កូវីដ-១៩

ខេត្តសៀមរាប រកឃើញករណីវិជ្ជមានកូវីត១៩ ចំនួន៦០នាក់, ជាសះស្បើយចំនួន១៦នាក់ និងមានអ្នកស្លាប់ម្នាក់

បានផុស

៥ years មុន

នៅ

ថ្ងៃអង្គារ ២៩ មិថុនា ២០២១

ដោយ

សៀមរាប ៖ នាយប់ថ្ងៃទី២៩ ខែមិថុនា ឆ្នាំ២០២១នេះ ក្រុមគ្រូពេទ្យខេត្តសៀមរាប បានបន្តរកឃើញករណីថ្មីវិជ្ជមាន កូវីដ១៩ ចំនួន៦០នាក់ ជាសះស្បើយចំនួន១៦នាក់ និងមានស្លាប់ម្នាក់ នេះបើតាមរយៈផេកហ្វេសបុកផ្លូវការ របស់លោក វិជ្ជបណ្ឌិត ក្រុស សារ៉ាត ប្រធានមន្ទីរ សុខាភិបាល នៃរដ្ឋបាលខេត្តសៀមរាប បានចេញផ្សាយនៅមុននេះបន្តិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មកទល់យប់ថ្ងៃទី ២៩ មិថុនា ខេត្តសៀមរាប មានករណីវិជ្ជមាន កូវីដ១៩ ចំនួន១០៩៤ នាក់ ជាសះស្បើយ ចំនួន ៤០៧នាក់ ស្លាប់១១នាក់ និង៦៩៣នាក់ កំពុងសម្រាកព្យាបាល នៅមន្ទីរពេទ្យបង្អែកខេត្តសៀមរាប និងមណ្ឌលចត្តាឡីស័ក គរុកោសល្យ និងវិក្រឹតការខេត្ត និងវិទ្យាល័យដំដែកនិង វិទ្យាល័យអង្គរ។

ដូច្នេះហើយសូមពុកម៉ែបងប្អូនបង្កើនការប្រុងប្រយ័ត្នឲ្យបានជាប់ជានិច្ចនិងស្តាប់តាមការណែនាំរបស់រាជរដ្ឋាភិបាល ក៏ដូចការណែនាំរបស់ក្រសួងសុខាភិបាល ៣កុំ៣ការពារ ឲ្យខ្ជាប់ខ្ជួនជានិច្ច មិនត្រូវជួបជុំគ្នានោះទេ និងលាងដៃនិងសាប៊ូ ឬអាកុលនិងជែលជាប្រចាំ ដើម្បីកាត់ផ្តាច់ខ្សែចម្លងពីមួយទៅមួយ៕

ដោយ ៖ គឿនវេត