កូវីដ-១៩

ខេត្តកំពតប្រកាសរកឃើញអ្នកឆ្លងជំងឺកូវីដ១៩ថ្មី ៥៨នាក់ បន្ថែមទៀត

បានផុស

៥ years មុន

នៅ

ថ្ងៃសៅរ៍ ៥ មិថុនា ២០២១

ដោយ

រដ្ឋបាលខេត្តកំពតបានប្រកាសរកឃើញករណីវិជ្ជមានកូវីដ១៩ចំនួន៥៨នាក់ បន្ថែមទៀតស្រី២២នាក់ នៅថ្ងៃទី៥ ខែមិថុនា ឆ្នាំ២០២១ ដែលភាគច្រើនជាកសិករនិងបុគ្គលិកខេធីវី។

យោងតាមសេចក្តីជួនដំណឹងរបស់រដ្ឋបាលខេត្តកំពតចុះថ្ងៃទី០៥មិថុនានេះបានឲ្យដឹងថា ក្នុងចំណោមករណីអ្នកឆ្លងចំនួន៥៨នាក់នោះក្នុងនោះមាន ជាកសិករចំនួន៤៩នាក់ អាជីវករលក់គ្រឿងសំណង់១នាក់និងបុគ្គលិក ខេ ធី វី រ៉ូយ៉ាល់ចំនួន៨នាក់។

បន្ទាប់ពីមានករណីឆ្លងជំងឺកូវីដ-១៩ ជាច្រើននាក់ ភូមិសាស្ត្រច្រកទ្វារព្រំដែន រដ្ឋបាលខេត្តកំពត បានសម្រេចផ្អាកអាជីវកម្ម កាស៊ីណូ នានា ដែលស្ថិតក្នុងច្រកទ្វារព្រំដែន ដូចជាកាស៊ីណូ ច្រកទ្វារទ្វេភាគី តន់ហន់ ឃុំព្រែកក្រឹស ស្រុកកំពង់ត្រាចមួយកន្លែង និងកាស៊ីណូ ចំនួន២កន្លែងទៀត នៅច្រកទ្វារព្រំដែនអន្តរជាតិព្រែកចាក ក្នុងភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ខេត្តកំពត នៅរសៀលថ្ងៃទី៣០ ខែឧសភា ឆ្នាំ២០២១ នេះ។

ជាមួយគ្នានេះដែរ រដ្ឋបាលខេត្តកំពត ក៏បានបិទផ្អាកការលក់ដូរផ្សារ ព្រែកក្រឹស រយៈពេល១៤ថ្ងៃផងដែរ៕

ដោយ ៖ សំអឿន