កូវីដ-១៩

រដ្ឋបាលខេត្តកំពង់ឆ្នាំងចេញសេចក្តីជូនដំណឹង ស្ដីពីការរកឃើញអ្នកវិជ្ជមានកូវីដ១៩ ចំនួន ២០ នាក់ថ្មីថែម ទៀតនៅថ្ងៃទី២៩នេះ

បានផុស

៥ years មុន

នៅ

ថ្ងៃអង្គារ ២៩ មិថុនា ២០២១

ដោយ

កំពង់ឆ្នាំង ៖ រដ្ឋបាលខេត្តកំពង់ឆ្នាំងនៅល្ងាច ថ្ងៃទី២៩ ខែមិថុនាឆ្នាំ២០២១ នេះបានចេញសេចក្តីជូនដំណឹងស្ដីពីការរកឃើញអ្នកវិជ្ជមានកូវីដ១៩ ថ្មីទៀតចំនួន២០នាក់ លើគ្រូបង្រៀន អាជីវករ និងកម្មកររោងចក្រ។

អ្នកវិជ្ជមានកូវីដ១៩ ទាំង២០នាក់ខាងលើនេះគឺ រស់នៅក្នុងក្រុងកំពង់ឆ្នាំងចំនួន៥នាក់ , នៅស្រុករលាប្អៀរ ៤នាក់ និងនៅក្នុងស្រុកបរិបូណ៌ ចំនួន១នាក់ នៅស្រុកសាមគ្គីមានជ័យ១នាក់ ស្រុកកំពង់ លែង១នាក់ និង ស្រុកកំពង់ត្រឡាច៨នាក់។

នៅក្នុងសេចក្តីជូនដំណឹងនេះបានបញ្ជាក់ឲ្យដឹងទៀតថា គិតមកដល់ថ្ងៃទី២៩ ខែមិថុនា នេះខេត្តកំពង់ឆ្នាំងមានអ្នកវិជ្ជមានសរុបចំនួន៥៥០នាក់ , ជាសះស្បើយថ្មី ៧នាក់ , អ្នកជាសះស្បើយសរុប ៣៧២នាក់ , អ្នកស្លាប់ថ្មី ២នាក់ , អ្នកស្លាប់សរុបចំនួន១១នាក់ , និងអ្នកកំពុងសម្រាកព្យាបាលមានចំនួន១៧៧នាក់៕

ដោយ ៖ ឈៀងថារិទ្ធ

Related Topics:កូវីដ-១៩