ភ្នាក់ងារព្រមានចំណាត់ការផ្លូវច្បាប់ ក្រោយមានអ្នកលុកលុយឯកជនភាព Lee Dong Wook

កាលពីថ្ងៃទី ១៤ ខែតុលា ទីភ្នាក់ងារ KINGKONG by Starship Entertainment  របស់តារាប្រុស Lee Dong Wook បានចេញសេចក្តីថ្លែងការណ៍ផ្លូវការមួយ ដោយបាននិយាយថា កាលពីពេលថ្មីៗនេះ មានករណីបុគ្គលដែលទៅលេងផ្ទះ និងកន្លែងឯកជនរបស់តួឯកប្រុសដោយគ្មានការអនុញ្ញាត ព្យាយាមទំនាក់ទំនង ឬទុកសំបុត្រមិនសមរម្យ។ សកម្មភាពទាំងនេះជាការបំពានយ៉ាងច្បាស់លើឯកជនភាពរបស់គាត់»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារនេះក៏បានបញ្ជាក់យ៉ាងច្បាស់ថា «វិធានការផ្លូវច្បាប់កំពុងត្រូវបានពិចារណា។ ពួកយើងនឹងចាត់វិធានការផ្លូវច្បាប់យ៉ាងតឹងរ៉ឹងប្រឆាំងនឹងគ្រប់ទម្រង់នៃការរំលោភលើឯកជនភាព រួមទាំងការចូលមើលផ្ទះរបស់តារាសម្ដែអដោយគ្មានការអនុញ្ញាត ការជ្រៀតចូលទៅក្នុងលំហឯកជន ការតាមដានកាលវិភាគក្រៅផ្លូវការ និងការលេចធ្លាយព័ត៌មានផ្ទាល់ខ្លួន»។

 KINGKONG by Starship Entertainment  ក៏បានបញ្ជាក់បន្ថែមទៀតថា សូម្បីតែការប៉ុនប៉ងដើម្បីទទួលបាន ឬប្រើប្រាស់ព័ត៌មានហោះហើរក៏ត្រូវបានចាត់ទុកថាជាការរំលោភបំពានដែរ។ ការទទួលបានព័ត៌មានលម្អិតអំពីជើងហោះហើរតាមរយៈមធ្យោបាយមិនសមរម្យ ឬឡើងជើងហោះហើរដូចគ្នាដើម្បីទៅជួបសិល្បករអំឡុងពេលនៅក្រៅប្រទេស ឬកាលវិភាគផ្ទាល់ខ្លួនក៏នឹងត្រូវចាត់ទុកជាការរំលោភសិទ្ធិឯកជនផងដែរ”។

សេចក្តីថ្លែងការណ៍បានបន្តទៀតថា អាកប្បកិរិយាបែបនេះគឺជាការបំពានច្បាប់យ៉ាងច្បាស់។ យើងសុំឲ្យមានការយោគយល់ និងកិច្ចសហប្រតិបត្តិការរបស់អ្នកក្នុងការគោរពសុវត្ថិភាព និងសិទ្ធិរបស់សិល្បករ។ ក្រុមហ៊ុនរបស់យើងនឹងបន្តចាត់វិធានការគ្រប់បែបយ៉ាងដើម្បីការពារសិល្បកររបស់យើង។

ដោយឡែក សម្រាប់តារាសម្ដែង Lee Dong Wook នឹងបង្ហាញខ្លួននៅក្នុងរដូវកាលទី២ នៃស៊េរី Disney+ ‘A Shop for Killers ដែលគ្រោងនឹងចេញផ្សាយនៅឆ្នាំក្រោយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

បុគ្គលល្បីៗកូរ៉េធ្លាប់មកកម្ពុជា សុទ្ធតែលើកឡើងថា សុវត្ថិភាព និងមានប្រជាជនរីករាយបំផុត