចជា ដង្ហើមខ្លី ហត់នឿយ គ្រុនក្ដៅនិងពិបាកដកដង្ហើម គឺជាមូលហេតុនាំមុខគេ។ អ្នកជំងឺវ័យចំណាស់និងអ្នកដែលមានជំងឺទឹកនោមផ្អែម ជំងឺស្ទះសួតរ៉ាំរ៉ៃឬប្រវត្តិនៃការប្ដូរសរីរាង្គ គឺចូលមន្ទីរពេទ្យញឹកញាប់ដូចគ្នា។

ចំណែកអ្នកជំងឺដែលមានប្រវត្តិនៃជំងឺសរសៃប្រសាទ មុនពេលឆ្លងកូវីដក៏មានហានិភ័យខ្ពស់ក្នុងការវិលត្រឡប់ទៅមន្ទីរពេទ្យម្ដងទៀត បើធៀបនឹងអ្នកដែលមិនមានលក្ខខណ្ឌជំងឺទាំងនេះជាប់រាងកាយ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖កំហុសឆ្គងមួយចំនួននៃការប្រើជែលលាងសំអាតដៃខុស ជាពិសេសក្នុងអំឡុងកូវីដ

ចុចអាន៖គេចមិនផុតឡើយ! ត្រឹមមួយឆ្នាំ ២០២០ អ្នកស្លាប់ដោយកូវីដក្នុងប្រទេសអ្នកមានៗជិត ១ លាននាក់ មហាអំណាចអាមេរិកស្ថិតនៅលើគេ