ជីវិតកម្សាន្ដ

បុគ្គលល្បីៗកូរ៉េធ្លាប់មកកម្ពុជា សុទ្ធតែលើកឡើងថា សុវត្ថិភាព និងមានប្រជាជនរីករាយបំផុត

បានផុស

៧ ខែ មុន

នៅ

ថ្ងៃអង្គារ ១៤ តុលា ២០២៥

ដោយ

តារាជួរមុខ និង Influencer (អ្នកមានឥទ្ធិពល) នៅក្នុងប្រទេសកូរ៉េជាច្រើនដែលធ្លាប់មកនាពេលកន្លងមក សុទ្ធតែបាននិយាយដូចៗគ្នាថា កម្ពុជាគឺប្រទេសពោរពេញដោយសុវត្ថិភាព មានប្រជាជនចិត្តល្អ និងមានភាពរួសរាយរាក់ទាក់។

ជាក់ស្ដែង ខាងក្រោមនេះគឺជាឧទាហរណ៍ដែលបង្ហាញអំពីតារា ព្រមទាំងអ្នកមានឥទ្ធិពលល្បីៗបានបង្ហាញអំពីអារម្មណ៍ផ្ទាល់ខ្លួនរបស់ពួកគេរៀងខ្លួន។

ទី ១ តារាតីកតុក Hongdae Guy

Youtuber និងជាបុគ្គលមានឥទ្ធិពលនៅលើបណ្ដាញ TikTok លោក Hongdae Guy ដែលជាជនជាតិកូរ៉េខាងត្បូងបានធ្វើដំណើរមកកាន់ប្រទេសកម្ពុជា តាមរយៈក្រុមហ៊ុនស្រាបៀរមួយ។ យ៉ាងណា ដំណើរនៃការមកដល់របស់បុរសសង្ហារូបនេះ បានជួយផ្សព្វផ្សាយអំពីទេចរណ៍នៅក្នុងប្រទេសកម្ពុជា ក៏ដូចជាការភ្លក់អាហារតាមផ្លូវ និងស្លៀកពាក់ជាឈុតប្រពៃខ្មៃរជាដើម។

ទន្ទឹមនឹងការមកដលរបសលោកដំបូង សរសើរអំពីប្រទេសកម្ពុជាថាស្អាត និងថា «កម្ពុជាសុវត្ថិភាពជាងដែលខ្លួនគិត» លោកនិយាយប្រយោគនេះ នៅពេលដែលដើរកម្សាន្តពេលយប់នៅលើដងផ្លូវថ្មើរជើងចតុមុខ។

ទី ២. តារាយូធូប Pani Bottle

Youtuber ដ៏ល្បី ដែលធ្វើ Vlog អំពីដំណើរកម្សាន្តនៅក្នុងប្រទេសកម្ពុជាច្រើនថ្ងៃបានលើកឡើងថា ប្រជាជនខ្មែរជាមនុស្សមានចិត្តល្អ ម៉ត់ចត់។ ចំណែកឯ អាហារអាចទទួលទានបានសុវត្ថិភាពបំផុត ក៏ពុំសូវភ័យខ្លាចឬព្រួយបារម្ភសូម្បីតែបន្តិចណាឡើយ។

ទី ៣. យូធូប Kwak Tube

YouTuber ដ៏ល្បីល្បាញមួនៅក្នុងប្រទេសកូរ៉េលោក Kwak Tube ធ្លាប់បានធ្វើដំណើរមកដល់ប្រទេសកម្ពុជាកាលពីប៉ុន្មានឆ្នាំមុន។ លោកបានលើកពីភាពស្ងប់ស្ងែងអំពីប្រាសាទអង្គរវត្តថា មានទេសភាពស្អាតនិងស្ងប់ស្ងាត់។ ជាងនេះទៀត តារាយូធូបរូបនេះថែមទាំងឆ្លៀតបញ្ចាក់ប្រាប់អ្នកគាំទ្រថា «កម្ពុជាមិនគ្រោះថ្នាក់ដូចដែលមនុស្សខ្លះគិតឡើយ»។

៤. កម្មវីធី Korean TV Shows

នៅក្នុងកម្មវិធីទេសចរណ៍របស់កូរ៉េក៏មានការលើកឡើងថា ប្រទេសកម្ពុជាគឺសុវត្ថិភាព និងមិត្តភាពជាចំណងមួយមិនអាចប្រកែកបាន។ ជាពិសេស ថែមទាំងមានទេសភាពស្រស់ស្អាត និងមនុស្សមានអំពើស្និទ្ធស្នាលគួរឲ្យគោរពបំផុត។ មិនត្រឹមតែប៉ុណ្ណឹងទេ ពួកគេក៏លើកឡើងថា នៅស្រុកខ្មែរមានម្ហូបអាហារធូរថ្លៃ អាចបរិភោគបានយ៉ាងងាយស្រួល។

ហេតុអ្វីបានបុគ្គលល្បីៗនៅលើទឹកដីកូរ៉េបែរជាយល់ថា ប្រទេសកម្ពុជាសុវត្ថិភាពទៅវិញ?

ថ្វីដ្បិតតែប្រទេសខ្មែរមានទំហំផ្ទៃដីតូចមែនពិត ប៉ុន្តែមិនមានការរឹតត្បិតឬមួយតឹងតែងដូចប្រទេសធំៗដទសទៀតទេ។ ជាពិសេស ប្រជាជននៅតាមជនបទតែងតែយកចិត្តទុកដាក់ជាមួយភ្ញៀវ មិនថាជំនួយពេលត្រូវការ ឬជាអ្វីមួយឡើយ។ ចំណែកបរិយាកាសវិញ ពោលគឺស្ងប់ស្ងាត់ និងធម្មជាតិ ជាទីកន្លែងមួយដែលមនុស្សជាច្រើនចូលចិត្ត និងដាក់គោលដៅទេសចរណ៍ធំបំផុតមួយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖