កូវីដ-១៩

សាលាក្រុងប្រកាសឱ្យពលរដ្ឋនៅខណ្ឌដូនពេញ ខណ្ឌជ្រោយចង្វារនិងខណ្ឌព្រែកព្នៅរួសរាន់ទៅចាក់វ៉ាក់សាំងចាប់ពីស្អែកនេះតទៅ

បានផុស

៥ years មុន

នៅ

ថ្ងៃពុធ ៩ មិថុនា ២០២១

ដោយ

ភ្នំពេញ ៖ សាលារាជធានីភ្នំពេញ បានប្រកាសឱ្យបងប្អូនប្រជាពលរដ្ឋមានអាយុចាប់ពី១៨ឆ្នាំឡើងនៅដូនពេញ ខណ្ឌជ្រោយចង្វារនិងខណ្ឌព្រែកព្នៅ ប្រញាប់ទៅរួសរាន់ទៅចាក់វ៉ាក់សាំងការពារជំងឺកូវីដ ១៩នៅថ្ងៃស្អែកនេះតទៅនៅតាមទីតាំងចំនួន១៤កន្លែងផ្សេងៗ

គ្នា។

រហូតមកដល់ពេលនេះ មានខណ្ឌចំនួន១១ខណ្ឌ រួមមាន ខណ្ឌមានជ័យ, ខណ្ឌដង្កោ, ខណ្ឌកំបូល, ខណ្ឌពោធិ៍សែនជ័យ, ខណ្ឌឫស្សីកែវ ខណ្ឌទួលគោក ខណ្ឌបឹងកេងកង ខណ្ឌសែនសុខ ខណ្ឌចំការមន ខណ្ឌ៧មករានិងខណ្ឌច្បារអំពៅ ដែលមានខណ្ឌខ្លះកំពុងដំណើរការចាក់និងខណ្ឌខ្លះទៀតបានចាក់រួចហើយ។

យោងតាម សាលារាជធានីភ្នំពេញបានឱ្យដឹងថា ខណ្ឌ៣ដែលនៅសល់រួមមាន ខណ្ឌដូនពេញ ជ្រោយចង្វារនិងខណ្ឌព្រែកព្នៅសាលារាជធានីភ្នំពេញ នឹងចាក់សម្រាប់ដូសទី១ចាប់ពីថ្ងៃទី១០ដល់ថ្ងៃទី២៣ខែមិថុនានិងសម្រាប់ដូសទី២ចាប់ពីថ្ងៃទី២៥ ខែមិថុនាដល់ថ្ងៃទី៨ខែកក្កដាឆ្នាំ២០២១នៅតាមទីតាំងចំនួន១៤កន្លែងផ្សេងៗ។

ក្នុងនោះនៅខណ្ឌដូនពេញ។ពលរដ្ឋនៅសង្កាត់វត្តភ្នំនិងសង្កាត់ស្រះចក ចាក់នៅសាលាឋមសិក្សាហាំងង៉ោស្រះចក។ សង្កាត់ផ្សារកណ្តាលទី២ សង្កាត់ផ្សារថ្មីទី១ និងសង្កាត់ផ្សារចាស់ចាក់នៅសាលាបឋមសិក្សានរោត្តម។ សង្កាត់ផ្សារកណ្ដាលទី១ សង្កាត់បឹងរាំងនិងសង្កាត់ជ័យជំនះចាក់នៅអនុវិទ្យាល័យចតុមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណ្ឌជ្រោយចង្វារ ។ ពលរដ្ឋរស់នៅសង្កាត់ចតុមុខ សង្កាត់ផ្សារថ្មីទី២ និងសង្កាត់ផ្សារថ្មីទី ៣ ត្រូវចាក់នៅវិទ្យាល័យអនុវត្ត។

ខណ្ឌជ្រោយចង្វា។ពលរដ្ឋនៅសង្កាត់ព្រែកតាសេក ចាក់នៅវត្ត សេដ្ឋាវ័ន្តវ័នហៅវត្តព្រែកតាគង់ ។ សង្កាត់បាក់ខែងចាក់នៅវត្តសុរិយាពោធិមាសហៅវត្តក្តីចាស់ ។ សង្កាត់កោះដាច់ចាក់នៅមណ្ឌលសុខភាពកោះដាច់។ សង្កាត់ជ្រោយចង្វាចាក់នៅមណ្ឌលសុខភាពជ្រោយចង្វារ សង្កាត់ព្រែកលាបចាក់នៅផ្សារ ocic។

ខណ្ឌព្រែកព្នៅ ។ ពលរដ្ឋនៅ សង្កាត់ព្រែកព្នៅចាក់នៅអនុវិទ្យាល័យព្រែកព្នៅ ។ សង្កាត់សំរោងចាក់នៅមណ្ឌលសុខភាពសំរោង។ សង្កាត់ពញាពន់ចាក់នៅមណ្ឌលសុខភាពពញ្ញាពន់ ។ សង្កាត់

ពន្សាំងចាក់នៅសាលាបឋមសិក្សាបឹងប្រិយនិងសង្កាត់គោករការចាក់នៅមណ្ឌលសុខភាពគោករកា។

បើតាមសាលារាជធានីភ្នំពេញដើម្បីជំរុញការចាក់វ៉ាក់សាំងឲ្យបានលឿននិងឆាប់រហ័សសម្រាប់ប្រជាពលរដ្ឋដែលមានអាយុចាប់ពី ១៨ ឆ្នាំឡើងទៅរាជរដ្ឋាភិបាលកម្ពុជាបានដាក់ចេញនូវយុទ្ធនាការជាតិចាក់វ៉ាក់សាំងការពារជំងឺកូវីដ១៩ ដោយប្រើប្រាស់កម្លាំងសរុបនិងមធ្យោបាយសរុបរបស់ជាតិសំដៅបង្កើតឲ្យមានភាពស៊ាំសហគមន៍ទប់ទល់នឹងការឆ្លងរាលដាលនៃជំងឺកូវីដ ១៩។

បើតាមលោក ស្រី វេជ្ជបណ្ឌិត ឱ វណ្ណឌីនរដ្ឋលេខាធិការនិងជាអ្នកនាំពាក្យក្រសួងសុខាភិបាលនិងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩(គ.វ.ក១៩)បានរំពឹងថានៅរាជធានីភ្នំពេញនឹងបញ្ចប់ការចាក់វ៉ាក់សាំងការពារជំងឺកូវីដ១៩នៅខែកក្កដាខាងមុខ។

លោក ស្រី បាន មានប្រសាសន៍ថា «ខ្ញុំរំពឹងថានឹងអាចចាក់អស់គ្រប់បុគ្គលដែលមានអាយុចាប់ពី១៨ឆ្នាំឡើងនៅរាជធានីភ្នំពេញ សម្រាប់ដូសទី១ នៅដំណាច់ខែមិថុនានេះហើយឈានទៅបញ្ចប់ការចាក់ដូសទីពីរនៅខែកក្កដាខាងមុខនេះហើយ»៕

ដោយ ៖ សំអឿន