Connect with us

កូវីដ-១៩

រដ្ឋបាល​ខេត្ត​បន្ទាយមានជ័យ​ថ្ងៃទី​២៥​នេះ ​រកឃើញ​អ្នក​វិជ្ជមាន​ជំងឺ​កូ​វីដ១៩ ​មាន​ចំនួន​៤៨​នាក់

បានផុស

នៅ

បន្ទាយមានជ័យ ៖ រដ្ឋបាលខេត្ត​បន្ទាយមានជ័យ នៅ​ថ្ងៃទី​២៥ ខែមិថុនា ឆ្នាំ​២០២១​នេះ បាន​ប្រកាស​រក​ឃើញ​មនុស្ស​ចំនួន​៤៨​នាក់​បន្ថែម​ទៀត ឆ្លង​ជំងឺ​កូ​វីដ​១៩ ដែល​ទើប​រក​ឃើញ​ថ្មី ដែល​ប្រកាស​ដោយ​ក្រសួងសុខាភិបាល​ តែ​ក្នុង​នោះ​បានជា​សះស្បើយ​មាន​ចំនួន​១០៧​នាក់ អ្នក​ឆ្លង​កូ​វីដ១៩ ចំនួន​៤៨​នាក់​ភាគច្រើន​ប្រជាពលរដ្ឋ​រស់នៅ​ក្រុង​ប៉ោយប៉ែត ស្រុក​ថ្មពួក និង​ស្រុក​មង្គល​បូរី​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាល​ខេត្ត​បន្ទាយមានជ័យ​បាន​បញ្ជាក់​ឲ្យ​ដឹង​បន្ត​ទៀត​ថា គ្រូពេទ្យ​ជួរមុខ​បាន​យក​សំណាក​ប្រជាពលរដ្ឋ​រស់នៅ​ក្រុង​ប៉ោយប៉ែត ស្រុក​ថ្មពួក និង​ស្រុក​មង្គល​បូរី​វិភាគ​ដោយ​ឧបករណ៍​តេស្ត​រហ័ស​ដោយ​រក​ឃើញ​វិជ្ជមាន​ចំនួន​៤៥​នាក់​។

រដ្ឋបាលខេត្ត​សូម​ជម្រាបជូន​ដល់​បងប្អូន​ប្រជាពលរដ្ឋ​និង​សាធារណជន​ដែល​បាន​ប៉ះពាល់​ដោយផ្ទាល់​សូម​រួសរាន់​មក​ជួប​ក្រុម​គ្រូពេទ្យ​និង​ធ្វើ​ច​ត្តា​ឡី​ស័ក​ដើម្បី​យក​សំណាក​ទៅ​ពិនិត្យ​។ និង​អ្នក​ប៉ះពាល់​ដោយ​ប្រយោល​ជាមួយ​អ្នក​វិជ្ជមាន​ជំងឺ​កូ​វីដ១៩​ទាំង៤៨​នាក់​នេះ ​សូម​រួសរាន់​ធ្វើ​ចត្តាឡីស័ក​នៅ​តាម​ផ្ទះ​ក្នុង​ក្រុម​គ្រួសារ​រៀង​រាង​ខ្លួន​ដោយ​មិន​ត្រូវ​ពាក់ព័ន្ធ​នឹង​ប៉ះពាល់​ជាមួយ​អ្នកដទៃ​ជាដាច់ខាត​។

ក្នុងករណី​មានការ​ប្រែប្រួល​សុខភាព​ខុសពី​ប្រក្រតី​ដូចជា​ឡើង​កំដៅ​លើស​ពី​៣៧ អង្សា​សេ​ក្អក កណ្ដាស ហៀ​សំបោរ ឈឺបំពង់ក មាន​កំហាក ថប់ដង្ហើម ត្រូវ​ប្រញាប់​ទំនាក់ទំនង​ទៅ​ក្រុម​ឆ្លើយតប​បន្ទាន់​នៃ​មន្ទីរ​សុខាភិបាល​នៃ​រដ្ឋបាល​ខេត្ត​ ឬ ​មន្ទីរពេទ្យ​ខេត្ត ក្រុង ស្រុក ឬ​មណ្ឌល​សុខភាព​ឃុំ សង្កាត់​និង​អាជ្ញាធរ​មូលដ្ឋាន​ជាដើម​៕​

ដោយ ៖ វ៉ាន់ ណា​ង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម