កូវីដ-១៩

រដ្ឋបាលខេត្តកំពង់ឆ្នាំង ចេញសេចក្តីជូនដំណឹងស្ដីពីមរណភាព អ្នកវិជ្ជមាន កូវីដ១៩ បុរសនិងស្ត្រីចំនួន ២ នាក់ នៅថ្ងៃទី២៨នេះ

បានផុស

៥ years មុន

នៅ

ថ្ងៃចន្ទ ២៨ មិថុនា ២០២១

ដោយ

កំពង់ឆ្នាំង ៖ រដ្ឋបាលខេត្តកំពង់ឆ្នាំងនៅល្ងាចថ្ងៃទី ២៨ ខែមិថុនាឆ្នាំ ២០ ២១ នេះ បានចេញសេចក្តីជូនដំណឹងស្ដីពីមរណភាពបុរសនិងស្ត្រី អ្នកវិជ្ជមានកូវីដ ១៩ ចំនួន ២ នាក់ នៅថ្ងៃទី២៨ ខែមិថុនា ឆ្នាំ២០២១ នៅ ក្នុងមន្ទីរពេទ្យបង្អែកខេត្តកំពង់ឆ្នាំង។

អ្នកស្លាប់ដោយសារជំងឺកូវីដ១៩ ខាងលើនេះ ១ឈ្មោះ កឹម ឈឹម ភេទប្រុស អាយុ ៨៣ ឆ្នាំ រស់នៅភូមិត្រពាំងព្នៅ ឃុំច្រេស ស្រុកកំពង់ត្រឡាច ខេត្តកំពង់ឆ្នាំង ។ ដោយមានគ្រោះថ្នាក់ចរាចរណ៍របួសបាក់បែក ប៉ះទង្គិចក្បាល បានរកឃើញវិជ្ជមានកូវីដ១៩ និងដោយសាររបួសធ្ងន់ធ្ងរ បុរសខាងលើបានទទួលមរណភាពនៅម៉ោង ៥និង២០នាទីល្ងាចថ្ងៃទី ២៨ ខែមិថុនានេះ។

ទី២ ឈ្មោះ ប្រាក់ អិន ភេទស្រីអាយុ ៦៦ ឆ្នាំរស់នៅភូមិខ្លាគ្រហឹមឃុំអំពិលទឹក ស្រុកកំពង់ត្រឡាចខេត្តកំពង់ឆ្នាំង។ បានរកឃើញវិជ្ជមានកូវីដ១៩ នៅមណ្ឌលព្យាបាលវិទ្យាល័យហ៊ុនសែនកំពង់ត្រឡាចនាថ្ងៃទី ២៧ ខែមិថុនា វេលាម៉ោង ៩ និង នាទី។ ដោយ មានអាការៈហត់ដង្ហក់ នឹងឡេះឡះខ្លាំង ត្រូវបានបញ្ជូនមកកាន់មន្ទីរពេទ្យបង្អែកខេត្តកំពង់ឆ្នាំងនៅវេលាម៉ោង ៨និ៥០នាទី ព្រឹកថ្ងៃ ទី ២៨ ខែមិថុនា នឹងបានទទួលមរណភាពនៅម៉ោង ១០ និង ៣០ នាទីព្រឹកថ្ងៃទី ២៨ ខែមិថុនា នេះ៕

ដោយ ៖ ឈៀងថារិទ្ធ